Jieremaya 9:3 - BAYỊBURU Izii

³ Ẹphe ekweje ire phẹ g'onye kweru apfụ gude agba ụka agbagba. Ọ tọ bụdu ire-lanụ bẹ ẹphe gude atụ okoo l'alị-a. “Ẹphe eshije l'eme iphe-ẹji ọwa-a daba l'eme ọzo; ọphu ẹphe amadụ onye mu bụ.” Nokwa iphe, Chipfu eepfu bụ ono.

Jieremaya 9:3 ပူးပေါင်းရင်းမြစ်များ

Mbụlembu 39:16

O gude uwe ono gbiriri jasụ nnajịuphu Jiósẹfu bata.

Ẹkwo Ẹtu 12:5

Iphe, ndu pfụberekoto tụberu k'ememe abụjeru iphe, pfụru nhamụnha. Obenu l'ìdzù ndu ẹjo-iphe achị bụkota ụghoshi.

Azáya 1:3

Eswi makwarụ onye nwe iya nụ. Nkapfụ-ịgara bya amaru iphe, onye nwe iya nụ eyejeru iya nri; obenu lẹ ndu Ízurẹlu ta adụdu ọphu ẹphe maru; mbụ lẹ ndu ono, bụ ndibe mu ono bẹ iphe edoduru ẹnya.”

Azáya 3:5

Ndiphe a-wata akpa nwibe phẹ ẹhu. Onyenọnu l'ọodaru yẹe nwibe iya; obutobu yẹe obutobu iya adụru l'opfu. Ụnwu-ọgbo-lanụ etso ndu bụ ọgerenya opfu. Ndu adụdu iphe, ẹphe bụ etsokwaphọ ndu aakwabẹ ùbvù opfu.

Azáya 6:5

Tọbudu iya bụ; mu sụ: “Nshịo mu! Ephuhu mu. Noo kẹle mu bụ onye ọnu-ụrwu; tẹme mu buru l'echilabọ ndu ọnu-ụrwu; tẹme mu bya egude ẹnya mu hụma onye eze ono, bụ Chipfu ọphu bụ Ọkalibe-Kakọta-Ike!”

Azáya 9:18

Ẹjo-iphe, ẹphe eme enwu phuruphuru g'ọku. Ootsu ọgara-mbo etsu olekarara. Tẹme ọ tụko ẹpfukala, nọ l'ọswa l'ophu eze wọowoowoo; k'ọphu bụ l'ire-ọku iya zelihuru tsoru ẹnwuru-ọku iya ala l'eli l'eli.

Jieremaya 12:6

Mbụ-a; unwune ngu nwoke; mbụ ndu unu ẹphe shi l'unuphu lanụ; ẹphebedua deru ngu ye g'e gbua. Ẹphe woliru olu ara g'e mee ngu iphe, a-tsụru ngu nụ. Ba adakobekwa phẹ; m'obeta ẹphe nọdu epfuru ngu opfu ọma!”

Jieremaya 22:16

Ndu eje iphe-ẹhuka; waa ndu adụdu g'ọ dụ phẹ bẹ ọ gbaru ọdzori; ọ dụru iya lẹ ree. ?Tọbudu iphe ono bụ l'onye-a maru onye mu bụ?” Nokwa iphe, Chipfu eepfu.

Jieremaya 31:34

Nemadzụ tee ziẹdu nwibe iya iphe ọzobaa; ọphu nemadzụ eziẹdu nwune iya iphe kẹ g'aasụje: Makwarụ Chipfu! Kẹle ẹphe e-shiẹpho l'onye ẹnya kachaa alwalwa l'ime phẹ maru mu jasụ l'onye ọphu kachaa shii. Noo kẹle mu a-gụru phẹ nvụ l'ẹjo-iphe, ẹphe megbabẹru. Ọphu mu anyatabaẹdu iphe-ẹji phẹ ọzobakpo. Nokwa iphe, Chipfu eepfu bụ ono.

Jieremaya 4:22

“Ndibe mu bụkwa ndu eswe; kẹle ẹphe ta amadụ onye mu bụ. Ẹphe bụ ụnwegirima, enwedu egomunggo. Tẹme ọphu iphe edojedu phẹ ẹnya. Iphe, ẹphe maru ẹnya iya bụ eme ẹjo-ememe; ọphu ẹphe amadụ eme iphe, dụ ree.”

