Luku 11:1 - BAYỊBURU Izii

¹ O be ujiku lanụ; Jizọsu nọdu ẹka lanụ epfu anụ Chileke. O pfughechaẹ ya phọ; onye lanụ l'ime ndu etsoje iya nụ sụ iya: “Nnajịuphu; zinaa anyi g'eepfuje anụ Chileke gẹ Jiọnu zikwarụpho ndu etsoje iya nụ-a.”

Luku 11:1 ပူးပေါင်းရင်းမြစ်များ

Ebvu-ọma 10:17

Gụbe Chipfu; iphe, ndu dụ àgù rwọru ngu bẹ ị nụmawaru. Ọo gụbedua emeje g'obu nmapfuru phẹ; tẹme ị nọdu anụmajẹ olu phẹ.

Ebvu-ọma 19:14

Jiko Chipfu; g'opfu, shi mu l'ọnu; mẹ iphe, mu arị l'ime obu mu dụje ngu rọ ree; kẹle ọo ngu bụ agbara-mkpuma mu; bya abụru onye agbafụtaje mu nụ.

Luku 10:42

Iphe lanụ bụ iphe, dụ mkpa kpụrumu. Meri hataakwanaru òkè-iphe ono ọphu ka ree. Ọphu a nafụbaedu iya ya anafụ.”

Luku 11:2

Ọ sụ phẹ: “Unu -nọdu epfu anụ Chileke; unu sụje: “Nna anyi, bu l'imigwe; G'e dobe ẹpha ngu iche. Goshinu l'ọo gụbedua bụ eze. G'emeje iphe, dụ ngu l'uche l'eliphe; g'eemeje iya l'imigwe.

Luku 6:12

Tọbudu iya bụ; o be ujiku lanụ; Jizọsu bya ejeshia ẹka úbvú dụ igwe; jeshia epfuru nụ Chileke. O pfukọta nụkota Chileke ẹnyashi ophu mgburugburu.

Luku 7:13

Noo ya; Nnajịuphu hụmaepho nwanyị ono; imemini iya dụ iya. Ọ sụ nwanyị ono: “Hua ẹka l'ẹnya! Ta arahẹ ẹkwa!”

Luku 7:19

Jiọnu bya ekua ndu etsoje iya nụ ụmadzu labọ bya ezia phẹ g'ẹphe je ajịa Nnajịuphu sụ iya: “?Bụ ngu-a bụ onye ọbu, abya nụ ọbu? Tọo ?bụ g'anyi lee ẹnya onye ọzo?”

Luku 9:18

O be teke Jizọsu nọ epfu anụ Chileke nwẹkinyi iya; ndu etsoje iya nụ nọdukwapho l'ẹka ono ẹphe l'iya. Ọ sụ phẹ: “?Bụkpoo onye bẹ ndiphe asụje lẹ mu bụkpoo?”

Luku 9:28

“A nọepho iphe, ha g'abalị ẹsato, o pfuru iphe ono; ọ bya eduta Pyịta; waa Jiọnu; waa Jiemusu je enyihu eli úbvú; jeshia epfuru nụ Chileke.

Hiburu 5:7

Teke Jizọsu bu l'eliphe ọwanawa bẹ o shi anọduje akwa ẹkwa akwashị ẹnya-mini g'ọo-dzọta iya g'ọ tọ nwụhu. O pfua nno; Chileke nụma olu iya; eshi ọphu ọ bụ onye ewodajẹ onwiya alị kwabẹ Chileke ùbvù.

Jiudu 1:20

Obenu lẹ-a; unubẹ ndu ọphu mu yeru obu; unu pfụekwarupho pfụshia ike l'ekwekwe ono, dụ iche ono, unu kweru ono; mbụ ekwekwe ono, shi Chileke l'ẹka ono. Unu gude ekwekwe ono vuje evuvu. Unu hajẹ gẹ Unme-dụ-Nsọ goshije unu g'unu l'e-gudeje epfu anụ Chileke.