Luku 1:71 - BAYỊBURU Izii

⁷¹ l'aa-dzọta anyi l'ẹka ndu ọhogu anyi waa l'ẹka ndu anyi dụ ashị;

Luku 1:71 ပူးပေါင်းရင်းမြစ်များ

2 Ndu eze 17:39

Ọo Chipfu, bụ Chileke unu bẹ unu a-bajẹchiaru ẹja. Ọo ya bụ onye a-nafụta unu l'ẹka ndu ọhogu unu l'ophu.”

Ebvu-ọma 106:10

Ọ dzọtaru phẹ l'ẹka ndu ọhogu phẹ; gbafụta phẹ l'ẹka ndu ẹphe dụ ashị.

Ebvu-ọma 106:47

Dzọnaa anyi; jiko Chipfu, bụ Chileke anyi. Shinu l'ọhamoha ono rwukọbe anyi ọzo; k'ọphu anyi e-tu ngu ẹpha; gụbe onye ono, ẹpha ngu dụ nsọ ono gude ajaja, anyi a-ja ngu baa aba.

Jieremaya 23:6

Ọ bụru teke ọ bụ eze bẹ aa-dzọta ndu Jiuda. Ndu Ízurẹlu anọdu; ọ tọ dụdu iphe, eme phẹ nụ. Onye ono bẹ iphe, ee-ku iya bụ: ‘Chipfu, bụ apfụbekoto anyi’.”

Jieremaya 32:37

Ọ tọ dụkwa iphe, e-me gẹ mu ta chịlatachaa phẹ eshi l'iphe, bụkpoo ẹka mu shi chịru phẹ jeye teke ẹhu eghu mu eghu; ẹnya nọdu ata mu kpịtikpiti. Mu e-duphutacha phẹ azụ duru bya edobe l'ẹka-a g'ẹphe buru g'ọ tọ dụ iphe, e-me phẹ nụ.

Ezekẹlu 28:26

Ẹphe e-buru l'ẹka ono l'ẹhu-guu; nọdu iya kwashịa unuphu; kọahaa ya opfu-vayịnu. Ẹphe eburu iya l'ẹhu-guu teke mu a-nụ ndu ẹphe l'ẹphe bunyabẹ aphụ, bụ ndu ono, shi emekpa phẹ ẹhu ono. Noo teke ẹphe a-maru l'ọo mu bụ Chipfu, bya abụru Chileke phẹ.

Ezekẹlu 34:25

Mu l'ẹphe a-gba ndzụ ẹhu-guu; mu a-chịfukota ẹjo anụ-ẹgbudu l'alị ono; k'ọphu ẹphe e-buru l'echiẹgu; kuje mgbẹnya l'ime ọswa; o too nweduru iphe, e-me phẹ nụ.

Ezekẹlu 34:28

Iphe, bụ ọhamoha ta abyadụ alwụba phẹ alwụlwu ọzobaa; ọphu anụ-ẹgbudu ta abyadụ egbushibaa phẹ ọzobaa. Ẹphe e-buru tụsaru ẹhu; ọphu ọ tọ dụdu onye e-yebaaru phẹ ebvu.

Ezekẹlu 38:8

A -nọchaepho ọdu bẹ ee-ku ngu k'ọgu. L'apha, dụ l'iphu bẹ ii-je ọgu l'alị ono, shi l'ọgu eteta eteta ono, bụ iya bụ alị ono, e shi l'ọha, dụ igwerigwe rwukọbe ndu bu iya nụ ono; mbụ ndu ono a chịkoberu l'úbvú úbvú Ízurẹlu, bụ ẹka shihawaa dabyitaru bụru ochobu ono. Ndu ono bẹ e shi l'ọhamoha ọzo dufuta phẹ; ẹphe tụko buru l'ẹhu-guu.

Luku 1:68

G'a gọru ọnu-ọma nụ Nnajịuphu, bụ Chileke Ízurẹlu; kẹle ọ kpapfutaru ndu nkiya bya agbata phẹ.

Luku 1:74

l'ọo-nafụta anyi l'ẹka ndu ọhogu anyi; g'anyi ejeahaaru iya ozi; ndzụ taa gụdu anyi;

Ditoronomi 33:29

Ẹhutso bẹ a gọru nụ unubẹ ndu Ízurẹlu. ?Bụ onye dụ g'unu; unubẹ ndu Chipfu dzọtaru? Ọo yẹbedua bụ onye egbobutaje unu; bya abụru onye eyejeru unu ẹka. Ọ bụkwarupho yẹbedua bụ ogu-echi, unu gude eku onwunu. Ndu ọhogu unu e-gude ndzụ-agụgu byapfuta unu; unu azọpyashia ẹka ẹphe agwajẹ iphe azọpyashi.”

1 Jiọnu 3:8

Onye eme iphe-ẹji bụ kẹ Obutuswe; kẹle Obutuswe anọduje emeswe Chileke e -shikpọo lẹ mbụ. Iphe, Nwa Chileke byadoru bụkwa g'o mebyia iphe Obutuswe eme emebyi.