Jieremaya 5:4

Mu bya arịa sụ: “Ndu-a bụkwa ndu ụkpa; tẹme ẹphe bụru ndu eme eswe. Noo kẹle ẹphe ta amadụ ụzo kẹ Chipfu. Mbụ l'ẹphe ta amadụ iphe, Chileke phẹ sụru g'ẹphe meje.

Jieremaya 5:5

Ọo ya bụ l'ọo gẹ mu bya ejepfu ndu ọphu bụ ndu-ishi je epfuru yeru phẹ. Ẹphebedua a-kabẹkwa maru ụzo kẹ Chipfu; mbụ iphe, Chileke phẹ sụru g'ẹphe meje.” Ọle ọ bụle-a gẹ ndu ọphu dụ bụ g'ẹphe dụ. Ẹphebedua kwaphọ mebyiwarụ iphe, shi segbabẹ mu l'ẹphe; bya agbabua ụdo, e shi gude kekọta anyi l'ẹphe.

Jieremaya 6:28

G'ẹphe ha bụkota ndu kwefuru ike, obu kpọru gbengu, bụepho iphe, ẹphe tsoru aghaphe eme bụ eye mgbamu. G'ẹphe ha tụkoepho arwụ alị. Ẹphe bụ onyirubvu yẹe ígwè.

Jieremaya 7:26

Obenu l'ẹphe ta ngadụru mu nchị; ọphu ẹphe eyeduru mu ọnu. Ẹphe wolẹrua olu dobe gbọrojii; mee ẹjo-iphe, ka kẹ nna phẹ oche shii.

Jieremaya 9:5

Ọ̀nyà nọdu agbarụ onye yẹle iya eshi ẹregede. Ọphu ọ dụedu onye epfuje ire-lanụ. Ẹphe tụkowaru zia ire phẹ adzụ ụka. Ẹphe mewaru iphe-ẹji jasụ ẹphe tụhu onwophẹ ayị.

Jieremaya 9:8

Ire phẹ bụ apfụ, egbu egbugbu. Ẹphe anọduje epfu opfu l'ẹregede. Onyemonye nọdu egudeje ire mecha-mecha epfu eyeru nwibe iya; o bekwanụ l'o gude obu iya agbaru iya ọ́nyà.

Ezekẹlu 8:13

Ọ byakwa asụ mu ọzo: “Ghakpọdapho ẹnya ọzo hụma phẹ l'ẹka ẹphe eme iphe, kabaa ndu ọwa-a eshihu ụka.”

Danẹlu 11:27

Ndu eze labọ ono, l'e-gude ọkpoma mgbashị nọdu nọ-kube teburu lanụ ede nwibe phẹ edede; ọle ọ tọ dụdu ọphu e-nweru ishi; kẹle o -rwuẹkwapho teke a tuburu bẹ mkpọchi-ishi iya a-dụa.

Ndu Uke 19:11

“Unu te ezijekwa iphuru; ọphu unu adzụjekwa ụka; ọphu unu aghọjekwaru nwibe unu ụgho.

Maku 8:38

Kẹle onye iphere mu dụ; iphere ezi ozi-ọma mu dụ iya; l'ọgbo ọwa, l'eri ogori eme iphe-ẹji-a; bẹ iphere onye ono a-dụkwapho Abụbu-Ndiphe mẹ ọ -byatashịepho ekpe ndiphe ikpe. Ọ -nọdu abya l'ọ dụ ùbvù l'ẹnya; egbu nwịinwii gẹ Nna iya egbu; teke ono, yẹle ụnwu-ojozi-imigwe, dụ nsọ a-swịru abya ono.”

Jiọnu 17:3

Ndzụ ojejoje ono bụ g'ẹphe maru ngu; mbụ gụbe onye ono, bụ ngu bụ ọkpobe Chileke kpẹekpu; makwaruphọ Jizọsu Kéreshi, bụ onye ọ bụ ngu ziru g'ọ bya.

