Luku 2:40 - BAYỊBURU Izii

⁴⁰ Nwata ono vuta bya eshihu ike; bya akwashịa ẹnya ike; Chileke nọdu emeru iya eze-iphe-ọma.

Luku 2:40 ပူးပေါင်းရင်းမြစ်များ

Ebvu-ọma 22:9

Ọle ọ kwa ngu-a kufutaru mu l'ẹpho ne mu. Ọ bụru ngu meru; mu dakobe ngu; e -shirọ teke mu angụkwadu ẹra.

Ebvu-ọma 45:2

Ị kakọta nemadzụ, a nwụkpooru anwụnwu ama mma. Eze-iphe-ọma jiru ngu ọnu ejiji; kẹle Chileke gọru ọnu-ọma ojejoje nụ ngu.

Luku 1:80

Tọbudu iya bụ; nwata ono nọdu evu; bya aka enweru egomunggo. Ọ nọo l'echiẹgu jasụ teke ọ fụtaru l'edzudzu-ọha ndu Ízurẹlu.

Luku 2:47

Ọ dụ-dzukọtaru ndu anụ iphe, oopfu biribiri; mbụ g'iphe edobeje iya ẹnya; waa g'o gude eye ọnu l'opfu ree.

Luku 2:52

Jizọsu nọdu akabaa akwa ẹnya eje; tẹme ọ nọdu evukwaphọ evuvu. Ọ dụ Chileke ree l'obu bya adụ ndiphe.

Jiọnu 1:14

Tọbudu iya bụ; Opfu ono bya abụru nemadzụ; anyi l'iya buru. Anyi gude ẹnya anyi hụma ọdu-biribiri iya; mbụ ọdu-biribiri, gbaru iya nụ; eshinu ọ bụ iya bụ Nwa nwoke lanụ, Nna iya, bụ Chileke nwụtaru. Iphe, ndzụ iya bụ bụerupho eze-iphe-ọma yẹe ire-lanụ.

Ndu-ishi-ozi 4:33

Ndu-ishi-ozi nọdu asa iya l'edzudzu-ọha g'o doo ẹnya; lẹ Nnajịuphu, bụ Jizọsu shiwaa l'ọnwu teta dzụru ndzụ. Chileke kwatakpọo emeru phẹ eze-iphe-ọma, parụ ẹka g'ẹphe ha.

Efesọsu 6:10

Iphe, mu e-gude kpọchia ya ishi ụnwunna mu bụ; unu nọshia ike l'ẹka Nnajịuphu; g'ike iya, nyịberu anyịbe mekwa unu g'unu shihu ike.

2 Timoti 2:1

Ọo ya bụ; gụbedua, bụ nwa mu; gẹ Chileke mee g'i gude eze-iphe-ọma ono, shi l'ẹka Kéreshi Jizọsu ono shihu ike.

Ikpe 13:24

Nwanyị ono mechaa bya atsụta ime; nwụa nwa nwoke; bya agụa ya Samụsinu. Nwata ono bya evuta; Chipfu kebe iya l'ọma.

1 Sámẹlu 2:18

Sámẹlu bụ nwata nwokoro nshịi, ejeru Chipfu ozi, eyeje akpawuru uwe ọchaa, ndu-uke Chileke eyeje.

1 Sámẹlu 2:21

Chipfu bya emeeru Hana iphe-ọma; ọ tsụta ime bya anwụtafua ụnwegirima unwoke ẹto; waa ụnwanyi labọ. Nwata ono, bụ Sámẹlu nọdu l'iphu Chipfu vuta.

1 Sámẹlu 2:26

Nwokoro nshịi ono, bụ Sámẹlu nọdu evukpọepho evuvu eje. Ọ bụru onye dụ Chipfu mẹ ndiphe l'obu.

1 Sámẹlu 3:19

Sámẹlu nọdu evukpoẹpho eje; Chipfu swiẹru iya phọ eswiru; ọphu ọ dụdu opfu, o pfuru, adajẹ l'alị gbarụ ẹka.