Jiona 2:9 - BAYỊBURU Izii

⁹ Obenu lẹ mbẹdua a-nọduepho agụ ebvu-ekele gude agwa ngu. Iphe, mu kweru ukwe ememe bẹ mu e-mekọta. Ndzọta bụkwa onye ooshije l'ẹka bụ Chipfu!”

Jiona 2:9 ပူးပေါင်းရင်းမြစ်များ

Mbụlembu 35:3

Ọo ya bụ; unu agbẹshi g'anyi je Bẹtelu gẹ mu je akpụaru Chileke ọru-ngwẹja l'ẹka ono, bụ iya bụ onye ono, nụmaru olu mu teke mu nọ l'aphụ; bya abụru onye ono, nọ-kuberu mu l'ẹkameka ono, ya jekọtaru ono.”

2 Sámẹlu 15:7

Apha ẹno lachaẹpho; Abụsalomu sụ eze: “Jiko; hana mu gẹ mu je mkpụkpu Hẹburonu je emeeru Chipfu iphe, mu kweru iya ukwe iya.

Jiobu 22:27

Teke ono bẹ ii-pfuru nụ Chileke; l'ọ nụma olu ngu; tẹme l'i mekwaaru iya phọ iphe, i kweru ukwe iya.

Ebvu-ọma 107:22

G'ẹphe gwerụ ngwẹja-ekele nụ iya. Ẹphe agụa ebvu ẹhu-ụtso gude mee g'a maru g'iphe, oome gbaru.

Ebvu-ọma 27:1

Ọo Chipfu bụ ìphóró, dụru mu nụ bya abụru onye adzọje mu nụ. ?Bụ onye bẹ mu atsụkwanu ebvu ọzo? Ọo Chipfu bụ ụlo-ezeru-ndzụ mu. ?Bụ onye bẹ ndzụ iya a-nọdu agụbaa mu ọzo?

Ebvu-ọma 3:8

Ọo gụbe Chipfu adzọje nemadzụ. Gọnuru ọnu-ọma ngu nụ ndu nke ngu.

Ebvu-ọma 50:14

Ngwẹja, unu e-gwejeru nụ mụbe Chileke bụ g'unu keleje mu ekele. Unu emekọtaje iphe, unu riburu angụ l'unu e-meru mụbe Ọkalibe-kakọta-shii.

Ebvu-ọma 50:23

Iphe, bụkpoo onye woru ekele mee ngwẹja iya bẹ bụ onye akwabẹ mu ùbvù. Ọ bụru iphe, bụ onye eme iphe l'ụzo, pfụru ọto bẹ mu e-goshi lẹ mụbe Chileke adzọtaje nemadzụ.”

Ebvu-ọma 68:20

Chileke anyi bụ Chileke, adzọje ndzụ. Ọ bụru l'ẹka Chipfu, bụ Nnajịuphu ono bẹ eeshije nahụ anwụhu.

Ebvu-ọma 95:2

Unu g'anyi bya l'iphu iya bya ekele iya ekele! Anyi egude ebvu-ọma tụa ụzu ẹhu-ụtso gude kwabẹ iya ùbvù!

Azáya 45:17

Obenu lẹ ndu Ízurẹlu bụ Chipfu a-dzọta phẹ. Mbụ l'adzọdzo, ọo-dzọ phẹ a-bụru ojejoje. Ọphu a byadu eme unu iphe-iphere; ọphu unu abyadụ emephe bọtorii gburu jeye lẹ gbururu.”

Jieremaya 33:11

olu ẹhu-ụtso; mẹ olu ndu ete ẹswa; olu ụnwumgboko, ala ji; mẹ k'unwoke, alụ nwanyị ọ̀phúú; yẹe olu ndu gude ngwẹja ekele abya l'eze-ụlo Chipfu; ẹka ẹphe agụ ebvu asụje: “Kele Chipfu, bụ Ọkalibe-Kakọta-Ike ekele; kẹle Chipfu dụ ree; n-yemobu iya anọje jasụ l'ojejoje. Ọ bụru iphe, a-kpa iya nụ bụ lẹ mu e-dophu alị-a azụ l'ọnodu iya. Noo iphe, Chipfu epfu.”

Hosiya 14:2

Unu kpụru opfu l'ọnu gude lwapfuta Chipfu. Unu bya bya asụ iya: ‘Gụaru anyi nvụ l'iphe-ẹji, anyi emekọta ngu g'ọ ha! Gudenụ eme odoo nata anyi; g'anyi egudekwanụ akpụru-iphe, shi anyi l'ọnu gude gwaa ngu!

Jiọnu 4:22

Unubẹ ndu Samériya abarụ iphe, unu amadụ ẹja; anyịbedua, bụ ndu Jiu bụ iphe, anyi maru bẹ anyi abarụ ẹja; kẹle ọo l'ẹka ndu Jiu bẹ ndzọta e-shi.

Ndu-ishi-ozi 4:12

Ọ tọ dụdu onye ọzo, adụ ike adzọta anyi gbahaa Jizọsu Kéreshi kpoloko. Ẹbe ọ dụkwa ẹpha onye ọzo lẹ mgboko-a mgburugburu, Chileke meru g'a maru; mbụ ẹpha, a-dụ ike dzọo nemadzụ gbahaa kẹ Jizọsu ono nwẹkiya.

Romu 12:1

Ọo ya bụ; ụnwunna mu; eshinu Chileke aphụru anyi obu-imemini nno bẹ mu arwọ unu sụ g'unu woru onwunu nụ Chileke ọkpobe anụnu; unu bụru iphe, dzụ ndzụ, unu gude gweeru Chileke ngwẹja, dụ nsọ bya abụru ọphu Chileke natarụ. Noo iphe, bụ ọkpobe abarụ Chileke ẹja bụ onoya, bụ iphe, gbarụ iya nụ.

Ditoronomi 23:18

Mbụ-a; g'e be wotajẹkwa ụgwo, a pfụru nwanyị-ovuọba; ọzoo ụgwo, a pfụru nkụta-ụrwuali ono; gude bya l'ụlo Chipfu, bụ Chileke unu bya apfụ ụgwo iphe, unu riburu l'angụ k'ememe; kẹle ẹphenebo bụ ẹbyi l'ẹnya Chipfu, bụ Chileke unu.

Hiburu 13:15

Ọo ya bụ; g'ọ tọ dụkwa teke anyi a-ha etuje Chileke ẹpha; g'etu ẹpha ono abụru ẹja, anyi shi l'ẹka Jizọsu egwe. Ọo ẹpha ono, anyi etu iya ono a-bụru iphe, shi anyi l'ọnu, egoshi l'anyi bụwaa ndu nkiya.

Ọphulenya 7:10

Ẹphe tụko ara iya arara arashi iya ike asụje: Ndzọta bụkwa kẹ Chileke anyi, bụ iya nọ l'aba-eze ono; bya abụkwarupho kẹ Nwatụru ono.”

1 Sámẹlu 12:21

Unu ta adakọbekwa tsoahaa agwa, bụ iphe-mmanụ; iphe, taa badu urwu; ọphu ọ nafụtadu unu; noo kẹle ẹphe bụkota iphe-mmanụ.