Luku 1:68 - BAYỊBURU Izii

⁶⁸ G'a gọru ọnu-ọma nụ Nnajịuphu, bụ Chileke Ízurẹlu; kẹle ọ kpapfutaru ndu nkiya bya agbata phẹ.

Luku 1:68 ပူးပေါင်းရင်းမြစ်များ

Mbụlembu 14:20

G'e tua Chileke, bụ Ọkalibe-kakọta-shii ẹpha! Mbụ onye ono, woru ndu ọhogu ngu ye ngu l'ẹka!” Ebiramu nụ iya oke-lanụ-l'ụzo-iri l'iphemiphe ono, o gwephutaru azụ ono; ọ nata iya.

Mbụlembu 24:27

“G'ajaja bụru kẹ Chipfu, bụ Chileke kẹ nnajịuphu mu, bụ Ébirihamu. Mbụ Chipfu ahadụru Ébirihamu; o yeẹ ya phọ obu g'o yeru iya ya; bya apfụshikwapho ike l'iphe, oomeru iya. A bya lẹ mbẹdua bẹ Chipfu duwaru ije durwuta ibe abụbu nnajịuphu mu phẹ.”

Mbụlembu 9:26

Ọ sụkwapho: “G'e tua Chipfu, bụ Chileke kẹ Shemu ẹpha! Gẹ Kénanu bụkwaru ohu Shemu!

1 Ndu eze 1:48

bya asụ: ‘G'ajaja bụru kẹ Chipfu, bụ Chileke kẹ Ízurẹlu, bụ onye ono, doberu mu ndzụ; gẹ mu gude ẹnya mu labọ hụma onye bụ eze nọchia ẹnya mu ntanụ-a!’ ”

1 Ndu eze 8:15

sụ phẹ: “G'ajaja bụru kẹ Chipfu, bụ Chileke kẹ Ízurẹlu; mbụ onye ono, gude ọnu iya kwee Dévidi, bụ nna mu ukwe; bya egudewaa ẹka iya meẹbekota iya g'o pfuru. Kẹle o pfuru sụ:

1 Iphe, ndu eze meru 29:10

Tọbudu iya bụ; Dévidi wata aja Chipfu ajaja l'iphu edzudzu-ọha ono asụje: “G'ajaja bụru nkengu; gụbe Chipfu, bụ Chileke kẹ nna anyi, bụ Ízurẹlu; shita l'ojejoje jasụ l'ojejoje.

1 Iphe, ndu eze meru 29:20

No iya; Dévidi bya asụ edzudzu-ọha ono: “Unu jaa Chipfu, bụ Chileke unu ajaja.” Edzudzu-ọha ono tụko jaa Chipfu, bụ Chileke kẹ nna phẹ ajaja. Ẹphe bya ephozeta; baarụ Chipfu ẹja; bya ephozeru eze.

Ebvu-ọma 106:48

G'ajaja bụru kẹ Chipfu, bụ Chileke kẹ ndu Ízurẹlu gbururu jeye lẹ gbururu. G'onyemonye sụkwa: “Nokwa g'ọ dụ!” G'ajaja bụru kẹ Chipfu!

Ebvu-ọma 111:9

Ndu nkiya bẹ ọ gbafụtaru; bya atụa ekemu sụ g'ọgbandzu iya dụkwa ojejoje. Ẹpha iya dụ nsọ bya adụ ebvu.

Ebvu-ọma 130:8

Ọ bụru yẹbedua l'onwiya a-gbafụtakota ndu Ízurẹlu l'iphe-ẹji, ẹphe meshiru.

Ebvu-ọma 41:13

G'e tua Chipfu ẹpha; mbụ Chileke kẹ ndu Ízurẹlu; e -shi lẹ gbururu jeye lẹ gbururu. Nokwa g'ọ dụ; bya abụru g'ọ dụ.

