Jiona 4:8 - BAYỊBURU Izii

⁸ Tọbudu iya bụ; anwụ chifuẹpho; Chileke bya awata ezi oke phẹrephere ụguru, shi l'ụzo ẹnyanwu-awawa; tẹme anwụ chiahaa Jiona ịgbangu ịgbangu l'ishi; k'ọphu meji tọfuaharu iya atọfu. Ọ dụ iya g'a sụ lẹ ya nwụhuru. Ọ sụ: “Anwụhu kaakwa mu nụ ree eme l'anọdu ndzụ.”

Jiona 4:8 ပူးပေါင်းရင်းမြစ်များ

Mbụlembu 41:6

E mechaa; ishi akpe ẹsaa ọzo, dụ mgbapya mgbapya, phẹrephere ụzo ẹnyanwu-awawa mebyishiru bya aphọshia l'oshi akpe ọzo.

1 Ndu eze 19:4

Yẹbedua l'onwiya jee ije ujiku ophu bahụ l'echiẹgu. O -rwua l'upfu oshi junipa; ọ nọ-zeta anọo; bya epfuahaarụ Chileke g'o mee gẹ ya nwụhu. Ọ sụ Chileke: “O jiwaru mu ẹpho; jiko Chipfu; wotanụ ndzụ mu; kẹle mu ta akadụ ndiche mu phẹ ree.”

1 Ndu eze 21:4

Éhabu gude ẹhu-eghu; vụa ọvuma lashịa ibe iya; kẹle Nabọtu, bụ onye Jiezerẹlu bẹ sụru lẹ ya taa nụdu iya oke alị nna iya phẹ. O je azẹe l'iphe-azẹe ya; gbanwụbe iphu; jịka eri nri.

Jiobu 2:10

Ọ sụ iya: “Opfu ngu gbẹ adakwa g'ị bụ onye lanụ l'ime ụnwanyi, amadụ iphe. ?Bụepho iphe-ọma bẹ anyi a-nọdu anata l'ẹka Chileke? ?Anyi taa kabẹkpoedu nata ẹjo iya?” Iphemiphe ono mekọtakpoo Jiobu; ọphu ọ saduru ọnu pfuswee Chileke.

Jiobu 7:15

k'ọphu bụ l'aswị-gbu onwonye byaru aka mu ree. Anwụhu ka mu ree eme l'ụdu ndzụ ọwa-a, mu dzụ nta-a.

Ebvu-ọma 121:6

Anwụ, echi l'eswe ta adụdu iphe, oo-me ngu; ọphu ọ bụro k'ọnwa, echi l'ẹnyashi.

Ebvu-ọma 39:9

Mu shi woru ẹka hua l'ọnu nọ-kirishia; noo kẹle ọo gụbedua bẹ iphe ono, anwụkotaru mu nụ ono shi l'ẹka.

Oziphe 7:9

Ta abụkwaru onye obu-ọku; kẹle ọo onye-eswe edoje opfu l'ọkpoma.

Ebvu Sólomọnu 1:6

Unu ta anọdukwa ele mu phọriphori opfu l'anwụ chiru mu; jasụ mu nọdu eji uji; Ọ kwa l'ẹhu, eghu unwune mu eghu meru g'o gude ẹphe nwuru mu yee gẹ mu nọduje l'ozi opfu-vayịnu mkpụrumkpuru; ọphu ọ dụdu teke ụzo dụjeru mu k'eleta onwomu ẹnya.

Azáya 49:10

Ẹgu nri ta abyadụ agụ phẹ; ọphu ẹgu mini agụdu phẹ; ọphu okpomọku, shi l'echiẹgu; ọzoo ọphu shi l'ẹnyanwu ekpoẹdu phẹ. Ọ bụru onye aphụru phẹ obu-imemini a-nọdu edu phẹ duru phẹ shita agụga mini, asọ asọso.

Ezekẹlu 19:12

Obenu l'e gude ẹhu-eghu vụa ya l'ọgbarabvu; mbụ vụta iya tọgbo l'alị. Phẹrephere, shi l'ụzo ẹnyanwu-awawa bya ezia; akpụru iya kpọshihu nkụ. A bya anyịswoshikota iya akpụru. Ẹkali iya ono, shihukọtaru ike ono bya akpọshihuchaa nkụ; ọku woru iya nmaa swọkoswoko.

Hosiya 13:15

mbụkwa m'obeta ọ nọdu l'echilabọ ụnwunna iya aba yoyoyo; ọle oke phẹrephere, shi l'ẹka Chipfu e-shi l'ụzo ẹnyanwu-awawa ziru bya. Ẹka o shi ezi abya bụ l'echiẹgu. Ishi nggele ndu Ifuremu atabuhu. Wẹlu phẹ atashịhu. L'a tụko ẹku, o shi kpata akpata rwuta.

Ndu Uke 10:3

Mósisu sụ Erọnu: “Ọ kwa iphe-a bẹ Chipfu pfuru teke ono sụ: ‘Ndu abya mu ntse bẹ mu e-goshije onwomu g'ẹphe maru lẹ mu dụ nsọ; mu emee gẹ ndu Ízurẹlu l'ophu hụma ọdu-biribiri mu.’ ” Erọnu nọduepho nggujingguji.

Jiona 1:17

Obenu lẹ Chipfu dobewaru ophomu-okazụ, lweru Jiona. Jiona nọo l'ime ẹpho ophomu-okazụ ono ujiku ẹto eswe l'ẹnyashi.

Jiona 1:4

Tọbudu iya bụ; Chipfu byanụ ezia oke phẹrephere; ọ wata ezi l'eli eze-ẹnyimu ono. Oke akpara-mini wata atụtu; tụahaa k'ọphu ụgbo meaharu g'ọ nyakashịhu.

Jiona 4:3

Nta-a; gụbe Chipfu; gbua mu egbugbu; kẹle anwụhu ka mu ree eme l'anọdu ndzụ.”

Jiona 4:9

Tọbudu iya bụ; Chileke bya asụ Jiona: “?Ọ gbaru kẹ g'ẹhu wata ngu eghu eghu lẹ kẹ vayịnu ono tọo?” Ọ sụ iya: “Ee! Ẹhu eghukwa mu eghu. Mbụ l'iphe, agụ mu nụ nta bụkwa anwụhu.”

Matiyu 20:12

sụ: ‘Lewarọ; nta-a bẹ a pfụcharu pfụa anyi lẹ ndu ọwa-a, ejeduru ozi nọo ọdu-a iphe lanụ; l'anyịbe ndu ọphu shi l'ụtsu jegbuta onwanyi l'ozi; nyakọta anwụ eswe ono.’

Ọphulenya 3:19

L'ọ kwa ndu mu yeru obu bẹ mu abajẹru mba; hụa phẹ ahụ̀hù; g'ẹphe maru iphe. Ọo ya bụ; unu gude nụ obu unu g'ọ ha meje gẹ mu pfuru ono; g'izimanụ iphe-ẹji unu lwadụpho unu azụ.

Ọphulenya 7:16

Ẹgu taa gụbaedu phẹ; ọphu mini agụbaedu phẹ. Anwụ te echihẹdu phẹ; ọphu okpomọku adụedu phẹ.

1 Sámẹlu 3:18

Ọo ya bụ; Sámẹlu tụko iphe ono pfushikọtaru iya; ọphu ọ dụdu ọphu ọ wachiru iya awachi. Elayi bya asụ: “Ọ bụ iya bụ Chipfu; g'o mekwaa iphe, dụkpoe ya phọ ree.”