Luku 2:10 - BAYỊBURU Izii

¹⁰ Ojozi-imigwe ono sụ phẹ: “Gẹ ndzụ ba agụshi unu; unu ngabẹ nchị. Mu byaru ezi unu ozi-ọma, l'e-me g'ẹhu tsọo ndiphe mgburugburu ụtso shii.

Luku 2:10 ပူးပေါင်းရင်းမြစ်များ

Mbụlembu 12:3

Mu a-gọru ọnu-ọma nụ ndu gọru ọnu-ọma nụ ngu; ndu tụru ngu ọnu bẹ mu a-tụ ọnu. Tẹme ndu mgboko l'ophu bẹ ee-gude iswi ẹhu ngu kebe l'ọma.”

Azáya 40:9

Je apfụru l'eli úbvú, ha shii; gụbe Zayọnu; onye byaru ezi ozi-ọma. Gụbe Jierúsalẹmu, byaru ezi ozi-ọma; wolinaa olu chia mkpu! Wolia olu; gẹ ndzụ ba agụshi ngu! Sụ mkpụkpu, dụgbaa l'alị ndu Jiuda-a: “Wakwa Chileke unu baa!”

Azáya 41:27

Ọ bụru mbẹdua vuru ụzo pfuaru Zayọnu sụ iya: ‘Lenu; wakwa phẹ baa!’ Mbụ; ọ bụru mu yeru onye jeru ezia Jierúsalẹmu ozi-ọma ono.

Azáya 49:6

Ọo ya bụ; ọ sụ: “Ọ tọ bụlekwaa g'ị bụru onye ejeru mu ozi duphutaru mu ipfu ipfu ụnwu Jiékọpu azụ; wafụa g'i dulatakwaru mu phọ ndu kẹ Ízurẹlu, bụ nwa ndu ọphu mu doberu bẹ ị nọ-doru. Mu e-mekwa ngu phọ g'ị bụru ìphóró, dụru ndu abụdu ndu Jiuda; k'ọphu ii-me gẹ ndzọta mu rwua ẹka igwe beru alị beru.”

Azáya 52:10

Chipfu a-gbabẹ onwiya ẹka ọto l'iphu ọhamoha l'ophu; mbụ ẹka iya ono, dụ nsọ ono; k'ọphu aa-hụmachaa gẹ Chileke anyi e-gude dzọta ndibe iya jasụ l'ẹka igwe beru alị beru.

Azáya 52:7

Lenu g'ọoma l'eli úbvú ono; mbụ ọkpa ndu eje abya ezi ozi-ọma; ndu ezi ozi nchị-adụ-doo; ndu nzi, ẹphe gude abya dụ ree; ndu byaru ezi ozi kẹ ndzọta; ndu asụje Zayọnu-a: “Ọ kwa Chileke ngu bụ eze!”

Azáya 61:1

Unme Nnajịuphu, bụ Chipfu dụ mu l'ẹhu; kẹle ọ họtaru mu gẹ mu je ezia ndu wozeru onwophẹ alị ozi-ọma. Ndu meji tọfuru bẹ o ziru mu gẹ mu je emee gẹ meji nmapfuru phẹ; gẹ mu je ezia ndu a kpụtaru lẹ ndzụ l'ẹphe e-nweru onwophẹ. Mu epfukwarụpho ndu nọ l'ọka-mkpọro l'aa-ha phẹ.

Danẹlu 10:19

Ọ sụ mu: “Gẹ ndzụ ba agụshi ngu; gụbe amadụ, aakwabẹ ùbvù, parụ ẹka. G'ẹhu dụkwa ngu guu! Shihu ike nta-a! Shihu ike!” O pfuẹrupho opfu ono nụ mu; mu bya arọ-keta ike bya asụ iya: “Nnajịuphu mu; pfuwarọ iphe, iipfu; eshinu i mewaru ike dụ mu.”

Zekaraya 9:9

Gụbe nwada Zayọnu; tekwaa ẹswa teshia ya ike! Gụa ebvu ẹhu-ụtso; gụbe nwada Jierúsalẹmu! Lekwa; onye bụru ngu eze abyapfutaakwa ngu. Ọ bụ onye pfụberekoto; tẹme ọ nọdu adzọje nemadzụ. O wozetaru onwiya alị; nọdu l'eli nkapfụ-ịgara agba abya; mbụ l'eli nwa nkapfụ-ịgara ọbu.

Matiyu 14:27

Teke ono kwaphọ; Jizọsu sụ phẹ: “G'ọkpoma shihu unu ike. Ọ bụa mbẹdua. Ndzụ ba agụshi unu.”

