Jiona 2:6 - BAYỊBURU Izii

⁶ Mu dalahụkpoepho l'ọhu l'ọhu eze úbvú. Ọhu alị woru mu tụa mkpọro ojejoje. Obenu l'ị gụtaru ndzụ mu l'iduma; mbụ gụbe Chipfu, bụ Chileke mu.

Jiona 2:6 ပူးပေါင်းရင်းမြစ်များ

Jiobu 33:24

g'o meeru iya eze-iphe-ọma sụ: “Jiko g'a dzọo ya rọ g'ọ tọ daba l'iduma; lẹ ya hụmawaru onye a-nọduru iya l'itumo.”

Jiobu 33:28

Ọ gbafụtaru ndzụ mu; ọphu mu adabaduru l'iduma. Nta-a bẹ mu a-dzụru ndzụ; hụma ẹka ìphóró dụ.”

Ebvu-ọma 104:6

I woru eze-ẹnyimu kpua ya g'onye kpuru uwe; k'ọphu mini ha l'eli kakọta úbvú l'ophu l'eli.

Ebvu-ọma 104:8

Ọ nọdu asọ gborogboro awụ̀ oke-úbvú awụ́wù asọ ala l'o-bua-ozee ọkpa úbvú. Ọ sọkwaseru ụzo, ị tọru iya ọkpa iya.

Ebvu-ọma 116:3

Anwụhu shiwaa chie mu ẹgbirigba l'olu. Ẹkpa oyi alị-maa nọdu anwụ mu kẹ kpalaa. Iphe-ẹhuka; waa aphụ shiẹpho nọ-phee mu mgburugburu.

Ebvu-ọma 143:7

Zanụ mu ẹnu ẹgwegwa jiko Chipfu; kẹle ike abvụwaa mu l'ele ẹnya ngu. Be domikwaru mu iphu ngu edomi; ọdumeka bẹ mu a-dụkwa gẹ ndu e liru l'ilu.

Ebvu-ọma 16:10

Noo kẹle mu maru l'ị tịi hadụ mu l'alị-maa. Ị tịi hadụ onye nkengu, dụ nsọ g'o rehu erehu.

Ebvu-ọma 18:5

Ẹkpa-oyi alị-maa nwụa mu kpalaa. Anwụhu shiwaa woru ọ́nyà gbabẹru mu.

Ebvu-ọma 30:3

Sụ-a; gụbe Chipfu; ọo ngu lọ-litaru mu lọfuta mu l'ime alị-maa. I mee gẹ mu ta abụ onye ẹja tarụ.

Ebvu-ọma 30:9

Mu sụru: “?Bụ urwu gụnu bẹ anwụhu mu a-barụ ngu? Mbụ-a? dẹnu urwu, ii-rita iya mẹ a tụa mu ẹja? ?Bụ urwuku, dụ l'alị a-wata ngu ajaja? ?Bụ iya a-ra iya arara l'ị bụ onye apfụshije ike l'iphe, i pfuru?

Ebvu-ọma 55:23

Obenu l'ọo gụbedua, bụ Chileke l'e-duru ndu ẹjo-iphe duba l'ime ilu; ẹka ẹphe a-nọdu rekashịhu. Ndu egbu ọchi waa ndu ntuphu-ire bẹ i tii kwedu g'ẹphe kpọo ụpfu l'eliphe-a. Obenu lẹ mbẹdua bụ ngu bẹ mu dakoberu.

Ebvu-ọma 65:6

mbụ gụbe onye bụ ọkpehu ngu bẹ i gude mee úbvú; ẹphe ngụchaaru angụru l'ẹka ẹphe nọgbaa. I keru onwongu ọkpehu g'onye keru akpọ l'upfu.

Ebvu-ọma 69:2

Mu emiwa emimi emiba l'ẹpuchi; ẹka adụdu iphe, kọbe nvọ, dụ iya nụ. Mu darwuwaru ọhu-mini; utso woru mu ria.

