Luku 1:51 - BAYỊBURU Izii

⁵¹ O gudewaa ẹka iya egoshije ọkpehu iya. Ndu gude etsetse arị ọriri l'obu phẹ bẹ ọochikashije.

Luku 1:51 ပူးပေါင်းရင်းမြစ်များ

Mbụlembu 11:8

Ọo ya bụ; Chipfu bya achịkashia phẹ; ẹphe dzuru mgboko; ẹphe parụ akpụ mkpụkpu ono haa.

Mbụlembu 6:5

Chipfu bya elee ẹnya hụma g'ẹjo-ememe nemadzụ habewa shi lẹ mgboko; l'iphe, obu phẹ anọdujeepho arị bụ g'ẹphe e-shi mee ẹjo-iphe tekenteke.

Mbụlembu 8:21

Chipfu nụmaepho ishishi iya, atsọ ntụmatu; o pfua l'ime obu iya sụ: “Mu ta abyaẹdu egude opfu ẹhu nemadzụ tụbaa alị ọnu; kẹle iphe, nemadzụ anọdujekpoepho arị l'obu iya e -shi lẹ nwata bụepho ẹjo-iphe. Ọphu mu abyaẹdu emebyishibaa iphemiphe, mu meru ememe, dzụ ndzụ; ẹgube-a, mu meru-a.

Ebvu-ọma 118:15

Olu ẹhu-ụtso yẹe agbọ ọgboo bẹ ada wọowoowoo l'ẹka ndu pfụberekoto nọ. Ẹphe tụko epfu sụ: “Chipfu gudeakwa ẹkutara iya mee iphe parụ ẹka.

Ebvu-ọma 33:10

Chipfu emeje g'ìdzù, ọhamoha chịru bụru iphe-mmanụ. Iphe, ndiphe tụberu k'ememe bẹ ọokposhije.

Ebvu-ọma 52:9

Mu a-nọdu ekele ngu ekele jeye l'ojejoje; kẹle ọo gụbedua l'onwongu meru iya. Mu anọdukpoepho nwadoo ele ngu ẹnya l'ẹka; kẹle ẹpha ngu dụ ree. Tẹme mu anọdukwaphọ l'iphu ndu dụru ngu nsọ tua ngu ẹpha.

Ebvu-ọma 63:5

Obu mu bẹ ẹpho e-ji g'onye riru nri, e gude ẹba-anụ; waa ụmi ọkpu iya shia. Ọnu mu e-gudekwanụ ebvu ẹhu-ụtso, dụ mu l'ogbogboromọnu tua ngu ẹpha.

Ebvu-ọma 89:10

Réhabu bẹ i chitaru tụa l'alị. Ọ dabyiru g'onye e gburu l'ọgu. I gude ike ngu chịa ndu ọhogu ngu; ẹphe gbaa nanụ nanụ.

Ebvu-ọma 89:13

Oshi-ẹka ngu bụ iphe, swetaru iya nụ bụ ọkpehu. Ẹka ngu shihuru ike; ẹkutara ngu kangoo.

Ebvu-ọma 98:1

Unu gụa ebvu ọ̀phúú nụ Chipfu; kẹle o meru iphe, dụ biribiri. Ọo ẹkutara iya; waa oshi-ẹka iya ono, dụ nsọ ono bẹ o gude lwụ-kpee ọkpobe alwụ-kpe.

Awụfu 18:11

Nta-a bẹ mu maru lẹ Chipfu bẹ kakọta agwa l'ophu shii. Noo kẹle ọo ndu nmarụ ndu Ízurẹlu phulaphula bẹ o meru iphe-a.”

Azáya 40:10

Lekwa! Nnajịuphu, bụ Chipfu gudekwa ike-ọkpu abya. Ọ bụru ọkpehu iya bẹ oo-gude bụru eze. Lekwa! O gudekwa obunggo eje abya; bya egudekwaphọ ụgwo ọo-pfụ.

