Luku 1:52 - BAYỊBURU Izii

⁵² Ọolo-zetajẹ ndu-ishi, ike dụ l'aba-eze phẹ. Ọ nọdu ekulije ndu wozeru onwophẹ alị.

Luku 1:52 ပူးပေါင်းရင်းမြစ်များ

Oziphe 4:14

m'obeta nwokorọbya ono shi l'ọka-mkpọro; ọzoo l'unuphu ndu akpa nri fụta bya abahụ l'ọkwa eze iya.

Ezekẹlu 17:24

Iphe, bụkota oshi, nọ l'ẹgu bẹ a-maru l'ọo mbẹdua, bụ Chipfu bẹ emeje oshi, ha l'eli g'ọ dụ mkpulalị; bya emeje ọphu dụ mkpulalị g'ọ ha l'eli. Mu nọdu emejekwaphọ g'oshi, dụ oyii kpọhu nkụ; bya emeje ọphu kpọhuwaru nkụ g'ọ byaahaa kẹ pulapula. Ọ kwa mbẹdua, bụ Chipfu bẹ pfuru opfu ono; mu je l'e-me iya; gẹ mu pfuru iya.”

Émọsu 9:11

“O -rwua mbọku ono bẹ mu e-kpukwakwa ụlo-ẹkwa Dévidi ono, daru adada ono. Mu emekwaa iphe, bụkpoo ẹka o mebyihuchaaru emebyihu; bya emekwaa ya g'ọ tọ bụhe ochobu; mbụ mee ya l'ọ dụ g'o shi adụjehawaa;

Maku 6:3

?Tọ bụnu iya-a bụ nwoke kapyịnta-a; mbụ nwa Meri? ?Tọ bụnu iya bụ nwune Jiemusu yẹle Jiosẹsu; waa Jiudasu; mẹ Sayịmonu? ?Tọ bụnaa unwune iya kẹ nwanyị bẹ anyi l'ẹphe bugbaa l'ẹka-a?” Iphe ono bụru ụpfu dụ phẹ l'ọkpa.

Luku 14:11

Kẹle onyemonye, l'ekuli onwiya eli bẹ ee-kuzeta alị; onye kuzetakwanụru onwiya alị bẹ ee-kuli eli.”

Luku 18:14

Sụ-a; gẹ mu kakwaru unu; onye ana akịriko ono byakwaru ala ibe iya; Chileke gụwa iya l'onye pfụberekoto; haa onye ọphuu; kẹle onyemonye, l'ekuli onwiya eli bẹ ee-kuzeta alị; onye kuzetakwanụru onwiya alị bẹ ee-kuli eli.”

Jiemusu 4:10

Unu wozeje onwunu alị l'iphu Chileke g'ookulia unu eli.

1 Sámẹlu 2:4

Apfụ ndu ọkpehu bẹ anyakwoshiakwaru; ọle ndu ike bvụru bẹ a kwawaru ọkpehu g'onye kwarụ ngwọgu.