Jieremaya 9:2 - BAYỊBURU Izii

² Ọ dụ g'a sụ lẹ mu nweru ẹka ndu ije akwajẹ l'echiẹgu; mẹ mu ahaẹpho ndibe anyi; mbụ tụgbukpoepho lụfuru phẹ; kẹle ẹphe erikọta ogori g'ẹphe ha; ndu kụru l'ẹka ono bụkota ndu egudedu ire phẹ ẹka.

Jieremaya 9:2 ပူးပေါင်းရင်းမြစ်များ

Azáya 59:3

kẹle ẹka unu bẹ mee ọchi tụrwuwaru. Mbụ lẹ mkpụshi-ẹka unu rwụkatawaru ẹjo-iphe. Ogbogboromọnu unu dzụwaru ụka; tẹme unu nọdu atụ ẹjo opfu kẹ tootoo.

Jieremaya 12:1

Gụbe Chipfu; ọ tọ dụdu teke ị bụedupho onye pfụberekoto; jasụkpoo lẹ gẹ mu echi ngu opfu-a. Ọle ọ bụ; mu e-pfukwaru ngu phọ k'ikpe, pfụru ọto, iikpeje. Sụa; ?bụ gụnu kparụ iphe, ụpete agbaru ndu ẹjo-iphe l'ụzo phẹ? Mbụ-a; ?bụ gụnu kparụ iphe, ẹhu adụje ndu e gudedu ire phẹ ẹka guu?

Jieremaya 12:6

Mbụ-a; unwune ngu nwoke; mbụ ndu unu ẹphe shi l'unuphu lanụ; ẹphebedua deru ngu ye g'e gbua. Ẹphe woliru olu ara g'e mee ngu iphe, a-tsụru ngu nụ. Ba adakobekwa phẹ; m'obeta ẹphe nọdu epfuru ngu opfu ọma!”

Jieremaya 13:22

Ọzo bụ; teke ị jịru onwongu ajị sụ: “?Bụnaa gụnu meru g'o gude iphe-a mee ngu?” Iphe, kparụ iya nụ bụ l'iphe-ẹji ngu parụ ẹka. Noo g'o gude a jịa ngu uwele; woru ngu agada pakaa.

Jieremaya 23:10

Alị ẹka-a l'ophu bụ iphe, jiru iya nụ bụ ndu eri ogori. Ọ bụru ọnu, a tụru meru g'o gude alị ẹka-a nọdu l'aphụ. Ẹka anụ akpajẹ nri l'echiẹgu kpọhu jegiri jegiri. Ndu mpfuchiru nọdu eme ẹjo-iphe; tẹme ẹphe nọdu eme ike phẹ g'ọ gbadụru.

Jieremaya 4:22

“Ndibe mu bụkwa ndu eswe; kẹle ẹphe ta amadụ onye mu bụ. Ẹphe bụ ụnwegirima, enwedu egomunggo. Tẹme ọphu iphe edojedu phẹ ẹnya. Iphe, ẹphe maru ẹnya iya bụ eme ẹjo-ememe; ọphu ẹphe amadụ eme iphe, dụ ree.”

Jieremaya 5:1

“Unu tsokpọerupho ọma gbororo Jierúsalẹmu jee iphu l'azụ; lephee ẹnya maẹshiduru; chọchaa l'edupfu l'edupfu phẹ maru mẹ unu a-hụma nwonye lanụ, bụ onye eme ire-lanụ; tẹme ọ nọdu achọje iphe, bụ ọkpobe opfu. Ọo ya bụ lẹ mu agụaru mkpụkpu ono nvụ.

Jieremaya 5:11

Ndu ọnu-ụlo Ízurẹlu yẹe ndu ọnu-ụlo Jiuda bẹ mewaru ọphu mu egudedu ire phẹ ẹka ililekpọo. Nokwa iphe, Chipfu eepfu.”

Jieremaya 5:2

A makwarụ-a l'ẹphe egudeje ẹpha Chipfu ria angụ; ọle angụ ono, ẹphe eri ono bụkwa ụka bẹ ẹphe adzụ.”

