Luku 1:74 - BAYỊBURU Izii

⁷⁴ l'ọo-nafụta anyi l'ẹka ndu ọhogu anyi; g'anyi ejeahaaru iya ozi; ndzụ taa gụdu anyi;

Luku 1:74 ပူးပေါင်းရင်းမြစ်များ

2 Ndu eze 17:39

Ọo Chipfu, bụ Chileke unu bẹ unu a-bajẹchiaru ẹja. Ọo ya bụ onye a-nafụta unu l'ẹka ndu ọhogu unu l'ophu.”

Ebvu-ọma 119:134

Gbafụta mu l'ẹka ndu eme mu ewere; k'ọphu mu a-nọdu emeje iphe, ị karụ g'e meje.

Azáya 43:21

ndu mu gude ẹka mu mee doberu onwomu g'ẹphe raa ya arara sụ g'e tuje mu ẹpha.”

Azáya 45:17

Obenu lẹ ndu Ízurẹlu bụ Chipfu a-dzọta phẹ. Mbụ l'adzọdzo, ọo-dzọ phẹ a-bụru ojejoje. Ọphu a byadu eme unu iphe-iphere; ọphu unu abyadụ emephe bọtorii gburu jeye lẹ gbururu.”

Zekaraya 8:19

Wakwa iphe, Chipfu, bụ Ọkalibe-Kakọta-Ike eepfu: “Aswị ẹgu l'ọnwa k'ẹno mẹ k'ise mẹ k'ẹsaa mẹ k'iri a-tụko bụru teke ẹhu a-tsọje unubẹ ndu ọnu-ụlo Jiuda ụtso; unu etee ẹswa; l'ọ bụru unu Ọbo-iphe ẹhu-ụtso. Ọo ya bụ lẹ-a; unu yee ire-lanụ obu; unu eyee nchị-adụ-doo obu!”

Luku 1:71

l'aa-dzọta anyi l'ẹka ndu ọhogu anyi waa l'ẹka ndu anyi dụ ashị;

Luku 1:73

O rihakpọwaruro onye-iche, bụ nna anyi Ébirihamu angụ

Luku 1:75

anyi abụru ndu dụ nsọ; bụru ndu pfụberekoto l'iphu iya jasụ g'anyi a-nọ-beru.

Romu 6:22

Obenu lẹ nta-a bẹ a tọwaru unu l'ẹgbu ono, iphe-ẹji shi kee unu ono; unu bụwaru ohu Chileke. Urwu, unu ritaru iya bụru lẹ ndzụ unu bụkotawaa kẹ Chileke. Ẹka ọ sụberu ishi bụru ndzụ ojejoje.

Romu 8:15

Lẹ Unme-dụ-Nsọ, Chileke nụru unu ta abụkwa Unme, e-me g'unu bụru ohu k'ọphu ndzụ a-nọdu agụ unu. Ọchia iphe, unu natarụ bụ Unme, e-me g'unu bụru ụnwu kẹ Chileke; anyi shi ẹgube ono arakuje iya sụ: “Abba! Nnana!”

2 Timoti 1:7

Lẹ Unme-dụ-Nsọ ọphu Chileke nụru anyi ta abụkwa Unme, l'e-me anyi g'anyi tsụje ebvu. Ọ kwa Unme a-nụje anyi ike bya abụru Unme n-yemobu; bya abụru Unme emejekwaphọ g'anyi dụ ike sedekọtaje onwanyi.

Hiburu 2:15

Ọo ya bụ; o shi l'anwụhu ono, ọ nwụhuru ono tọo phẹ l'ẹgbu; mbụ ndu ono, shi eshinu ẹphe fụtaru l'eliphe nọdu bụru ohu ono; opfu l'ẹphe atsụ ebvu anwụhu.

Hiburu 9:14

Eshinu ọ dụ nno eviya bẹ mee kẹ Kéreshi l'a-kabakwanụ ere ire. Kéreshi ono shi l'ẹka Unme Chileke, anọ je-adụwaruro ya woru onwiya gweeru Chileke ngwẹja, adụdu ẹka ntụji dụ iya. Mee nkiya ono a-kabakwaanụ asafụ obu anyi g'ọ dụ ree l'iphu Chileke; k'ọphu anyi a-hakwanụ eme iphe, Chileke a-nma anyi ikpe ọnwu; letachia ẹnya l'ozi Chileke, bụ Chileke dzụ ndzụ.

Ọphulenya 2:10

Ii byakwa eje iphe-ẹhuka nta-a; ọle ọo gẹ ndzụ ba agụkwa ngu. Unu lekwa; Obutuswe a-hakwaru unu chịta je atụshia mkpọro; g'e shi ẹka ono hụa unu ama. Mbụ l'unu e-je iphe-ẹhuka ujiku iri mkpurophu. Ọle; nọduekwa mu phọ l'ẹka g'ị nọ iya jasụ l'egbua ngu egbugbu; e-mechaa mu ekpube ngu okpu-eze ono, bụ ndzụ.