Luku 18:1 - BAYỊBURU Izii

¹ Jizọsu bya anmaaru phẹ ẹtu, o gude goshi phẹ sụ g'ẹphe pfuje nụ Chileke; g'ẹphe ta asụ l'ike epfupfu bvụwaru phẹ.

Luku 18:1 ပူးပေါင်းရင်းမြစ်များ

Ebvu-ọma 102:17

Ọo-ngabẹ nchị l'epfupfu, ndu adụdu g'ọ dụ phẹ epfu anụ iya; ọphu oohudu arwọrwo, ẹphe arwọ iya l'alị.

Ebvu-ọma 27:13

Obenu l'iphe, mu chịru ụpfu kwẹe bụ lẹ mu a-nọdu ndzụ hụma iphe, dụ ree, shi Chipfu l'ẹka.

Ebvu-ọma 65:2

Ọo gụbe onye ono, azajẹ oku m'e pfuru nụ ngu bẹ onyemonye a-wụ-pfuta.

Ebvu-ọma 86:3

Phụaru mu obu-imemini; jiko Nnajịuphu; kẹle mu eku ngu oku mkpụrumkpuru.

Azáya 40:31

Obenu lẹ ndu daru ngabẹru Chipfu bẹ ike a-nọdu aka adụdu. Ẹphe e-gude ǹkù ephe l'eli l'eli g'ugo. Ẹphe agbaa ọso; ike ta abvụdu phẹ. Ẹphe ejee ije; nkwo ta atsụdu phẹ mẹe.

Azáya 62:7

Ọphu unu ahakwa iya g'ọ tụta unme jasụ teke oo-me Jierúsalẹmu g'ọ ngụru angụru; mee ya g'ọ bụru iphe, eliphe l'ophu e-gude aja Chileke ajaja.

Jieremaya 29:12

Teke ono bẹ unu a-rakuje mu; unu abyapfuta mu; bya epfuru nụ mu; mu angabẹru unu nchị.

Jiona 2:7

Teke mu shi abyawaa atụ-buhu unme bẹ mu nyatarụ gụbe Chipfu. Mu pfuahaa opfu nụahaa ngu; opfu mu rwua ẹka ị nọ l'eze-ụlo ngu, dụ nsọ.

Luku 11:10

Kẹle onyemonye, sụru g'a nụ iya iphe bẹ aa-nụje iphe; onye chọru nụ l'a-chọtaje; onye kụru ẹka bẹ aa-gụhajeru ụzo.

Luku 21:36

Ọle-a; unu che nche tekenteke; unu pfu nụ Chileke g'unu a-dụ ike pfụ-shia ike mẹ iphemiphe ono -meje. Teke e mecharu unu apfụru l'iphu Abụbu-Ndiphe.”

Romu 12:12

G'iphe ono, unu ele ẹnya iya ono meje g'ẹhu tsọ unu ụtso. Unu atakwaphọ nshi mẹ unu -nọdu eje iphe-ẹhuka. Unu epfu anụ Chileke mkpụrumkpuru.

2 Kọrentu 4:1

Ọo ya bụ; l'eshinu Chileke phụru anyi obu-imemini bya eworu ozi ono ye anyi l'ẹka bẹ ike ta abyakwa abvụ anyi l'ozi ono.

Galeshiya 6:9

Ọo ya bụ g'ike ta abvụkwa anyi l'eme ree; kẹle anyi e-ritakwaa urwu iya l'orwuberu iya mẹ anyi -gudeshia ẹka anyi g'anyi gudeshi iya.

Efesọsu 6:18

L'iphemiphe ono bẹ unu a-nọduje epfuru Chileke sụ g'o yeru unu ẹka. Unu pfuje-kpọekwapho nụ Chileke gẹ Unme-dụ-Nsọ edu unu. Noo g'o gude unu je l'anwụjeru ẹnya mkpụrumkpuru. Unu ta ahakwa epfu anụ Chileke l'iswi ẹhu ndu-nsọ.

Filipayi 4:6

G'ọ tọ dụkwa iphe, unu e-jeje ayọ ọshi iya. Iphe, unu e-mejechia bụ g'unu pfujeru nụ Chileke gude kajẹru iya iphemiphe, mkpa iya dụru unu; unu ekelejekwa iya phọ ekele.

Kọlosi 4:12

Epafurasu k'ibe unu ekelekwaphọ unu. Yẹbedua bẹ bụkwapho onye ejeru Kéreshi Jizọsu ozi. Oogudeje obu iya g'ọ ha phube iphu epfu anụ Chileke l'ishi ẹhu unu epfushi iya ike. Gẹ Chileke mee g'unu ba akpọjeru laa azụ; l'oomekwaphọ unu: unu amakọtaru umere, gbaru onye kẹ Kéreshi l'ememe ọkpobe amaru; l'oomekwaphọ g'o heje unu ihee emeẹbekota iphe, dụ Chileke l'uche.

Kọlosi 4:2

Unu yemia ishi l'epfu anụ Chileke; unu eche nche; ekelejekpọe ya phọ ekele.

1 Tesalonayika 5:17

Unu ta atuwojekwa ẹka l'epfu anụ Chileke mkpụrumkpuru.

1 Sámẹlu 1:12

Tọbudu iya bụ: ọ nọdu epfu anụ Chipfu ono; Elayi nọdu elekpọe ya phọ ẹnya l'ọnu.