Jieremaya 9:4 - BAYỊBURU Izii

⁴ Sụ-a; onyenọnu kpakwaru ndu ẹphe l'iya eshi ọ̀nyà l'aphara! Ọphu unu akpọkwaru obu yeru unwune unu unwoke; kẹle nwoke, yẹle nwibe iya bụ nwune agbakwarụ iya ẹregede. Tẹme iphe, bụkpoo onye unu l'iya eshi ọ̀nyà bụru onye mgbamu.

Jieremaya 9:4 ပူးပေါင်းရင်းမြစ်များ

Mbụlembu 32:28

Ọo ya bụ; nwoke ono sụ iya: “Ẹpha ngu taa bụeduru Jiékọpu; ọo Ízurẹlu bẹ ọo-bụru; noo kẹle unu lẹ Chileke; waa nemadzụ gharu iya; ị lwụ-kpee.”

Ebvu-ọma 101:5

Ndu anọduje evu nwibe phẹ nvu-azụ bẹ mu e-me g'ẹphe bụru ọla-l'iswi. Ndu etu onwophẹ ọphushugbu; waa ndu eku-onwonye dụ l'obu bẹ mu ta atagbukwa lẹ nshi.

Ebvu-ọma 15:3

mbụ onye ete evujedu nwibe iya nvu-azụ; ọphu o mejedu nwibe iya ẹji; tẹme ọphu opfubyishijedu nwibe iya epfubyishi.

Ẹkwo Ẹtu 10:18

Onye domiru ndụmashi l'obu bẹ adzụ ụka dụ l'ogbogboromọnu. Tẹme onye asụ asụlasu bụru onye-eswe.

Ẹkwo Ẹtu 25:18

Ọo gẹ mgbọro, emeje ẹhuka-a; ọzoo ogu-echi; ọzoo apfụ; noo g'ọoduje; mbụ nwoke agba ekebe lẹ nemadzụ ibiya meru iphe, o medụru.

Ẹkwo Ẹtu 4:16

Kẹle ẹphe te ekujedu mgbẹnya; m'ẹphe emedụru ẹjo-ememe; ọphu mgbẹnya eshitajẹdu phẹ ẹnya eshita ophu; gbahaa l'ẹphe meadaru gẹ nemadzụ daa.

Ẹkwo Ẹtu 4:17

Iphe, abụjeru nri phẹ bụ eme ẹjo-iphe. Mẹe, ẹphe angụje bụru eme iphe-ike.

Ẹkwo Ẹtu 6:16

Ọ dụru iphe ishii, dụ Chipfu ashị; mbụ ụzo iphe ẹsaa, bụ ẹbyi l'iphu iya.

Ẹkwo Ẹtu 6:19

agba ekebe ẹregede; mbụ onye opfu, eshije iya l'ọnu abụkotajeru ụka; waa akpa opfu l'unuphu.

Azáya 59:13

Anyi mesweru Chipfu; tẹme anyi nọdu ejephe iya. Mbụ l'anyi woru azụ ghaaru Chileke anyi. Opfu, eshije anyi l'ọnu afụshi bụerupho eme ewere; yẹle agirigo; mẹkpoo adzụ ụka, bụ ọphu tụkoru anyi obu sweta.

Azáya 9:16

Ndu edu ndu Ízurẹlu eduswekwa phẹ eduswe; tẹme ẹphebedua, eedu ụzo ọbu bụru ndu e duphuru ụzo.

Jieremaya 12:6

Mbụ-a; unwune ngu nwoke; mbụ ndu unu ẹphe shi l'unuphu lanụ; ẹphebedua deru ngu ye g'e gbua. Ẹphe woliru olu ara g'e mee ngu iphe, a-tsụru ngu nụ. Ba adakobekwa phẹ; m'obeta ẹphe nọdu epfuru ngu opfu ọma!”

Jieremaya 6:28

G'ẹphe ha bụkota ndu kwefuru ike, obu kpọru gbengu, bụepho iphe, ẹphe tsoru aghaphe eme bụ eye mgbamu. G'ẹphe ha tụkoepho arwụ alị. Ẹphe bụ onyirubvu yẹe ígwè.

Jieremaya 9:8

Ire phẹ bụ apfụ, egbu egbugbu. Ẹphe anọduje epfu opfu l'ẹregede. Onyemonye nọdu egudeje ire mecha-mecha epfu eyeru nwibe iya; o bekwanụ l'o gude obu iya agbaru iya ọ́nyà.

Ezekẹlu 22:9

Ọ bụru l'ime ngu bẹ ndu asụ asụlasu nọ; ndu bụepho iphe, ẹphe eshibeje ite iya bụ g'ẹphe e-me gbua nemadzụ. Ọo l'ime ngu bẹ ndu ejeje eria iphe, a tụshiru l'agwa nọ; mbụ l'agwa, nọgbaa l'úbvú úbvú ono. Ẹphe nmakpuru l'ime ngu apharwụshi onwophẹ.

Ndu Uke 19:16

Te etsokwaru aghaphe asụphe asụlasu; ọphu ị nọdujekwa lẹ mpfụbe g'e gbua nwibe ngu. Ọ kwa mbẹdua bụ Chipfu.

Malakayi 2:10

“Sụ-a; ?tọ bụdu nna lanụ bẹ anyi tụkoru nweru? ?Tọbudu Chileke lanụ tụkoru g'anyi ha mee? ?Dẹnu g'o gude anyi nọdu arwụtoshi ọgbandzu, shi lẹ ndiche anyi phẹ; mbụ ọ nọdu abụjeru: anyi -kwechaa nwibe anyi ukwe-iphe; anyi tee meẹdu iphe, anyi kweru ukwe iya?

Matiyu 10:17

Ọle-a; unu kwabẹjekwaru ndiphe ẹnya. Kẹle ẹphe a-kpụkwaru unu kpụjeru ndu-ikpe; eechia unu iphe l'ụlo-ndzukọ;

Matiyu 10:21

“Sụ-a; nwune a-kpụkwaru nwune iya nụ g'e gbua; nna akpụru nwa iya nụ g'e gbua. Ụnwu e-me g'a kpụta ndu nwụru phẹ nụ gbushia.

Luku 21:16

Ndu nwụru unu; mẹkpoo unwune unu; mẹkpoo abụbu unu; mẹ ọ̀nyà unu phẹ e-mechaa deru unu ye ndiphe l'ẹka; l'a harụ unu gbua egbugbu.

1 Tesalonayika 4:6

Ọo ya bụ g'ọ tọ dụ onye e-meswe nwibe iya; ọphu ọ dụkwa onye e-mekputa nwibe iya. Mbụ-a; anyi pfuhaakwaru iya tsụa ya unu atsụtsu lẹ nchị; sụ l'onye eme ẹgube iphe ono bẹ Nnajịuphu a-gwakwa ọchi.