Ndu-ishi-ozi 24:9

Ndu Jiu ọphuu ye iya ẹka sụ l'iphemiphe, Tẹtalosu pfuru bụkota eviya.

Romu 1:16

L'iphere ezi ozi-ọma kẹ Kéreshi ono ta adụkwa mu. Kẹle ọ kwa iya bụ ike, Chileke gude adzọ iphe, bụkpoo ndu kwetarụ kẹ Kéreshi. O gude iya vuru ụzo adzọ ndu Jiu; ndu ta abụdu ndu Jiu nọdu etso phẹ.

Romu 1:28

Sụ-a; eshinu ndiphe te ekwedu amaru iphe, bụ ọkpobe-opfu lẹ kẹ Chileke; Chileke parụ phẹ haa; ẹphe nọdu arịje ọriri, enwedu ishi; watanụ eme iphe, agbadụru phẹ nụ.

Romu 3:13

Ẹkpiri phẹ bụ ilu, gheru ọnu. Ire phẹ bẹ ẹphe egudeje edephushi nwibe phẹ. Opfu, shi phẹ l'ọnu nọdu egbu egbugbu g'ẹru ẹjo agwọ.

1 Kọrentu 15:34

Ọphu g'egomunggo lwadụpho unu azụ; g'unu ahaa eme iphe-ẹji wata eme iphe, pfụru ọto. Iphe, mu epfukwa ọwa-a bụkwa g'iphere kabẹ dụ unu. L'o nwekwarụ g'unu ha ndu ọphu amadụ Chileke ililekpọo.

Filipayi 1:28

Unu te ekwekwa g'ọ dụru iphe, ndu opfu unu e-gude yee unu ebvu ilile. Ọo iphe ono l'e-goshi phẹ l'ọo ẹphebedua l'emechaa laa l'iswi; unubẹdua a-bụru ndu aa-dzọta. Ọ bụru Chileke a-tụko iya mekọta.

2 Timoti 3:13

Obenu lẹ ndu bụ ndu eme ẹjo-iphe; mẹ ndu anọduje aghọ ụgho; g'ẹphe ha bẹ a-nọduepho aka ẹji akaka eje l'eme ẹjo-iphe, ẹphe eme; ẹphe egude nno duphushia ndu ọzo; ndu ọzo eduphushikwaphọ ẹphebedua.

Jiudu 1:3

Ndu mu yeru obu; iphe, mu shi arị lẹ mu e-deru unu l'ẹkwo-ozi-a bụ k'adzọta ono, Chileke dzọtaru anyi g'anyi ha ono. Ọ gbẹ bya akachia ree lẹ mu e-dechia ya gude dụa unu obu; g'unu bya awata agbaru ekweta ono ọdzori; mbụ ekweta ono e yeru ndu-nsọ kẹ Chileke l'ẹka ono.

Ọphulenya 12:11

Iphe, ụnwunna anyi phẹ gude lwụ-kpee Nsetanu bụ mee Nwatụru ono waa àsàsà ono, ẹphe apfụjeru l'edzudzu-ọha sàá ọkpobe-opfu kẹ Chileke ono. Noo kẹle ẹphe mịru ẹnya lẹ ndzụ phẹ sụ: l'ọ -bụru anwụhu; ẹphe anwụhu iya.

Ikpe 14:17

Nwanyị ono rakọta ẹkwa ujiku ẹsaa, ẹphe nọ lẹ nri ono. Ọo ya bụ; o be lẹ mbọku k'ẹsaa ono; o woru iya kọoru iya; kẹle oopfukpọeru iya phọ g'ọ kọoru iya ya. Yẹbedua je eworu iphe, ílú ono bụ kọoru ndibe phẹ ono.

Ikpe 2:10

Ọgbo k'ono nwụshihu-gbuchaẹpho lapfuchaa nna phẹ; ọgbo ọzo bya alụfuta, bụ ndu ta amadụ Chipfu; ọphu epfurọ k'iphe, dụ biribiri ono, o meshiru ndu Ízurẹlu ono.

1 Sámẹlu 2:12

Ụnwegirima ibe Elayi bya abụkotaru ndu iwashị; ọphu ẹphe ta agụbeduru Chipfu iphe.