Azáya 38:10

Mu sụkwaru: ?Bụ lẹ mkpakpọnu ndzụ mu-a bẹ mu jeru je eshisweta ọnu ọguzo alị-maa? A naa mu nfụ nafụ mu nwa apha ndzụ mu ọphu phọduru nụ?

Azáya 38:17

Ọkpobe opfu; ọ kwa g'ọo-dụru mu lẹ ree bẹ mu gude jee iphe-ẹhuka, dụ nno. Ọ bụru l'ọo l'i yeru mu obu bẹ i ti kwedu gẹ mu bahụ lẹ nsụkutu ọla-l'iswi. Ị bya atụko iphe-ẹji mu l'ophu chịru ye onwongu l'azụ;

Azáya 40:12

?Bụ onye dụjewaru ike gbaa ẹka okorokoro gude tụ̀a mini, nọ lẹ mgboko l'ophu atụ̀tù; ọzoo gude nkwo-ẹka tụa akpaminigwe l'ophu? ?Bụ onye dụjewaru ike kpokọo urwuku, dụ l'eliphe l'ophu kporu ye lẹ nkata; ọzoo wota iphe-atụ̀tù gude tụ̀a ẹrwa úbvú, nọkota nụ?

Ezekẹlu 26:20

bẹ mu e-mekwa gẹ gụle ndu ọphu ekpoda ekpoda; tụko kpoda l'iduma; mbụ g'ị lapfu ndu teke k'azụ. Mu e-me ngu g'i nwuda l'ime alị gẹ mkpọkpo-ụlo, mebyishihuru teke ndiche. Ndu unu l'ẹphe a-swịru bụ ndu ala l'uwurukutu-maa; ọphu ị tị byadu alwabaa azụ ọzo; mbụ kẹ bya ebubaaru l'alị, ndu nọ ndzụ.

Ezekẹlu 31:14

Ọo ya bụ; g'o to nwehẹru oshi ọzo, nọgbaa l'agụga mini, byaru evutabaa kuahaa onwiya; kẹle ọle ọ ha l'eli; mbụ kẹ g'o vuta g'ẹphe l'akpaminigwe je anmaa ẹka l'imeli. Mbụ l'o to nwedu oshi, amịtakpo mini amịta l'alị, byaru a-habaa l'eli ẹgube ono; kẹle e mewaru phẹ g'ọ bụru anwụshihu bẹ ẹphe a-nwụshihu; laa l'ime alị; mbụ je anọdu ẹphe lẹ ndiphe, nwụshihuwaru kpoda l'ilu.

Habakuku 3:10

Oke-úbvú hụmaru ngu nmahụ jiijiijii. Ọchioku mini gbaru gborogboro bya agbaghaa. Ogbu-mini swokperehu. Akparamini iya nọdu avọ-lihuje ephekerephe ephekerephe.

Habakuku 3:6

Ọ bya apfụru bya anmaa mgboko yigayiga. Ọ bya elee ẹnya elele; ọhamoha nmahụ pyaapyaapyaa. Oke úbvú ndiche ono gbawashịhuchaa agbawashịhu. Eli obvu ndiche ono dakpọshihu; ụzo iya bụru ojejoje.

Matiyu 16:18

Sụ-a; iphe, mu akafụaru ngu bụ; ọo ngu bụ Pyịta. Ọ bụru l'eli mkpuma-a bẹ mu a-kpụ Chịochi mu. Ọphu ọ dụdu m'obeta ọ bụru anwụhu a-dụ ike emebyi ya nụ.

Ditoronomi 32:22

kẹle oke ẹhu-eghu mu bẹ gbanwuhuwaru ọku; ọku ọbu jee eke gbiriri jasụ l'o kerwua ime ime alị-maa. Ọo-kekọta mgboko; yẹe iphe, a kpatarụ dobe iya; l'o woru ọku tụa l'ẹka úbvú futaru.