Jiona 1:6 - BAYỊBURU Izii

⁶ Onye-ishi ụgbo bya ejepfu iya je asụ iya: “?Bụ gụnu bẹ iime nno; gụbe nwọphu eku mgbẹnya? ?Tii tehudu rọo nshi ngu ẹhu g'a maru nshi ngu ọbu ?l'a-rị-vu anyi l'ọriri mee g'anyi ta ala l'iswi?”

Jiona 1:6 ပူးပေါင်းရင်းမြစ်များ

2 Sámẹlu 12:22

Dévidi sụ phẹ: “Mu shi akwa ẹkwa; aswị ẹgu teke nwata ono shi nọdukwadu ndzụ; kẹle mu rịru sụ: ‘?Bụ onye maru mẹ Chipfu e-meru mu eze-iphe-ọma dobe nwata ono ndzụ?’

Ẹsuta 4:16

“Tụgbua je akpakọo ndu Jiu, bu lẹ Susa g'ẹphe ha l'ẹka lanụ; unu aswịa ẹgu pfuru nụ Chileke l'iswi ẹhu mu. G'unu nọo ujiku ẹto eswe l'ẹnyashi; g'unu te erishi nri; ọphu unu etsushi okoro l'ọnu. Mbẹdua yẹle ụnwumgboko, ejeru mu ozi e-mekwaphọ nno. E -mechaa nno bẹ mu e-jepfu eze. A makwarụ-a l'ekemu sụru l'ọ tọ dụdu ree. Ọle mu e-je; ọ -bụru lẹ mu a-nwụhu gẹ mu nwụhuro.”

Ebvu-ọma 107:6

Tọbudu iya bụ; ẹphe raku Chipfu g'ẹphe nọ l'iphe-ẹhuka ono. Ọ bya anafụta phẹ l'iphe-ẹhuka, ẹphe eje ọbu.

Ebvu-ọma 78:34

Teke ọ haẹru phẹ phọ gbushia; ẹphe agbẹ teke ono chọahaa ya; mbụ ẹphe alwụkorohu dakọbe; ghaaru iya iphu ọzo lwapfuta iya.

Azáya 3:15

?Dẹnu g'o gude unu gwee ndibe mu arakabya; bya egwee iphu ndu ụkpa rwukuru rwukuru? Noo iphe, Nnajịuphu epfu; mbụ Chipfu, bụ Ọkalibe-Kakọta-Ike.”

Ezekẹlu 18:2

?Bụ gụnu bẹ ẹtu ono, unu anmajẹ l'alị Ízurẹlu ono bụ? Mbụ ẹtu ono, unu anmajẹ sụ: “Ndu bụ nna erije akpụru vayịnu, anwụ ọnu; ézé agbẹ je akpọahaa ụnwegirima yigayiga.

Jiowẹlu 2:11

Chipfu nọdu l'iphu ndu ojọgu iya ede ririri. Ndu alwụru iya ọgu bụ agụta agụta. Tẹme ndu ono, emeje iphe, ọ sụru g'e mee ono paa ọkpehu. Mbọku kẹ Chipfu pakwarụ ẹka bya adụ ebvu. ?Bụ onye a-dụ ike tapyabẹ iya lẹ nshi?”

Émọsu 5:15

Unu kpọo ẹjo-ememe ashị! Unu eyee eme iphe, dụ ree obu! Unu kpeje ikpe, pfụru ọto l'edupfu; ?a maru; ?Chipfu; bụ Chileke, mbụ Ọkalibe-Kakọta-Ike a-phụru unu obu-imemini; mbụ unubẹ nwa ndu ọphu phọduru nụ lẹ ndu ọnu-ụlo Jiósẹfu.

Jiona 3:8

G'a tụko nemadzụ mẹkpoo anụ phụkota uwe-aphụ. G'onyenọnu wata araku ẹpha Chileke ẹgwegwa. G'ẹphe tụko haa ẹjo-ememe, ẹphe eme; mẹkpoo mkpawere, ẹphe eme ndu ọzo.

Jiona 3:9

G'a maru ?Chileke a-ghakọbe gude obu-imemini iya gbanwee oke ẹhu-eghu iya ono; k'ọphu anyi taa laẹdu l'iswi.”

Ndu-ishi-ozi 21:13

Ọ sụ: “?Ẹkwa ọwa, unu ara ọwa-a bụ gụnu? ?Unu gbẹ eme g'obu nmafụ mu? Mu nọakwaa onwomu ree egude kẹ Nnajịuphu, bụ Jizọsu nwụhu lẹ Jierúsalẹmu; ọ tọ bụdu-a g'e kee mu ẹgbu kpụrumu.”

Romu 13:11

Sụ-a; iphe mefụaru g'o gude unu je atụkoje iphemiphe ono eme bụ gẹ nta-a gbaru; mbụ l'o rwuwaru teke unu e-shi lẹ mgbẹnya tehu. Noo kẹle nta bẹ ndzọta anyi kawaa ntse eme lẹ g'o shi dụ-be ẹnya mẹ a -gbẹ lẹ teke anyi beberu kweta kẹ Kéreshi.

Efesọsu 5:14

kẹle iphemiphe, bụkpoo iphe, e wofutawaru l'ìphóró bẹ bụwaa ìphóró l'onwiya. Noo g'o gude a nọdu epfuje sụ: “O-ku-mgbẹnya; tehu nwụru ẹnya! Shi l'anwụhu, ị nwụhuru teta gbalihu! Gẹ Kéreshi bụru ìphóró chiahaa l'ẹhu ngu.”