Luku 12:16 - BAYỊBURU Izii

¹⁶ Ọ watarụ phẹ anmarụ ẹtu sụ: “Nwoke lanụ, nweru iphe; kọru opfu; kpata iya iphe, ha shii.

Luku 12:16 ပူးပေါင်းရင်းမြစ်များ

Jiobu 12:6

Ọle ndu abalidebvu bukwa ntụsarehu; ọphu ọ dụkwa onye asụje ndu ono sụu, bụ ndu anọduje akpatsu Chileke iwe; mbụ ndu Chileke phẹ bụ l'ọbochi-ẹka phẹ bẹ ọ nọ.

Jiobu 24:23

Ọopajekpokwaaru phẹ rọ haa g'ẹphe tụta unme; ẹphe nọdu tụzowaruro ẹhu; ọle ẹnya iya dụepho l'iphe, ẹphe eme.

Ebvu-ọma 73:12

Waa gẹ ndu ẹjo-iphe dụ baa: Ọ tọ dụdu iphe, erwuje phẹ l'ẹhu; tẹme ẹku nọdu anọduje abyaru phẹ gbụkugbuku.

Ebvu-ọma 73:3

ẹka mu watarụ ejiru ndu etu onwophẹ ẹpha ijiẹnya; kẹle mu hụmaru lẹ ndu ẹjo-iphe bẹ ẹhu dụ guu.

Ezekẹlu 16:49

Waa ẹjo-iphe, nwune ngu ono, bụ Sọdomu meru baa: Yẹbedua yẹe ụnwada iya shi bụru ndu etsenụka etsetse; bụru ndu nweru nri k'etsutsu; obenu l'ẹphe te eshidu akpa ndu ọzo ishi; mbụ l'ẹphe te eshidu eyejeru ndu ụkpa mẹ ndu adụdu g'ọ dụ phẹ ẹka.

Hosiya 2:8

“O to shidu maru l'ọo mbẹdua nụru iya ereshi; yẹe mẹe-vayịnu ọ̀phúú; waa manụ olivu; l'ọo mu nụru iya mkpọla-ọchaa; yẹle mkpọla-ododo; ọphu ẹphe wotaru gude je agwọahaa nshi Balụ.

Matiyu 13:8

Ọzo daru l'ẹka alị dụ ree. O fushia ome; vua evuvu; bya amịa amịmi. Ndu amịta ụkporo ise; ndu ụkporo ẹto; ọphu abụru ụkporo l'iri.

Matiyu 5:45

g'unu a-bụru ụnwu kẹ Nna unu ọphu bu l'imigwe. Kẹle ọo ya emeje g'ẹnyanwu waaru ndu ọma mẹ ndu ẹjo-iphe. Tẹme ọ nọdu emeje g'igwe dzeru mini wụshiru ndu pfụberekoto mẹ ndu apfụbeduru-ẹka-ọto.

Luku 12:15

Jizọsu sụ ikpoto ndu ono: “Unu tọkwa ẹhu zehujeru iphe, bụkpoo iphe, akpatajẹ eye ẹnya l'ẹku mgboko-a; l'ọkpobe ndzụ nemadzụ te eshikwa l'ẹku, ọ kpatarụ akpata; g'ọohahabe.”

Luku 12:17

Ọ bya arịahaa l'egomunggo sụ: ‘?Dẹnuanu gẹ mu e-me iya g'ọ tọ dụedu ẹka aa-kụbe iphe-a?’

Ndu-ishi-ozi 14:17

Ọle oogudeje iphe, dụ ree, oomeje gude goshi onye ya bụ. Oodzejeru unu mini; tẹme iphe, unu kọru l'alị bẹ oomeje g'ọ mịa mebyi teke gbaru iya nụ. Ọ nọdu anụ-jije unu ẹpho; tẹme ọ nọdu emeje g'obu tsọo unu ụtso.”