Jiona 1:4 - BAYỊBURU Izii

⁴ Tọbudu iya bụ; Chipfu byanụ ezia oke phẹrephere; ọ wata ezi l'eli eze-ẹnyimu ono. Oke akpara-mini wata atụtu; tụahaa k'ọphu ụgbo meaharu g'ọ nyakashịhu.

Jiona 1:4 ပူးပေါင်းရင်းမြစ်များ

Ebvu-ọma 135:6

Ọo iphe, dụ Chipfu ree bẹ oomeje l'imigwe mẹ l'eliphe l'ophu. Ọ bụkwarupho iphe, dụ iya ree bẹ oomeje l'ime eze-ẹnyimu mẹ l'ime ogbumini, dụ iya nụ.

Ebvu-ọma 135:7

Igwe -nọdu erwu erwurwu bẹ oomeje g'o shi l'ẹka igwe beru alị beru wata erwurwu. Ọ nọdu emeje g'egbigwe daa m'ọ nọdu edze mini; tẹme ọ nọdu emeje gẹ phẹrephere shi lẹ mkpuru ẹka ọ tụ-chiru iya wata ezizi.

Ebvu-ọma 148:8

Unu jakwaphọ Chipfu ajaja; unubẹ egbigwe; mẹ aka-mini-sunoo; mẹkpoo urwukpu; waa oke phẹrephere, emeje iphe, o pfuru.

Awụfu 10:13

Ọo ya bụ; Mósisu bya eworu mgbọro iya maa l'alị ndu Ijiputu. Chipfu bya emee; phẹrephere shi l'ụzo ẹnyanwu-awawa wata ezizi. Phẹrephere ono zikọta l'alị ono eswe l'ẹnyashi. A fụtashia l'ụtsu; phẹrephere ono vubatawa igube l'alị ono.

Awụfu 10:19

Ọo ya bụ; Chipfu bya agbanwee phẹrephere ono; mee ya; ọ bụru eze phẹrephere, ha shii, shi l'ụzo ẹnyanwu-arịba bya ezikotachaa igube ono g'ọ ha je achịru ye lẹ Eze-ẹnyimu Uswe-uswe. Ọphu ọ tọ dụdu mẹ igube lanụ, ghuduru l'alị ndu Ijiputu.

Awụfu 14:21

Tọbudu iya bụ; Mósisu bya amachịa ẹka iya l'eli eze-ẹnyimu ono. Ẹnyashi ono l'ophu bẹ Chipfu gude oke phẹrephere, shi l'ụzo ẹnyanwu-awawa ziphu eze-ẹnyimu ono azụ; ọ bya aghọo alị ọkponku. Mini ono kekaha ẹbo.

Awụfu 15:10

Obenu l'ị tụru unme; eze-ẹnyimu tụko phẹ rigbushikọta. Ẹphe bụru tụbukungu l'eze-ẹnyimu g'ọta-njele.

Jieremaya 51:16

O -mee; igwe raa ọ́rà; mini, nọ l'imigwe aphụa gbudugbudu. Ọ nọdu emeje g'urwukpu shi l'ẹka igwe beru sọru sọfuta. Teke o meru; igwe nọdu edze mini l'ọotukwapho egbigwe. Tẹme ọ nọdu eshije l'ụlo ẹku iya kpofuta phẹrephere.

Émọsu 4:13

Ọ kwa onye ono, bụ iya meru úbvú; bya edobe phẹrephere; mbụ onye ewojeru iphe, ọori kpuhaa goshi nemadzụ; onye ono, emeje g'ụtsu gbahụ ọchii; tẹme ọ nọdu azọ garamu garamu l'eli úbvú, nọgbaa lẹ mgboko. Ẹpha iya bụkwa Chipfu; bya abụru Chileke, bụ Ọkalibe-Kakọta-Ike.

Ọ́gú 11:31

Noo ya; phẹrephere bya eshi l'ẹka Chipfu nọ ziahaa; o shi l'eze-ẹnyimu chịkashia ọ̀kwà; ẹphe bya adabyigbaaru lẹ mgboru ẹka ẹphe kpọberu ụlo-ẹkwa phẹ ono. Ẹphe tụko ẹka ono g'ọ ha dzuru rwua iphe, ha g'ẹka nemadzụ a-dụ ike jee l'ọkpa ujiku ophu. G'ẹphe epheberu l'eli bẹ bụ iphe, rwuru ntụ-ọkpa ẹto mẹ a -gbẹ l'ọmali.