Luku 22:18 - BAYỊBURU Izii

¹⁸ Kẹle iphe, mu epfuru unu bụ l'e -shi ntanụ-a bẹ mu taa ngụbaekwa mẹe, shi l'akpụru vayịnu jasụ teke Chileke e-goshi lẹ ya bụ eze.”

Luku 22:18 ပူးပေါင်းရင်းမြစ်များ

Ebvu-ọma 104:15

gude kụta mẹe, aangụje g'obu tsọo ụtso; bya emeta manụ, aanyịje g'iphu maa mma; waa nri, eerije gẹ ndzụ dụ.

Ebvu Sólomọnu 5:1

Gụbe nwanyị, mu lụru k'ọ̀phúú; bya abụru nwune mu; mu bataakwaru lẹ mgbabu mu ono. Mu hekọakwaru ụ̀nwù mẹru mu; mẹwaro ụ̀nwù ọzo, eshigbaa kwẹekweekwee. Mu riakwaru manụ-ẹnwu mu; yẹe ẹbakala iya. Mẹe mu; yẹe mini ẹra-eswi mu bẹ mu ngụakwaru. Unu ria ngụa; unubẹ ndu ọ̀nyà! Unu ngụa ngụta ike unu; unubẹ ndu yeru onwunu obu!

Azáya 25:6

Ọo l'eli úbvú-a bẹ Chipfu, bụ Ọkalibe-Kakọta-Ike a-nọdu kua ndiphe l'ophu oku iphe-eriri, tsụru ẹba; gaarụ phẹ mẹe ndiche; mbụ shiaru phẹ anụ, bụ anụ, ụmi jiru ejiji; yẹe mẹe, doru ẹrwu.

Azáya 55:1

Unu gebekwa-o! G'iphe, bụkpoo onye mini agụ byakwa angụta mini! G'onye enwedu okpoga byakwa azụa nri ria! G'ọ byakwa agata mẹe; zụta ẹra-eswi, e gudedu okpoga azụ; ọphu ọ dụdu aswa.

Danẹlu 2:44

“Ọ bụru teke ndu ono, a-bụru eze ono bẹ Chileke k'imigwe e-gude ẹka iya meta alị-eze ọphu a ta abyadụ e-mebyishi. Ọphu ọ dụdu onye byaru a-nochibaa ọkwa eze k'ono. Ọo-kụpyashikota alị-eze ono g'ọ ha gwee phẹ arakabya mee ẹphe taa dụbaedu; yẹbedua anọdu jasụ lẹ tuutuutuu lẹ mịimiimii.

Zekaraya 9:15

Ọ bụru Chipfu, bụ Ọkalibe-Kakọta-Ike e-gbobuta phẹ. Ẹphe a-nọdu atsụ ndu ọhogu phẹ ọtsu-ẹpfu; alwụ phẹ alwụ-kpe phẹ. Ọ bụru iphe, ẹphe e-gude eme iya bụ mkpuma rọbo agbagba phẹ. Ẹphe a-ngụ iphe, aangụ angụngu; aba gẹ ndu mẹe atsụ. Ẹphe ejije pyịmu g'ochi, eegudeje ephe mee l'agụga ọru-ngwẹja Chileke.

Zekaraya 9:17

Lewarọ! Ọ dụnukaru ree tẹme ọ manụka mma. Ereshi l'a-nọdu eme g'ụnwokorobya phẹ bụru ndu nweru iphe shii; mẹe-ọphuu emekwaphọ g'ụnwada phẹ nwụjaa ọnu-ọchi.

Matiyu 16:18

Sụ-a; iphe, mu akafụaru ngu bụ; ọo ngu bụ Pyịta. Ọ bụru l'eli mkpuma-a bẹ mu a-kpụ Chịochi mu. Ọphu ọ dụdu m'obeta ọ bụru anwụhu a-dụ ike emebyi ya nụ.

Matiyu 26:29

Ọle iphe, mu a-karụ unu bụ; mu ta abyakwa angụbaa mẹe, shi l'akpụru vayịnu jasụru mbọku ono, mu l'unu a-ngụ k'ọ̀phúú l'ẹka Nna mu bụ eze.”

Maku 14:23

Ọ bya ewolita okoro bya ekelekwaphọ Chileke ekele bya eworu iya nụ phẹ; ẹphe tụko ngụa.

Maku 14:25

Sụ-a; gẹ mu gbukwaaru iya unu tororo; mu ta abyakwa angụbaa mẹe, shi l'akpụru vayịnu gbiriri jasụ teke mu a-ngụ k'ọ̀phúú lẹ mgboko ọ̀phúú kẹ Chileke.”

Maku 15:23

Ẹphe woru mẹe, a gwarụ manụ-mẹru nụ iya g'ọ ngụa. Ọphu o kwedu iya angụngu.

Maku 9:1

Ọ sụ phẹ: “Gẹ mu gbukwaaru iya unu tororo; ọ dụru ndu harụ pfụru l'ẹka-a, ata yịdu nwụhu; gbahaa l'ẹphe hụmaadaru gẹ Chileke gude ike egoshi l'ọo ya bụ eze.”

Luku 21:31

Nokwaphọ g'ọwa-a dụ. Teke iphemiphe-a wataẹrupho ememe; unu amaru lẹ teke Chileke e-goshi lẹ ya bụ eze dụwaa ntse.”

Luku 22:16

Kẹle-a; gẹ mu karụ unu; mu tee riẹkwa iya ọzo jasụ teke ee-ri ọkpobe iya l'ẹka Chileke bụ eze.”

Luku 9:27

Ọle gẹ mu gbukwaaru iya unu tororo; ọ dụkwaru ndu harụ pfụru l'ẹka-a, ata yịdu nwụhu; gbahaa l'ẹphe hụmaadaru ẹka Chileke bụ eze.”

Kọlosi 1:13

Ọ dzọtaru anyi l'ẹka ọchii nweru ike bya eworu anyi je edobe l'ẹka Nwa iya, o yeru obu bụ eze.

Ikpe 9:13

Vayịnu sụ phẹ: ‘?Bụ gẹ mu parụ mẹe mu, emeje g'obu tsọ Chileke waa nemadzụ ụtso ono haa bya eletaaha oshi l'ophu ẹnya?’