Luku 1:16 - BAYỊBURU Izii

¹⁶ Igwerigwe ụnwu Ízurẹlu bẹ oo-me g'ẹphe dakọbe jepfu Nnajịuphu, bụ Chileke phẹ.

Luku 1:16 ပူးပေါင်းရင်းမြစ်များ

Azáya 49:6

Ọo ya bụ; ọ sụ: “Ọ tọ bụlekwaa g'ị bụru onye ejeru mu ozi duphutaru mu ipfu ipfu ụnwu Jiékọpu azụ; wafụa g'i dulatakwaru mu phọ ndu kẹ Ízurẹlu, bụ nwa ndu ọphu mu doberu bẹ ị nọ-doru. Mu e-mekwa ngu phọ g'ị bụru ìphóró, dụru ndu abụdu ndu Jiuda; k'ọphu ii-me gẹ ndzọta mu rwua ẹka igwe beru alị beru.”

Danẹlu 12:3

Ọzo bụ lẹ ndu maru iphe l'a-nọdu egbu nwịinwii g'ogbunwịinwii k'akpaminigwe. Ndu meru ikpoto nemadzụ; ẹphe bụru ndu pfụberekoto; eke paapaapa gẹ kpokpode jasụ l'ojejoje.

Malakayi 3:1

Wakwa iphe, Chipfu, bụ Ọkalibe-Kakọta-Ike eepfu: “Unu hụmakwa iphe, mu abya ememe. Mu e-zi onye-ozi mu g'o je abọoru mu ụzo l'iphu. Noo teke ọ tọ dụedu g'ọo-nọ-beru; Nnajịuphu ono, unu ele ẹnya iya ono abata l'eze-ụlo iya; mbụ onye-ozi ono, ọogu unu g'a sụ l'ọ byaru ono, bụ onye a-bya araaru unu k'ọgbandzu mu l'unu ono arara.”

Matiyu 21:32

Kẹle Jiọnu byaru bya egoshi unu ọkpobe ụzo, unu e-tso; ọphu unu ekwedu nkiya; obenu lẹ ndu ana akịriko yẹe ndu agba ụkpara bẹ kwetarụ nkiya. Unubẹdua hụmachaa l'ẹphe kwetarụ; ọphu izimanụ alwakpọdarunu unu azụ; g'unu ghaa umere g'e mechaarụ kẹ g'unu kweta kẹ Jiọnu.”

Luku 1:76

“Gụbe nwata ọwa-a; Iphe, ee-ku ngu bụ onye epfuchiru Ọkalibe-kangokọtaru-nụ; kẹle ii-vuru Nnajịuphu ụzo je abọoru iya ụzo;

Luku 3:3

Tọbudu iya bụ; ọ tụko ọhamoha, bupheru ẹnyimu Jiọ́danu mgburugburu jegbabẹ ara iya arara sụ: “G'izimanụ iphe-ẹji unu lwa unu azụ; g'e mee unu baputizimu; ọo ya bụ Chileke agụaru unu nvụ l'iphe-ẹji, unu meshiru.”