Jieremaya 8:9 - BAYỊBURU Izii

⁹ Ndu maru iphe bẹ ee-mekwa iphe-iphere. Ee-ye phẹ ebvu; nmata phẹ l'ọ́nyà. Eshinu ẹphe jịkawaru opfu kẹ Chipfu; ?bụ ẹgube mmamiphe gụnu bẹ ẹphe nweru?

Jieremaya 8:9 ပူးပေါင်းရင်းမြစ်များ

2 Ndu eze 17:15

Ẹphe jịkaru eme iphe, ọ tọru ọkpa iya; mẹ ọgbandzu ono, yẹle nna phẹ gbaru ono; ẹphe kwefuru ike l'iphe, ọ nmarụ phẹ ọkwa iya. Ẹphe tsoru abapheru agwa, adụdu iphe, ọ yị ẹja; ẹphebedua l'onwophẹ bya abụfuaru ndu ta adụedu iphe, ẹphe yị. Ẹphe tsoru ẹka ndu ọha ono, bupheru phẹ mgburugburu, bụ iya bụ ndu ono, Chipfu sụru g'ẹphe te emekwa gẹ ndu ono eme ono.

Jiobu 5:12

Ndu ẹregede bẹ oomeje; o too jehuduru phẹ g'ẹphe tụberu; k'ọphu bụ l'ẹka phẹ ta adụdu iphe, ẹphe emefuje ọ̀nyà.

Jiobu 5:13

Ndu maru iphe bẹ oogudeje ẹregede, ẹphe agba nmata. Tẹmanu mmamiphe ndu ntuphu-ire bẹ oomeje l'ọ daa ịdaphu.

Ebvu-ọma 19:7

Ekemu Chipfu dụebe ree. Oomeje g'obu gụ-zeta nemadzụ. Omelalị, Chipfu doberu ta angadu anganga. Oomeje g'onye amazidu iphe kabaa amaru iphe.

Azáya 19:11

Ndu-ishi lẹ mkpụkpu Zowanu bụkota ndu eswe. Ndu maru iphe, bụ ndu anọduje akpọ-ziru Fero ụzo nọdu akpọ-zi mkpọ-zi onye-eswe. ?Dẹnu g'unu e-shi sụ Fero: “Mbẹdua yịkwa lẹ ndibe ngu ndu ọphu maru iphe. Mu bụru nwa onye eze, shi l'ichee.”

Azáya 29:14

Ọo ya bụ lẹ-a; mgbo lanụfua bẹ mu e-mefụ-a ndu-a iphe, a-dụ phẹ ebvu l'ẹnya. Mu e-me iphe, dụ biribiri tụ-kobe l'iphe, dụ biribiri. Mmamiphe ndu maru iphe bẹ a-la l'iswi. Nkwamẹnya ndu iphe edoje ẹnya edomia onwiya edomi.”

Azáya 43:27

Nna ngu kẹ mbụ meru iphe-ẹji. Ndu-ishi ngu meswee mu.

Azáya 8:20

Tụbe nvọ l'ekemu; yẹle iphe, mu karụ g'e meje. Ọ -bụru l'ẹphe te epfudu akụnyabe opfu ono; ọo ya bụ l'ẹphe taa ahụmadu ìphóró nchi-abọhu.

Jieremaya 15:6

Wakwa iphe, Chipfu epfu baa: “Ị gbadowaru mu; laahaa azụ azụ. Ọo ya bụ lẹ mu a-zụ ngu ẹka gburumu woru ngu mebyishia. Ọphu ọ dụedu iphe, e-me gẹ mu phụaru ngu obu-imemini.

Jieremaya 19:7

Ọ kwa l'ẹka-a bẹ mu e-chikpọshi idzu, ẹphe achị; mbụ ndu Jiuda yẹe ndu Jierúsalẹmu. Mu e-me gẹ ndu ọhogu phẹ gude ogu-echi gbushia phẹ; mbụ l'ẹka ndu achọ ndzụ phẹ. Mu eworu odzu phẹ tụkaa g'ọ bụru nri dụru ẹnu, ephe l'eli; yẹe anụ, bu l'ẹgbudu.

