Luku 2:14 - BAYỊBURU Izii

¹⁴ “Chileke, nọ l'imigwe gbaru g'aakwabẹ iya ùbvù. Amadụ, nọ l'alị, bụ ndu kweru l'o yeru phẹ obu bẹ ẹhu a-dụ guu.”

Luku 2:14 ပူးပေါင်းရင်းမြစ်များ

Azáya 44:23

Gụbe imigwe; gụnaa ebvu ẹhu-ụtso; kẹle o kwa Chipfu mewaru iphe-a! Chia mkpu g'a nụma gụbe eliphe, nọ igwe lẹ mkpula! Unu watanụ agụ ebvu; unubẹ úbvú úbvú; mẹkpoo unubẹ ọswa ọswa; yẹle iphe, bụkpoo oshi, nọ iya nụ! Noo kẹle Chipfu gbafụtawaru Jiékọpu! O gudewaa Ízurẹlu goshi ọdu-biribiri iya.

Azáya 49:13

Unubẹ imigwe l'ophu; unu rwua okwe! Gụbe eliphe; tenaa ẹswa! Unubẹ úbvú úbvú; unu watanụ agụ ebvu! Noo kẹle Chipfu watawarụ adụ ndibe iya obu. Tẹme ọ bụru ndibe iya ono, shi eje iphe-ẹhuka ono bẹ ọo-phụru obu-imemini.

Azáya 57:19

Mu e-me g'ajaja dụ l'ogbogboromọnu ndu ono, agụ aphụ lẹ Ízurẹlu ono. Ẹhu-guu dụkwaru ndu nọ ẹnya mẹ ndu nọ ntse; ọzo bụ lẹ mu e-me g'ẹphe wekọrohu.” Nokwa iphe, Chipfu eepfu.

Mayịka 5:5

Ọ bụru iya e-me gẹ nchị a-dụru phẹ doo.” “Teke ndu Asiriya l'a-bya awụba l'alị anyi; zọahaa garamugaramu azọpyashi ẹka anyi kpụru kpụshia ya ike bẹ anyi a-họta ndu eche atụru ụmadzu ẹsaa yẹe ndu bụ ndu-ishi ụmadzu ẹsato g'ẹphe duta anyi tsoo ndu Asiriya ọgu.

Matiyu 21:9

Ikpoto ndu awụ etso iya l'azụ mẹ ndu ọphu nọ iya l'iphu nọdu akpọ okwe asụje: “Nwa Dévidi, deejee! Deejee! Owoo! Onye Chileke gọru ọnu-ọma nụ bẹ ọ bụ; mbụ onye ono, bụ Nnajịuphu ziru iya g'ọ bya ono. Deejee! Deejee! Ọkalibe-kangokọtaru-nụ, shi l'imigwe!”

Luku 1:79

g'ọo-bụru ìphóró, dụru ndu nọ l'ọchii mẹ ndu ọnwu heru gabala asọ-kputa; waa g'oo-duru anyi bahụ l'ụzo ẹhu-guu.”

Luku 19:38

Ẹphe sụ: “Onye Chileke gọru ọnu-ọma bẹ eze ono bụ; mbụ onye ono, bụ Nnajịuphu ziru iya g'ọ bya ono. Gẹ nchị dụkwa doo l'imigwe; g'ùbvù dụru Chileke, bụ Ọkalibe-kangokọtaru-nụ.”

Luku 2:13

A bya ele ẹnya; igwerigwe ojozi-imigwe ọzo kpofutawaa byapfuta ojozi-imigwe k'ono ẹphe tụko aja Chileke ajaja asụje:

Luku 2:15

Ụnwu-ojozi-imigwe ono wụfuepho l'ẹka ẹphe nọ wụba l'imigwe; ndu eche atụru ono wata epfupfu sụ: “G'anyi jeẹshikwa Bẹtulehemu je ahụma iphe-a, meru nụ-a, Nnajịuphu tụru anyi ọnu iya-a.”

Luku 3:22

Unme-dụ-Nsọ dụepho gẹ ndo phezeta bya anọdu iya l'ẹhu. A nụma olu-opfu, shi l'imigwe ono sụ: “Ị bụ nwa mu nwoke, mu yeru obu. I jiru mu ẹpho.”

Jiọnu 14:27

“Sụ-a; mu haakwaru unu ẹhu-guu. Ẹhu-guu ono bụru mbẹdua bẹ o shi l'ẹka; ọ tọ bụkwa ụdu iya ọphu eshije ndiphe l'ẹka bẹ mu nụru unu. Unu ta ayọjekwa ọshi l'ime obu unu; ọphu unu atsụkwa ebvu.