Matiyu 28:18

Jizọsu byapfuta phẹ bya asụ phẹ: “Chileke bẹ meakwaru g'iphe, bụ ike, nọ l'imigwe mẹ ọphu nọ lẹ mgboko nọdu mu l'ẹka.

Matiyu 28:5

Ojozi-imigwe ono sụ ụnwanyi ono: “Unubẹdua; unu ta atsụkwa ebvu; kẹle mu maru l'onye unu achọ bụ Jizọsu; onye a kpọpyaberu l'oswebe.

Maku 1:15

sụ: “Teke ono, Chileke kweru ukwe iya ono rwuakwaru. Chileke abyaakwaa egoshi lẹ ya bụ eze; g'izimanụ iphe-ẹji unu lwakwa unu azụ; unu bya ekweta ozi-ọma Chileke.”

Maku 16:15

Ọ sụ phẹ: “Unu jedzuru ẹkameka lẹ mgboko l'ophu je epfukashia ozi-ọma-a g'onyemonye nụmakota.

Luku 1:13

Ojozi ono sụ iya: “Gẹ ndzụ ba agụshi ngu Zakaráya; kẹle opfu, i pfuru nụ Chileke tụbawaru iya lẹ nchị. Nta-a bẹ Elízabetu, bụ nyee ngu l'a-nwụtaru ngu nwa-nwoke. Iphe, ịi-gụ iya bụ Jiọnu.

Luku 1:19

Ojozi-imigwe ono sụ iya: “Ọ kwa mbẹdua bụ Geburẹlu; onye anọje l'iphu Chileke. Ọ kwa Chileke ziru mu gẹ mu bya epfuru yeru ngu; zia ngu ozi-ọma-a;

Luku 1:30

Ojozi-imigwe ono sụ iya: “Gẹ ndzụ ba agụshi ngu Meri; lẹ Chileke mewaru ngu eze-iphe-ọma.

Luku 2:11

Kẹle a nwụru unu Onye-Ndzọta ntanụ-a lẹ mkpụkpu Dévidi; Onye-Ndzọta, bụ iya bụ Kéreshi; bya abụru Nnajịuphu.

Luku 24:47

Bya asụ l'ee-gude ẹpha iya raa lẹ Chileke a-gụru nemadzụ nvụ l'iphe-ẹji; mẹ izimanụ -lwa onye ọbu azụ. Ee-shi lẹ Jierúsalẹmu gude ẹpha iya ono radzuru l'ọhamoha lẹ mgboko mgburugburu.

Luku 8:1

Ntsolọhu teke ono kwaphọ; Jizọsu tụko mkpụkpu lẹ mkpụkpu jephekọta; ara ozi-ọma k'ẹka Chileke bụ eze ono arara; bya epfu iya epfupfu. Yẹe ụmadzu iri l'ẹbo ono swịkpoerupho;

Ndu-ishi-ozi 13:32

Iphe, anyi byaru bụ g'anyi bya akọoru unu ozi-ọma ono, bụ iya bụ l'iphe ono, Chileke kweru ndiche anyi phẹ ukwe iya ono

Romu 10:15

?Dẹnukwanu gẹ ndu-ozi-ọma e-shi je ezi ozi-ọma; l'ẹbe abụ l'e ziru phẹ g'ẹphe je? Ọ bụru iya bụ iphe, e deru sụ: “Lenu iphe, ọkpa phẹ ama; mbụ ọkpa ndu ezi ozi-ọma kẹ nchi adụ doo; tẹme ẹphe nọdu ezi iphe, dụ ree.”

Efesọsu 3:8

L'iphe, bụkpoo ndu ẹnya lwarụ lẹ ndu kẹ Chileke bụ mu bẹ ọ kachaa alwalwa; ọ bụleru mbẹdua-a bẹ Chileke gbẹ meeru eze-iphe-ọma ono kẹ gẹ mu bụru onye e-tsoru ọhamoha; pfukashiaru ndu abụdu ndu Jiu k'eze-iphe-ọma ono, shi l'ẹka Kéreshi ono parụ ẹka; k'ọphu nemadzụ ta asụdu g'ọo-rịvu g'ọ habe.

Kọlosi 1:23

Ọle iphe, unu mefụtaje bụ l'unu a-pfụshi ike l'ekweta unu; kpọo onwunu g'abara; ọphu unu ekwedu g'e mee unu g'unu wofu obu l'iphe ono, unu ele ẹnya iya ono, bụ iya bụ ozi-ọma ono, unu nụmaru ono, e zidzuru mgboko mgburugburu ono; bya abụkwaru iya phọ bẹ Chileke ziru mbẹdua, bụ Pọlu gẹ mu je ezia ndu ọzo.