Awụfu 4:31

ẹphe kweta. Ọo ya bụ; ẹphe nụmaepho lẹ Chipfu akpa ishi phẹ; tẹme waa l'ọ hụmawaru iphe-ẹhuka, ẹphe eje; ẹphe phozeta baarụ Chileke ẹja.

Luku 1:71

l'aa-dzọta anyi l'ẹka ndu ọhogu anyi waa l'ẹka ndu anyi dụ ashị;

Luku 19:44

bya egbua gụ l'ụnwu ngu, kụru ngu l'ime pyaapyaa. Mbụ l'ọhogu ngu taa hakwa mkpuma lanụ g'ọ kpọ-pfuru nwibe iya l'eli igbulọ ngu; kẹle ị tị madụ teke a byaru ngu adzọta.”

Luku 2:38

Ọ byakwaphọ lẹ teke ono bya ekele Chileke ekele. Ọ bya epfua kẹ nwata ono nụ iphe, bụkota ndu ele ẹnya gẹ Chileke gbata Jierúsalẹmu.

Luku 24:21

Mbụ onye-a, ẹphe shi ele ẹnya iya l'ọo ya a-gbata Ízurẹlu-a. A -gụfukpokwaaro iphemiphe ono; ntanụ-a kweakwaa ujiku ẹto, iphe ono meru.

Luku 7:16

Ndzụ rwutakọta phẹ g'ẹphe ha l'ẹka ono. Ẹphe jaahaa Chileke ajaja sụ: “Ọkalibe onye mpfuchiru Chileke afụtaru anyi-o! Chileke kpapfutaakwaru ndibe iya-o!”

Efesọsu 1:3

Unu g'anyi kele onye ono, bụ Chileke bya abụru Nna kẹ Nnajịuphu anyi Jizọsu Kéreshi ekele; onye bụ iya gọru ọnu-ọma nụ anyịbe ndu anyi lẹ Kéreshi tụgbaru bụru nanụ. Ọnu-ọma ono bụ lẹ Chileke meru; anyi shi Kéreshi l'ẹka yịru l'ọha imigwe. Ọ bụru ẹka o shi bụ l'o wotaru iphe, bụkotakpoo iphe, aanụ anụnu, shi l'ẹka ono woru nụ anyi.

Efesọsu 1:7

Mbụ-a; Nwa iya ono bẹ gbashịkwaru mee ya; gude gbata anyi; tẹme ọ bụkwaru iya phọ bụ lẹ Chileke agụaru anyi nvụ l'iphe-ẹji anyi. Sụ-a; eze-iphe-ọma ono bụru iphe-ọma, kwatakpọoru paa ẹka bẹ o meẹberu anyi ẹgube ono;

Hiburu 9:12

Ọ tọ bụkwa mee eghu ọzoo mee eswi bẹ o gude bahụ; ọo mee nkiya gẹdegede bẹ o gude bahụ l'ẹka ono dụ nsọ ono ugbo lanụ; k'ọphu anyi a-bụru ndu a gbatarụ l'itumo jasụ l'ojejoje.

1 Pyịta 1:3

G'anyi jaa Chileke ajaja. Ọo ya bụ Nna Nnajịuphu anyi Jizọsu Kéreshi. Ọ phụwaru anyi obu-imemini ọphu nyịberu g'aa-tụ ọnu iya. O mewaru Jizọsu Kéreshi: o shi l'ọnwu teta nọdu ndzụ. Ọ gbẹ l'ono nwụ-phu anyi azụ ọzo. Nta-a bẹ anyi elewaa ẹnya ndzụ ọphu anyi a-dzụru jasụ lẹ tuutuutuu lẹ mịimiimii.

1 Sámẹlu 25:32

Dévidi sụ Abigelu: “G'ajaja bụru kẹ Chipfu, bụ Chileke kẹ Ízurẹlu; mbụ onye ziru ngu g'ị gba mu ndzuta ntanụ-a.