Jiọnu 17:4

Mu nọ lẹ mgboko-a mee gẹ ndiphe hụma g'ị dụ-be biribiri; eshinu mu tụkoru iphe ono, i ziru mu gẹ mu bya emee ono mekọta.

Jiọnu 3:16

Lẹ Chileke yekwarụ ndiphe obu; yetabe iya k'ọphu ọ nụru Nwa lanụ, o nweru kpoloko: g'ọoburu onye kwetarụ nkiya; onye ono taa ladụ l'iswi; o nwechiaru ndzụ ojejoje.

Ndu-ishi-ozi 10:36

Sụ-a; Chileke ziru ndu Ízurẹlu ozi bya eshi l'ẹka Jizọsu Kéreshi zia phẹ ozi-ọma k'ẹhu-guu. Ọ bụru Kéreshi ono, bụ iya bụ Nnajịuphu onyemonye.

Romu 5:1

Ọo ya bụ lẹ Chileke gụwaru anyi lẹ ndu pfụberekoto opfu l'anyi kweru nkiya. Nta-a bẹ anyi shiwaa l'ẹka Nnajịuphu anyi, bụ Jizọsu Kéreshi; ẹhu dụwaa anyi guu l'ọnodu anyi lẹ Chileke.

Efesọsu 1:6

g'anyi etuje Chileke ẹpha k'eze-iphe-ọma ono, dụ biribiri ono, o meru anyi kẹ mmanụ ono; mbụ anyịbe ndu anyi lẹ Nwa iya ono, o yeru obu ono tụgbaru bụru nanụ.

Efesọsu 1:9

Ọ byakwaphọ bya emee g'anyi maru iphe; nweru ọkpobe egomunggo; k'ọphu iphe, oome e-doje anyi ẹnya. O meru; anyi bya amaru iphe, shi bụru iphe, o domiru edomi, bụ iphe, ọ rịhawaru lẹ ya e-shi Kéreshi l'ẹka mee.

Efesọsu 2:4

Obenu lẹ Chileke bụ onye aphụje obu-imemini; phụa k'etsutsu iya. O yeru anyi obu yegharụ iya anyi ẹka.

Efesọsu 2:7

Iphe, o gude mee ya nno bụ g'oo-mecha goshi ọgbo ọphu nọ l'iphu eze-iphe-ọma iya ọphu nyịberu oke anyịbe; waa g'oo-goshi phẹ g'obu ọmaa ya, shi l'ẹka Kéreshi habe l'ẹhu anyi.

Filipayi 2:11

waa k'ọphu onyemonye e-pfu iya hoo haa l'ọo Jizọsu Kéreshi bụ Nnajịuphu; shi ẹgube ono kwabẹ Chileke, bụ Nna ùbvù.

Filipayi 2:13

Noo kẹle ọo Chileke bẹ bụ onye ereshi ire ike l'ẹhu unu. Ọo ya emeje g'unu chịa ìdzù mee iphe, dụ iya ree l'ọkpoma; mee ya g'ọ tụberu.

Kọlosi 1:20

Waa g'ọo bụkwarupho l'ẹka Nwa iya ono bẹ ya e-shi mee gẹ yẹle iphemiphe, nọ l'imigwe mẹ ọphu nọ lẹ mgboko dụ lẹ ree. Ya eshi ẹgube ono gude mee ono, Nwa iya gbashịru l'oswebe ono mee g'opfu ta adụheru yẹbe Chileke yẹle iphemiphe, o meru ememe.

2 Tesalonayika 2:16

Gẹ Nnajịuphu anyi, bụ Jizọsu Kéreshi l'onwiya; yẹle Chileke, bụ Nna anyi, bụ onye yeru anyi obu; bya emee g'obu shihu anyi ike jasụ lẹ tuutuutuu lẹ mịimiimii; meeru unu anyi eze-iphe-ọma; mekwaarụpho anyi iphe ono, anyi ele ẹnya iya ono.

Ọphulenya 5:13

Mu nụma g'iphe, bụkpoo iphe, Chileke meru dobe l'imigwe; mẹ ọphu, o meru dobe l'eliphe; mẹ ọphu o meru dobe l'ime-alị; mẹkpoo iphe, o meru dobe l'eze-ẹnyimu; tụkoru agụ ebvu asụje: “G'iphe, bụkpoo ọnu-ọma, aagọ agọgo; mẹ ùbvù g'ùbvù ha; mẹ ajaja; mẹ abụ ishi k'iphemiphe tụko bụru kẹ gụbe onye ono, nọ l'aba-eze ono waa gụbe Nwatụru ono jasụ lẹ tuutuutuu lẹ mịimiimii.”