Luku 1:78 - BAYỊBURU Izii

⁷⁸ kẹle oogudeje eme odoo phụaru anyi obu-imemini. Oo-me gẹ ndzọta ọphu echi echichi g'ẹnyanwu wapfuta anyi

Luku 1:78 ပူးပေါင်းရင်းမြစ်များ

Ebvu-ọma 25:6

Gụbe Chipfu; jiko nyatakwa obu-imemini; yẹe n-yemobu ngu; kẹle ẹphe shi l'ojejoje.

Azáya 11:1

Mkpirikpu upfu-oshi ono, bụ Jiesi l'e-rwuta irwu. Ọ bụru l'ọgbarabvu iya bẹ ẹkali e-shi nyịkata.

Azáya 42:16

Mu e-duru ndu atsụ ishi shia ụzo, ẹphe amahaada. Gbororo, ẹphe te eshijehaada bẹ mu a-kpọ-ziru phẹ ụzo iya. Mu e-me g'ọchii bụru ìphóró l'iphu phẹ; bya emee g'ụzo, dụ kpọkoro kpọkoro kpọkoro kwọru phẹ akwọkwo. Iphemiphe ono bụkota iphe, mu e-me; ọphu mu abyadụ aha phẹ.

Azáya 63:15

Gbẹnu l'imigwe; mbụ l'ephekerephe ẹka ono, aba-eze ngu nọ ono; mbụ ẹka ono, dụ nsọ bya adụ akpabiri ono; gbẹnu l'ẹka ono tụfu ẹnya hụmakpodapho! ?Bụ awe bẹ n-yemobu ngu; yẹle ọkpehu ngu nọ? Eme odoo ngu yẹle aphụ obu-imemini ngu ono ta adụekwa ọphu i kweru g'o rwua anyi ẹka.

Azáya 63:7

Mu e-pfu k'obu, Chipfu eyeje ndibe iya. Mbụ iphe, Chipfu meshiru anyi, kparụ iphe, ọ gbaru g'a jaa ya ajaja; mbụ ikpoto iphe, dụ ree, o meru ọnu-ụlo Ízurẹlu; kẹle ọophushi obu-imemini ike; tẹme ọ nọdu eyeje obu yegharụ iya ẹka.

Zekaraya 3:8

Ngabẹ nchị; gụbe onye-ishi ndu-uke, bụ Jioshuwa; gụ l'ọgbo-ẹ̀kwà ngu phẹ, bụ ndu nọ-kube ngu nụ; mbụ ndu emeru ngu ahụma ọma: Mu e-mechakwaa duta onye-ozi mu ono, bụ Ẹkali-oshi ono duru bya.

Zekaraya 6:12

Sụ iya l'ọwakwa iphe, Chipfu, bụ Ọkalibe-Kakọta-Ike eepfu: ‘Lekwa; nwoke ono, ẹpha iya bụ Ẹkali-Oshi ọbu l'a-nyịkatakwa l'ọnodu iya bya akpụkwaa eze-ụlo Chipfu.

Malakayi 4:2

A bya l'unubẹ ndu atsụ ẹpha mu ebvu; ọo unu bẹ e-gude ẹnya unu hụma apfụbekoto kẹ Chipfu. Ọo-nọdu egbu nwịinwii g'ẹnyanwu l'ẹhu unu. L'o mee; ẹhu adụkota unu ike. Unu a-wụ wugelengu-wugelengu gẹ nweswi nshịi, a kpọfutaru l'ọka.

Ọ́gú 24:17

Mu hụmaru onye ono; ọle ọ tọ bụdu nta-a. Mu ele onye ọbu ẹnya; ọle ọ tọ nọdu ntse. Kpokpode bẹ e-shi l'ọnulo Jiékọpu fụta. Mgbọro-eze bẹ a-fụta lẹ Ízurẹlu. Mówabu bẹ ọo-tụko egedegee ọnu-iphu gwee arakabya. L'ọo-tụko ụnwu Sheti l'ophu mebyishikọta.

Jiọnu 3:16

Lẹ Chileke yekwarụ ndiphe obu; yetabe iya k'ọphu ọ nụru Nwa lanụ, o nweru kpoloko: g'ọoburu onye kwetarụ nkiya; onye ono taa ladụ l'iswi; o nwechiaru ndzụ ojejoje.

Efesọsu 5:14

kẹle iphemiphe, bụkpoo iphe, e wofutawaru l'ìphóró bẹ bụwaa ìphóró l'onwiya. Noo g'o gude a nọdu epfuje sụ: “O-ku-mgbẹnya; tehu nwụru ẹnya! Shi l'anwụhu, ị nwụhuru teta gbalihu! Gẹ Kéreshi bụru ìphóró chiahaa l'ẹhu ngu.”

Filipayi 1:8

Sụ-a; ọ kwa Chileke bẹ bụ onye maru l'ọo ọkpobe-opfu bẹ mu epfu sụ l'oghoroko unu g'unu ha dụ mu shii; ono bụru n-yemobu ọphu shi l'ẹka Kéreshi Jizọsu.

Filipayi 2:1

Ọo ya bụ; ekweta unu kwetarụ kẹ Kéreshi; ?o meru obu shihu unu ike tọ? Obu ono, o yeru unu ono ?l'ọ dụje-a unu obu? ?Unu lẹ Unme-dụ-Nsọ tụgbaru-a bụru nanụ? ?Unu emejeru-a nwibe unu odoo? Mbụ-a; ?unu aphụjeru-a nwibe unu obu-imemini?

Kọlosi 3:12

Unu bụ ụnwu Chileke. O yeru unu obu bya ahọta unu g'unu bụru ndu nkiya. Noo g'o gude unu je aphụjeru nemadzụ obu-imemini; nwejeru obu ọmaa; unu wozeje onwunu alị; meje odoo; unu atajẹru iphe nshi. Unu tụko iphe ono g'ọ hakọta chịta yee g'onye yeru uwe.

2 Pyịta 1:19

Anyi kabaa ekweshi ike l'iphemiphe ono, ndu mpfuchiru Chileke pfuhawaru ono bẹ bụkota ọkpobe-opfu g'ọ ha. Ọo-bụru unu eme ree mẹ unu -nọdu angabeje iya nchị; unu dụ g'ìphóró, nọ l'ẹka ọchii agba jasụ nchi abọhu; gẹ kpokpode nchi-abọhu ono ekeahaa paapaapa l'obu unu.

1 Jiọnu 3:17

Ọle teke ọ bụ l'ọ dụru onye ẹku mgboko-a byaru; ọ bụru onye yẹe ya tụkoru nọdu Chileke l'ẹka bẹ mkpa byaru; obeta ọphu ọogbaru iya mkpu ọ kpọ-chiaru iya ọkpoma; ?bụ gụnu bẹ ẹgube onye ono a-gbabẹ ọkpa sụ lẹ ya yeru Chileke obu?

Ọphulenya 22:16

“Ọ kwa mbẹdua, bụ Jizọsu gẹdegede bẹ ziru ojozi-imigwe mu g'ọ bya emee g'unubẹ Chịochi makọtaru iphemiphe-a. Mu bụ eri Dévidi bya abụru oshilọkpa iya. Mu bụkwarupho kpokpode nchi-abọhu ono, anọduje eke paapaapa onoya.”