Luku 11:9 - BAYỊBURU Izii

⁹ Noo g'o gude mu sụkwanu unu; unu pfua g'a nụ unu iphe; aa-nụ iya unu! Unu chọo iphe; unu a-chọta iya! Unu kụa ẹka l'ụzo; aa-gụharu iya unu!

Luku 11:9 ပူးပေါင်းရင်းမြစ်များ

Ebvu-ọma 118:5

Teke mu eje iphe-ẹhuka bẹ mu rakuru Chipfu. Ọ zaa mu ẹnu bya emee mu; mu nweru onwomu.

Ebvu-ọma 27:4

Ọo iphe lanụ bẹ mu arwọ Chipfu; ọ bụru iphe ono bẹ mu achọ. Iphe ọbu bụ gẹ mu nọdu l'ụlo Chipfu jasụ lẹ gẹ mu a-nọberu lẹ mgboko-a; gẹ mu nọdukpoepho egbu igo l'ọ-dụ-úbvú Chipfu; tẹme mu anọdukwapho l'eze-ụlo Chipfu kpatajẹ iya ishi iphe.

Ebvu-ọma 27:8

Iphe, obu mu pfuru mu bụ gẹ mu chọo iphu ngu. Ọ bụru iphu gụbe Chipfu ono bẹ mu achọ-a.

Ebvu-ọma 34:10

Ụnwu oduma nwechaaru mkpa; tẹme ẹgu nọdu agụjechaa phẹ; obenu lẹ ndu achọ Chipfu bẹ ụko iphe-ọma ta abyadụ adụru.

Ebvu-ọma 34:4

Mu rakuru Chipfu; ọ za mu ẹnu; bya emee; ndzụ gụ-buhu mu.

Ebvu-ọma 50:15

Unu -kua mu oku mẹ iphe-ẹhuka byaru unu; mu adzọta unu; ọo ya bụ g'unu akwabẹje mu ùbvù.”

Ebvu Sólomọnu 5:6

Mu bya agụhaaru onye mu yeru obu ụzo; ọphu ọ nọedu iya; ọ tụgbuwa. Atụgbu iya ono mee; meji tọfu mu. Mu chọo ya nta chọo imo; ọphu mu achọ-vuduru iya. Mu kua ya nta kua imo; ọphu mu ekuvuduru iya.

Azáya 45:19

Iphe, mu pfuru bẹ mu te epfukwaru lẹ mpya. Mu te ejekwaru anọdu l'ẹka lanụ l'alị, ọchii agba pfua ya. Ọphu mu asụkwaru oshilọkpa Jiékọpu phẹ g'ẹphe chọo mu kẹ mmanụ. Mụbe Chipfu epfuje ọkpobe opfu; mu epfuje iphe, dụ k'epfupfu.”

Jieremaya 29:12

Teke ono bẹ unu a-rakuje mu; unu abyapfuta mu; bya epfuru nụ mu; mu angabẹru unu nchị.

Jieremaya 33:3

Kua mu oku; hụma lẹ mu a-za ngu ẹnu; bya akarụ ngu iphe, parụ ẹka bya adụ omilomi, bụ iphe, ị mahakpọada;

Danẹlu 9:3

No iya; mu byanụ aghaaru Nnajịuphu, bụ Chileke iphu bya epfuahaa nụahaa ya; rwọahaa ya arwọrwo; aswị ẹgu epfu iya; yee uwe-aphụ; woru ntụ kpua onwomu.

Matiyu 21:22

Ọo ya bụ l'iphe, bụkpoo iphe, unu gude jepfu Chileke je epfuru nụ iya sụ iya g'ọ nụ unu; unu kwetawaa l'ọo-nụ iya unu; iphe ono bẹ ọo-nụ unu.”

Matiyu 21:31

Sụ-a; l'ime ụmadzu labọ ono; ?dẹnu onye ọphu meru iphe, dụ nna iya ree? Ẹphe sụ iya l'ọo onye k'ọgerenya. Jizọsu sụ phẹ: “Gẹ mu gbukwaaru iya unu tororo; ndu ana akịriko waa ndu agba ụkpara l'e-vukwaru unu ụzo bahụ l'ẹka Chileke bụ eze.

Matiyu 6:29

Obenu lẹ-a; unu hụma gẹ Sólomọnu yeberu uwe ama mma; ọle uwe iya ta amarwuduru g'ojimbvu lanụ.

Maku 11:24

Noo g'o gude mu sụ unu l'iphemiphe, unu sụru gẹ Chileke nụ unu mẹ unu -nọdu epfu anụ iya; unu -kwetawaa l'ọ nụwaru iya unu; iphe ono bẹ ọo-nụ unu.

