Jiona 2:7 - BAYỊBURU Izii

⁷ Teke mu shi abyawaa atụ-buhu unme bẹ mu nyatarụ gụbe Chipfu. Mu pfuahaa opfu nụahaa ngu; opfu mu rwua ẹka ị nọ l'eze-ụlo ngu, dụ nsọ.

Jiona 2:7 ပူးပေါင်းရင်းမြစ်များ

2 Iphe, ndu eze meru 30:27

Tọbudu iya bụ; ndu-uke Chileke; mẹ ndu Lívayi wulihu gọru ọnu-ọma nụ ndu ono; Chileke nụma olu phẹ; epfupfu, ẹphe epfu anụ Chileke rwua imigwe, bụ ẹka ono, dụ nsọ, o bu ebubu ono.

Ebvu-ọma 11:4

Chipfu nọkwa l'eze-ụlo iya, dụ nsọ. Ẹka aba-eze Chipfu nọ bụkwa l'imigwe. Ọ bụru l'ẹka ono bẹ ọonoduje ele ẹnya lẹ mgboko. Ẹnya iya atụko ụnwu-eliphe l'ophu hụmagbua.

Ebvu-ọma 142:3

Teke ike abvụkpowa mu abvụbvu bụ gụbedua abọru mu ụzo. L'ụzo, mu eshikpọo eshishi bẹ ndiphe gbakaẹrupho ọ́nyà gẹ mu nmalahụ.

Ebvu-ọma 143:5

Mu nyata g'o shi adụje teke ndiche. Mu bya anọdu nggujingguji rịahaa iphe, bụkpoo iphe, i mekọtaru anyi; bya elerwebaa ẹnya ree l'iphemiphe, i gude ẹka ngu mee.

Ebvu-ọma 18:6

Ọle teke mu eje iphe-ẹhuka bẹ mu rakuru Chipfu. Mu rakuru Chileke mu; sụ g'ọ dzọo mu. Ọ gbẹ l'eze-ụlo iya nụma olu mu. Mkpu, mu chiru chiku iya rwua ya lẹ nchị.

Ebvu-ọma 20:7

O nweru ndu achịjeru ụpfu kwẹe l'ụgbo-ịnya. O nwekwarụpho ndu ọphu akpọjeru obu ye l'ịnya-ọgu phẹ. Obenu l'anyịbedua bụ ẹpha Chipfu, bụ Chileke anyi bẹ anyi dakoberu.

Ebvu-ọma 22:14

A wụshiru mu gẹ mini. Iphe, bụ ọkpu, nọ mu l'ẹhu gbụghashịhu. Nta-a bẹ obu mu dụwaa g'ụ̀nwù. Ọ nọwa mu l'ime zashịhu azashịhu.

Ebvu-ọma 27:13

Obenu l'iphe, mu chịru ụpfu kwẹe bụ lẹ mu a-nọdu ndzụ hụma iphe, dụ ree, shi Chipfu l'ẹka.

Ebvu-ọma 42:11

Gụbe obu mu; ?dẹnu g'o gude ị nọdu kpọyoo? ?Dẹnu g'o gude ị nọdu etsu mu ophe? G'ẹnya ngu dụ l'ẹka Chileke nọ; kẹle mu e-mechaa kele iya ekele; mbụ onye bụ iya bụ onye adzọje mu nụ; bya abụru Chileke mu.

Ebvu-ọma 42:5

Gụbe obu mu; ?dẹnu g'o gude ị nọdu kpọyoo? ?Dẹnu g'o gude ị nọdu etsu mu ophe? G'ẹnya ngu dụ l'ẹka Chileke nọ; kẹle mu e-mechaa kele iya ekele; mbụ onye bụ iya bụ onye adzọje mu nụ;

Ebvu-ọma 43:5

Gụbe obu mu; ?dẹnu g'o gude ị nọdu kpọyoo? ?Dẹnu g'o gude ị nọdu etsu mu ophe? G'ẹnya ngu dụ l'ẹka Chileke nọ; kẹle mu e-mechaa kele iya ekele; mbụ onye bụ iya bụ onye adzọje mu nụ; bya abụru Chileke mu.

Ebvu-ọma 65:4

Ẹhu-ụtso bẹ a gọru nụ onye ono, ị họtaru dokube onwongu Gẹ gụ l'iya nọdu l'ibe ngu. Iphe, dụ ree, nọ l'ibe ngu ejije anyi ẹpho; mbụ iphe, dụ ree, nọ l'eze-ụlo ngu, dụ nsọ.

Azáya 38:17

Ọkpobe opfu; ọ kwa g'ọo-dụru mu lẹ ree bẹ mu gude jee iphe-ẹhuka, dụ nno. Ọ bụru l'ọo l'i yeru mu obu bẹ i ti kwedu gẹ mu bahụ lẹ nsụkutu ọla-l'iswi. Ị bya atụko iphe-ẹji mu l'ophu chịru ye onwongu l'azụ;

Azáya 50:10

?Bụ onye l'echilabọ unu atsụ Chipfu ebvu; tẹme ọ nọdu emeje iphe, onye-ozi Chipfu sụru g'e meje? Mbụ-a; g'onye eje ije l'ọchii; mbụ onye enwedu ìphóró, e gude aphụ ụzo; g'onye ono kpọru obu ye l'ẹpha Chipfu! G'onye ono chịru ụpfu kwẹe lẹ Chileke iya!

Jiona 2:4

Mu pfua sụ: A chịfuakwaru mu l'atatiphu ngu. Ọle mu a-dabẹkwa-a ẹnya l'ụzo eze-ụlo ngu, dụ nsọ ọzo.

Mayịka 1:2

Unubẹ ndiphe; unu nụmakwa-o! Gẹ mgboko l'ophu ngabẹkwa nchị; mẹkpoo onyemonye, bu iya nụ! Gẹ Nnajịuphu, bụ Chipfu gbẹkwa l'eze-ụlo iya, dụ nsọ gbaa unu ekebe.

Habakuku 2:20

“Obenu lẹ Chipfu nọ l'eze-ụlo iya, dụ nsọ; g'eliphe l'ophu dakwaa gbẹe nọdu iya l'iphu.”

Hiburu 12:3

Unu rịjekponaa kẹ Jizọsu ono, tụkoru iphe-ẹhuka ono jegbabẹ. Ọ tụkoru ẹjo ememe, ndu iphe-ẹji meru iya mẹ ẹjo opfu ẹphe pfuru iya gbagbukọta lẹ nkụchi. Unu nyatajẹ iya g'ike ata abvụdu unu; ọzoo sụ l'unu ta agbaẹdu ọso ono.

1 Sámẹlu 30:6

Iphe ono tsụshia Dévidi l'ẹhu ike; kẹle ndu ono bẹ epfu g'ẹphe tugbua ya lẹ mkpuma. Onyenọnu l'ime phẹ bẹ ẹhu gbangahụchaaru lẹ k'ụnwu phẹ unwoke mẹ ụnwada phẹ, a kpụtaru. Ọle Dévidi bẹ gbatarụ onwiya ike l'ime Chipfu, bụ Chileke iya.