Jiona 2:2 - BAYỊBURU Izii

² O pfua sụ: Teke mu eje eze iphe-ẹhuka bẹ mu rakuru Chipfu. Ọ nụma olu mu. Ọ bụru l'ime alị-maa bẹ mu chiru g'a gbaaru mu mkpu. Ị nụma mkpu, mu echi.

Jiona 2:2 ပူးပေါင်းရင်းမြစ်များ

2 Iphe, ndu eze meru 33:12

Iphe ono tsụjee ya phọ l'ẹhu; ọ chọahaa g'oo-shi tụba Chipfu, bụ Chileke iya l'ẹnya; ọ kwata wozeta onwiya alị l'iphu Chileke kẹ nna iya phẹ.

Ebvu-ọma 116:3

Anwụhu shiwaa chie mu ẹgbirigba l'olu. Ẹkpa oyi alị-maa nọdu anwụ mu kẹ kpalaa. Iphe-ẹhuka; waa aphụ shiẹpho nọ-phee mu mgburugburu.

Ebvu-ọma 120:1

Mu rakuru Chipfu teke mu eje iphe-ẹhuka; ọ nụma olu mu.

Ebvu-ọma 16:10

Noo kẹle mu maru l'ị tịi hadụ mu l'alị-maa. Ị tịi hadụ onye nkengu, dụ nsọ g'o rehu erehu.

Ebvu-ọma 22:24

Kẹle onye iphe-ẹhuka byaru b'ẹ o too lejedu olegbulẹnya; mbụ l'ọ tọo gbadojedu onye eje iphe-ẹhuka; ọphu ọ ghajẹduru iya azụ. Ọonumaje-chia olu, o gude chiku iya lẹ mkpu.

Ebvu-ọma 34:6

Mụbe onye adụdu g'ọ dụ mu chiru mkpu; Chipfu zaa mu ẹnu; bya adzọtakota mu l'iphe-ẹhuka, mu eje g'ọ ha.

Ebvu-ọma 4:1

Zaa mu ẹnu mẹ mu raku ngu; jiko Chileke mu; onye pfụberekoto. Ị gbaru mu mkpu teke mu shi eje iphe-ẹhuka. Jiko phụaru mu obu-imemini; nụmaro epfupfu, mu epfu anụ ngu!

Ebvu-ọma 61:2

Mu nọ l'ẹka igwe beru alị beru echiku ngu lẹ mkpu. Noo kẹle meji atọfu mu atọfu. Dunuru mu je edobe l'oke mkpuma, ka mu l'eli!

Ebvu-ọma 65:2

Ọo gụbe onye ono, azajẹ oku m'e pfuru nụ ngu bẹ onyemonye a-wụ-pfuta.

Ebvu-ọma 86:13

kẹle i yeru mu obu yegharụ mu iya ẹka. Noo kẹle ị nafụtaru ndzụ mu l'alị-maa.

Azáya 14:9

“Alị-maa kwagebewaru akwagebe g'ọ gba ngu ndzuta mẹ ị -lashịa. O doziwaru ụnwumaa, l'abya ngu ndzuta; mbụ maa iphe, bụkpoo ndu ono, shi bụru ishi l'eliphe-a. Ndu ono bẹ o meru g'ẹphe gbẹshichaa agbẹshi l'aba-eze phẹ; mbụ ndu shi bụru eze ọhamoha.

Ebvu Aphụ 3:55

Ọ bụru l'ime wukirima nsụ ono bẹ mu nọ raku gụbe Chipfu.

Ezekẹlu 26:20

bẹ mu e-mekwa gẹ gụle ndu ọphu ekpoda ekpoda; tụko kpoda l'iduma; mbụ g'ị lapfu ndu teke k'azụ. Mu e-me ngu g'i nwuda l'ime alị gẹ mkpọkpo-ụlo, mebyishihuru teke ndiche. Ndu unu l'ẹphe a-swịru bụ ndu ala l'uwurukutu-maa; ọphu ị tị byadu alwabaa azụ ọzo; mbụ kẹ bya ebubaaru l'alị, ndu nọ ndzụ.

Ezekẹlu 31:14

Ọo ya bụ; g'o to nwehẹru oshi ọzo, nọgbaa l'agụga mini, byaru evutabaa kuahaa onwiya; kẹle ọle ọ ha l'eli; mbụ kẹ g'o vuta g'ẹphe l'akpaminigwe je anmaa ẹka l'imeli. Mbụ l'o to nwedu oshi, amịtakpo mini amịta l'alị, byaru a-habaa l'eli ẹgube ono; kẹle e mewaru phẹ g'ọ bụru anwụshihu bẹ ẹphe a-nwụshihu; laa l'ime alị; mbụ je anọdu ẹphe lẹ ndiphe, nwụshihuwaru kpoda l'ilu.

Matiyu 12:40

Noo kẹle ọo gẹ Jiona nọru abalị ẹto: eswe l'ẹnyashi l'ime ẹpho ophomu okazụ ono bụ gẹ Abụbu-Ndiphe a-nọ abalị ẹto; eswe l'ẹnyashi l'imime alị.

Luku 11:10

Kẹle onyemonye, sụru g'a nụ iya iphe bẹ aa-nụje iphe; onye chọru nụ l'a-chọtaje; onye kụru ẹka bẹ aa-gụhajeru ụzo.

Luku 22:44

Obu wata iya etsu mini etsushikpọo ya ya ike. Ọ kabakpọo epfu anụ Chileke. Ẹphuru, shi iya l'ẹhu dụepho gẹ mee ada paapaa l'alị.

Ndu-ishi-ozi 2:27

Noo kẹle ị tịi hadụ mu l'alị-maa. Ị tịi hadụ onye nkengu, i yeru obu g'o rehu erehu.

Hiburu 5:7

Teke Jizọsu bu l'eliphe ọwanawa bẹ o shi anọduje akwa ẹkwa akwashị ẹnya-mini g'ọo-dzọta iya g'ọ tọ nwụhu. O pfua nno; Chileke nụma olu iya; eshi ọphu ọ bụ onye ewodajẹ onwiya alị kwabẹ Chileke ùbvù.

1 Sámẹlu 1:16

Ta arịkwa lẹ nwozi ngu nwanyị bụ onye iphere bvụru l'iphu. Ọ kwa g'aphụ ono habe mu shii; waa g'ọotsu-be mu l'ẹhu bẹ mu shi teke ono pfushitaru Chileke.”

1 Sámẹlu 30:6

Iphe ono tsụshia Dévidi l'ẹhu ike; kẹle ndu ono bẹ epfu g'ẹphe tugbua ya lẹ mkpuma. Onyenọnu l'ime phẹ bẹ ẹhu gbangahụchaaru lẹ k'ụnwu phẹ unwoke mẹ ụnwada phẹ, a kpụtaru. Ọle Dévidi bẹ gbatarụ onwiya ike l'ime Chipfu, bụ Chileke iya.