Maku 13:37

“Sụ-a; iphe, mu epfuru unu-a bẹ mu epfuru onyemonye. Unu nwụkwaru ẹnya!”

Luku 11:10

Kẹle onyemonye, sụru g'a nụ iya iphe bẹ aa-nụje iphe; onye chọru nụ l'a-chọtaje; onye kụru ẹka bẹ aa-gụhajeru ụzo.

Jiọnu 14:13

Iphe, bụkpoo iphe, unu gude ẹpha mu sụ gẹ Nna meeru unu bẹ mu e-mekọtaru unu. Ọo ya bụ; g'eeshi lẹ Nwa hụma ọdu-biribiri kẹ Nna.

Jiọnu 15:16

Ọ tọ bụkwa unubẹdua họtaru mu; ọ chikwa mbẹdua họtaru unu dobe iche; k'ọphu unu a-mị mebyi; mbụ mebyi, a-dụwaro kwasẹru. Ọo ya bụ; iphe, bụkpoo iphe, unu gude ẹpha mu sụ gẹ Nna nụ unu bẹ ọo-nụ unu.

Jiọnu 15:7

Ọ -bụru lẹ mu l'unu tụgbaru bụru nanụ; opfu mu buru unu eburu l'ime bẹ ọ tọ dụkwa iphe, bụ iphe, dụ unu ree, unu sụru g'e meeru unu, e tee medụru unu.

Jiọnu 4:10

Jizọsu sụ nwanyị ono: “Ha! Ọ -bụ l'ị maru iphe-ọma, Chileke emejeru nemadzụ; mbụ-a; ọ -bụ l'ị makpọoru onye sụru g'i kee ya mini-a amama ophu mẹ ọ gbẹ bụru gụbedua gege arwọ iya mẹ ọ nụ ngu mini, l'anụje ndzụ g'ị ngụa.”

Romu 2:7

Ndu tarụ nshi nọdu eme iphe, dụ ree; kukebe ẹhu achọ gẹ Chileke jaa phẹ ajaja; kwabẹ phẹ ùbvù; bẹ oo-me g'ẹphe nọdu ndzụ ojejoje; ẹphe taa nwụhubaedu anwụhu.

2 Kọrentu 6:2

L'ọ sụkwaru: “Teke ọ gbaru l'angabẹ nchị bẹ mu ngabẹru ngu nchị. O rwua l'eswe ndzọta; mu dzọo ngu.” Gẹ mu kakwaru unu; ọ kwa nta bụ eswe eze-iphe-ọma kẹ Chileke. Ọ kwa ntanụ bụ eswe ndzọta.

Hiburu 11:6

Unu maanarụ-a l'ọ tọ dụdu onye a-dụ ike eme iphe, jiru Chileke ẹpho; gbahaa l'onye ọbu kwetaadaru kẹ Chileke. Kẹle onye akpịritaru Chileke ntse vufutajẹ ụzo kweta lẹ Chileke dụ; kwetakwaphọ l'oo-buje ndu achọ iya nụ nggo.

Hiburu 4:16

Ọo ya bụ; g'obu shihu anyi ike g'anyi jerwua aba-eze eze-iphe-ọma ono; k'ọphu a-phụru anyi obu-imemini; l'eemeeru anyi eze-iphe-ọma yejeru anyi ẹka lẹ mkpa.

Jiemusu 1:5

Teke ọ dụru g'unu ha onye mmamiphe phọduru; g'onye ono sụ Chileke g'ọ nụ iya mmamiphe. Ọo-nụ iya ya; eshinu Chileke bụ omeluko; tẹme ọ nọdu egudeje obu ìphóró nụ onyemonye iphe, ọ sụru g'ọ nụ iya.

Jiemusu 5:15

Opfu, e pfuru nụ Chileke bya ekweta l'oo-mee bẹ a-dzọta onye iphe eme; Nnajịuphu abya emee; l'o wekọrohu. Teke ọ bụ l'ọo iphe-ẹji bẹ o meru; a gụaru iya ya nvụ.

1 Jiọnu 3:22

Anyi anatajẹ l'ẹka iya iphe, bụkpoo iphe, anyi sụru g'ọ nụ anyi; kẹle anyi emeje ekemu, ọ tụru; tẹme anyi nọdu eme iphe, dụ iya ree.

Ọphulenya 2:24

“ ‘A bya l'unubẹ ndu ọphu bukwaphọ lẹ Tayatayira; unubẹdua te ekwedu ye ẹka l'ẹjo-iphe ono, ndu ono ezi ono. Unubẹdua bụ ndu ọphu amadụ iphe ono, o nweru ndu ahajẹru sụ l'ọo iphe, e domigbaru edomi k'ẹhu Nsetanu. Unubẹdua ta adụekwa iphe ọzo, mu asụkwadu g'unu mee.