Luku 13:8 - BAYỊBURU Izii

⁸ Onye-ozi mgbabu ono sụ iya: ‘Jiko hafụa ya rọ apha lanụ-a; gẹ mu bvupheadaa ya mgburugburu yeadaa ya ọzu.

Luku 13:8 ပူးပေါင်းရင်းမြစ်များ

Ebvu-ọma 106:23

Ọo ya bụ; ọ sụ lẹ ya e-mebyishi phẹ; obenu lẹ Mósisu, bụ onye ọ họtaru jeru apfụ-chia ụwara, o shi abya; g'o to gude oke ẹhu-eghu iya mebyishikọta g'ẹphe ha.

Awụfu 34:9

Ọ sụ: “Gụbe Chipfu; ọ -bụru lẹ mu dụ ngu l'obu eviya; jiko gẹ gụbe Chipfu tsonụru anyi. A makwarụ-a lẹ ndu-a bụnukaru ndu ẹjo-ọkpoma; ọle jiko gụnaru anyi nvụ l'ẹjo-iphe; waa iphe-ẹji anyi; wotarọ anyi g'anyi bụru okiphe ngu.”

Jieremaya 15:1

Tọbudu iya bụ; Chipfu bya asụ mu: Ọ tọ dụkwa m'obeta Mósisu yẹe Sámẹlu bya apfụru mu l'iphu; uche mu taa lakubeẹkwa ndu-a. Chịfukpoe phẹ phọ achịfu l'iphu mu! Haa phẹ g'ẹphe je!

Jieremaya 18:20

?Ee-gude ẹjo-iphe pfụa ụgwo iphe-ọma? Kẹle-a; ẹphe tụakwaru nsụ doberu mu. Nyatakwa lẹ mu pfụru l'iphu ngu pfuaru phẹ opfu ọma gude mee g'ẹhu ghubuhu ngu eghu l'opfu ẹhu phẹ.

Jiowẹlu 2:17

Gẹ ndu bụ uke, bụ ndu ejeru Chipfu ozi nọdukwa raa ẹkwa lẹ mgbaka nwụlo, eeshije abahụ l'eze-ụlo Chipfu yẹle ọru-ngwẹja. G'ẹphe pfukwaa sụ: ‘Gụbe Chipfu; phụnaaru ndu nkengu obu-imemini! Be mekwa gẹ ndu ono, bụ okiphe ngu ono bụru iphe, ee-gude achị ọchi! G'ẹphe ta abụkwaru iphe, ọhamoha e-gude agba mgbọnu; kẹle-a; ?dẹnu g'o gude ndiphe je l'anọdu epfuru ndu Ízurẹlu asụje phẹ: ?Bụ awe bẹ Chileke unu nọ?’ ”

Luku 13:7

Ọ sụ onye-ozi mgbabu: ‘?Ị hụmaru lẹ mu byawaru apha ẹto mgburugburu bya elee ẹnya mebyi l'oshi figu-a: ọle ọ tọ dụdu iphe, ọ mịtaru. Gbutsua ya! ?Bụ gụnu meru g'o gude o jee adzụru ndzụ emebyishiru mu alị?’

Luku 13:9

Teke ọ bụ l'ọ mịru mebyi apha ọzo; ọo ya bụ l'ọ dụ ree; teke ọdumeka l'ii-gbutsuwa iya rọ.’ ”

Luku 14:35

Ọ tọ dụkpoedunu ree k'eye l'alị; ọzoo l'ikpọzu. Ee-woru iya wụshia. Onye nweru ẹnu-nchi, l'anụ iphe; nụmakwa iya.”

Romu 10:1

Ụnwunna mu; iphe, dụkpoo mu ree l'obu; tẹme ọ bụru iphe, mu anọduje epfu anụ Chileke g'o meeru iya ndu Ízurẹlu bụ g'o mee g'a dzọo phẹ.

Romu 11:14

K'ọphu bụ; g'ọ dụhabe; mu egudeje iya eme gẹ ndu alị mu ono awatarụ unu ekoru okophoo; gẹ mu eshi nno harụ phẹ dzọo.

2 Pyịta 3:9

Nnajịuphu ta akpụkwa ẹhu akpụkpu eme iphe, o kweru ukwe iya, bụ iya bụ iphe, ndiphe anọduje arị. Ọ kwa nshi bẹ ọotaru anyi kẹle ọ tọ dụdu onye ọ dụ iya g'a sụ l'ọ larụ l'iswi; ọ chịa g'izimanụ lwa onyemonye azụ.