Azáya 51:9

Tehunu etehu! Tehu etehu yenaa onwongu ọkpehu g'uwe; gụbe oshi-ẹka kẹ Chipfu! Tehunu etehu dụ g'i shi adụjehewaa teke k'azụ; mbụ l'ọgbo teke ndiche. ?Tọ bụnaa ngu-a bụ onye gbubushiru Réhabu mkpirikpu mkpirikpu; mbụ gụbe onye mekarụ ẹjo nwanụ-ẹgbudu ono iphe?

Azáya 52:10

Chipfu a-gbabẹ onwiya ẹka ọto l'iphu ọhamoha l'ophu; mbụ ẹka iya ono, dụ nsọ ono; k'ọphu aa-hụmachaa gẹ Chileke anyi e-gude dzọta ndibe iya jasụ l'ẹka igwe beru alị beru.

Azáya 63:12

onye ono, woru ọkpehu iya ọphu dụ biribiri ye Mósisu l'ẹkutara; o woru eze-ẹnyimu kee ẹbo l'iphu phẹ; k'ọphu aa-maru ẹpha iya jasụ l'ojejoje;

Jieremaya 49:15

Kẹle-a; lekwa; mu mewaru; ị ha nwanshịi l'echilabọ ọhamoha; ọphu ọ dụdu iphe, ndiphe gụberu ngu.

Danẹlu 4:37

Nta-a bẹ mụbe Nebukadineza ekele eze k'imigwe ekele; bya akwabẹ iya ùbvù; bya ekutsekwa iya phọ. Iphemiphe, oome pfụru nhamụnha bya adụkota ree; ọzo bụ lẹ ndu eku onwophẹ bẹ ọoduje ike kuzeta alị.”

Romu 1:21

Lẹ nemadzụ machachaarụ lẹ Chileke dụ; ọphu ẹphe akwabẹjedu iya ùbvù l'ọ bụ Chileke; ọphu ẹphe ekelejedu iya ekele. Ọ chia iphe, meru nụ bụ l'egomunggo sweshihụwaru phẹ; k'ọphu ọriri phẹ bụwaa iphe-mmanụ; ọ bụwaru eme eswe jiru phẹ obu; k'ọphu obu phẹ gbahụwaru tsụkiribaa.

2 Kọrentu 10:5

Ọ bụru ngwọgu ono bẹ anyi gude mebyishikọta eku-onwonye ono, e gude tọ-chia ụzo tọ-buta g'a ta maru Chileke ono. Iphe, bụkpoo ọriri, nemadzụ arị arịri bẹ anyi alwụ-kpeje mee ya g'ọ dụ gẹ Kéreshi sụru g'ọ dụ.

Ditoronomi 4:34

Tọo ?ọ dụru agwa, tụjeru ama anafụtaru onwiya ọha, nọ l'ẹka ndu ọhozo? Mbụ-a gude ọhutama; waa iphe-ọhumalenya; waa iphe, dụ biribiri; waa ọgu; gude ike mẹ agburẹhu iya; yẹe oke n-yemebvu; ẹgube ono, Chipfu, bụ Chileke unu meru unu l'alị ndu Ijiputu; unu gude ẹnya unu hụma ono?

1 Pyịta 5:5

Nokwaphọ gẹ mu akakwarụpho unubẹ ndu ọphu ka abụru ụnwegirima; unu wozejekwa onwunu alị l'iphu ndu bụ ọgerenya. Mbụ-a; iphe, mu epfuru unu g'unu ha bụ; g'iphemiphe, unu eme goshijekwa l'unu ewozeje onwunu alị l'ẹka nwibe unu nọ. Unu eyetajẹru nwibe unu ẹka; kẹle “Chileke ajịkajekwa ndu eku onwophẹ; ọ nọdu emejekwanụru ndu ọphu wozeru onwophẹ alị eze-iphe-ọma.”

Ọphulenya 18:8

Noo g'o gude iphe, bụ ẹjo iphe-ẹhuka ono, tụkoru kwabẹru iya nụ ono; je l'a-tụko byapfutakọta iya ujiku lanụ, bụ iya bụ ẹjo iphe-ememe; waa aphụ waa ọkpa nri. Ọku bẹ e-tsufu iya nụ; kẹle Nnajịuphu, bụ Chileke; onye ike iya parụ ẹka bẹ bụ iya nmarụ iya ikpe.”