Hosiya 4:2

Iphe, dụ iya nụ bụepho mburọnu; yẹe adzụ ụka; waa egburu ọchi; waa iphuru; wafụa eri ogori. Mbụ l'ẹphe tụkokpooru iphe, a sụru g'e be mejeshi emekọta. E -gude l'e gburu ọchi l'eegbukwasẹ iya ọzo.

Hosiya 5:7

Ẹphe te emeduru Chipfu ire-lanụ. Ẹphe nwụshiru ụnwu, abụdu phẹ yeru ime phẹ. Nta-a bẹ ọnwa-afụfu e-ripya phẹ; ripyaa iphe, ẹphe meberu l'ẹgu.”

Hosiya 6:7

“Ẹphe darwụakwaru ọgbandzu mu l'ẹphe gẹ Ádamu. Ẹphe te emeduru ire-lanụ l'ẹka ono.

Hosiya 7:4

G'ẹphe hakọta erikọta ogori. Oonwu phẹ phuruphuru l'ẹhu g'ọku-epfu, a phunwuru ọ nọdu enwu phoophoophoo; ọphu onye gheberu iya bụredi enwezidu iya ọku enwezi e -shi teke ọ watarụ àphà ụtu buredi ono jasụ l'o kòghee.

Mayịka 6:12

Ndu nweru iphe, bu lẹ mkpụkpu ono emeje ndu ọzo mkpawere. Ndu bu iya nụ bụ ndu ntuphu-ire; tẹme ẹphe nọdu egudeje ire phẹ epfu opfu l'ẹregede.

Zefanaya 3:4

Ndu mpfuchiru iya ta adụdu iphe, ẹphe bụ; tẹme ẹphe bụkotaru ndu bụ nwoderu-oye. Ndu uke phẹ mebyishiwaru ẹka dụru Chileke nsọ; tẹme ẹphe mebyishiwaa ekemu Chileke.

Malakayi 2:11

“Ndu Jiuda te emeẹkwa iphe, ẹphe kweru ukwe ememe. Eemeakwaa ẹbyi ẹbyi l'ime mkpụkpu Jierúsalẹmu. Tẹme ẹbyi ọbu dzuwaru alị ndu Ízurẹlu gbaa mgburugburu. Mbụ lẹ ndu Jiuda; mbụ ndu ono, Chileke họtaru; tẹme ẹphe bụru ndu o yeru obu ono; woakwaru onwophẹ pharwụshia; kẹle ẹphe jeru je alụahaa ụnwanyi, shigbaa l'ọha, agwa nshi.

Malakayi 2:14

Ịi-jịkwaro sụ: ‘?Ishi iya-e?’ Ishi iya bụ lẹ Chipfu hụmawaru iphe, i meru nwanyị ono, ị lụru l'okorọbya ono. Ị nọ l'iphu iya; unu l'iya gbaa ndzụ; ọle ị tịi meẹduru iya iphe, i kweru ukwe l'ịi-nọdu emeru iya. Ọle ọ kwa iya bụ onye ẹbo ngu; mbụ nyee ngu, unu l'iya gbaru ndzụ l'iphu Chipfu.

Jiemusu 4:4

Unubẹ ụnwanyi mẹ unwoke, eri ogori ono; ?unu ta amadụ l'onye yẹe iphe-ụtso, dụ lẹ mgboko-a eshi ọ̀nyà bụwaa onye ọhogu Chileke? Ọo ya bụ l'ọ tọ dụdu m'obeta ọ bụru onye dụ ịdagha hatarụ g'ẹphe lẹ ndiphe shiru ọ̀nyà; onye ono emekwa onwiya onye ọhogu Chileke.

Ikpe 2:10

Ọgbo k'ono nwụshihu-gbuchaẹpho lapfuchaa nna phẹ; ọgbo ọzo bya alụfuta, bụ ndu ta amadụ Chipfu; ọphu epfurọ k'iphe, dụ biribiri ono, o meshiru ndu Ízurẹlu ono.