Jieremaya 2:8

Ọphu ndu-uke mu ajịduru sụ: ‘?Bụ awe bẹ ọ nọ; mbụ Chipfu?’ Ndu eme k'ekemu ta amadụ onye mu bụ; ndu-ishi kwefuru mu ike; ndu mpfuchiru bụru Balụ bẹ ẹphe epfuje iphe, o pfuru; bụru iphe, ẹphe etso bụ ntẹkpe, adụdu urwu, ọ barụ.”

Jieremaya 49:7

A bya l'opfu ẹhu ndu Edọmu; wakwa iphe, oopfu; mbụ Chipfu, bụ Ọkalibe-Kakọta-Ike: “?Mmamiphe ta adụkpoedu lẹ mkpụkpu Temanu tọo? ?Ọkpobe idzu bvụwaru l'ẹka ndu maru eye ọnu l'opfu tọo? Mmamiphe phẹ ?o rehuwaru erehu tọo?

Jieremaya 6:15

?Bụ iphere ahụma, ẹphe meshiru dụ phẹ tọo? Waawakwa. Iphere ta adụkpodaa phẹ ililekpọo! Ẹphe ta makpọdanu g'aasọje ẹnya. Noo g'o gude ẹphe je l'etsoru ndu daru iko daa. Ẹphe e-rwu alị teke mu a-wata phẹ ahụ̀ ahụ̀hù. Nokwa iphe, Chipfu eepfu.”

Jieremaya 6:19

Gụbe mgboko; nụmakwa: Mu gudeakwa ọla-l'iswi abapfuta ndu-a; mbụ mebyi iphe, ẹjo-ọriri phẹ mịtaru. Noo kẹle ẹphe ta ngabẹduru nchị l'opfu mu. Tẹme ẹphe jịka ekemu, mu tụru dobe.

Ezekẹlu 7:26

Ẹjo iphe-ẹhuka akwọ ibe iya nkwọtankwo; tẹme ẹjo-nzi a-dakwaphọ mgbadapfụ. Ẹphe a-nọduje achị karaphaa g'eeshi gẹ ndu mpfuchiru Chileke phụaru phẹ ọphulenya; ndu-uke Chileke agbẹ zibuhufulẹnu ekemu; tẹme ndu bụ ọgerenya akpọ-zibuhuru nemadzụ ụzo.

Émọsu 2:4

Wakwa iphe, Chipfu epfu baa: “Eshinu ndu Jiuda mewaru iphe-ẹji ẹto bya eye ẹka lẹ k'ẹno bẹ mu tee sephuẹkwaru phẹ oke-ẹhu-eghu mu azụ; kẹle ẹphe jịkaru ekemu Chipfu; ọphu ẹphe etsojedu iphe, ọ tọru ọkpa iya sụ g'e tsoje. Ọ bụru ụghoshi ono, nna phẹ jeru etsoru ono dephuru phẹ.

Zekaraya 13:4

O -rwua mbọku ono bẹ iphere e-gudeje ndu mpfuchiru l'ụdu iphe, ẹphe a-nọduje ahụma. Ọphu ẹphe eyeẹdu uwe ẹ́jí ẹ́jí ono, ẹphe gude edephushi ndiphe ono.

Ditoronomi 4:6

Unu dobekwa ekemu ono; meje iya ememe; kẹle ọo ya bụ mmamiphe unu; bya abụru iya bụ l'iphe edoje unu ẹnya l'iphu ndiphe, bụ ndu e-mechaa nụma iphemiphe ono, Chipfu tọru ọkpa iya ono; pfuahaa sụ: ‘Ọkpobe-opfu bụ l'ọha-a, parụ ẹka-a bụkwa ọha, maru iphe; bya abụru ọha, iphe edoje ẹnya!’

2 Timoti 3:15

L'ị nyatajẹkwapho l'i shi lẹ nwata makọtaru iphe, e deru l'ẹkwo-opfu Chileke. Ọo iphe ono, e deru l'ẹkwo-opfu Chileke ono, dụ nsọ ono bẹ a-dụ ike mee ngu l'i nweru mmamiphe k'ọphu Chileke e-shi l'ekwekwe, i kweru kẹ Kéreshi Jizọsu dzọo ngu.