Jieremaya 8:4 - BAYỊBURU Izii

⁴ “Wafụkwaa iphe, ii-pfuru phẹ baa: Wakwa iphe, Chipfu epfu baa: Amadụ -daa iko; ?tọo gbẹshijeedu tọo? Onye laphuru azụ; ?tọo lwajẹedu azụ tọo?

Jieremaya 8:4 ပူးပေါင်းရင်းမြစ်များ

1 Ndu eze 8:38

o -nwekpọru onye machịru ẹka iya l'ụzo ụlo-a pfuru nụ ngu; ọzoo l'ọo ndibe ngu, bụ ndu Ízurẹlu l'ophu bẹ pfuru nụ ngu; bya arwọo ngu; kẹle ọo onyenọnu maru g'iphe-ẹhuka ono atsụ-beru iya l'ẹhu l'obu iya;

Ẹkwo Ẹtu 24:16

Kẹle onye pfụberekoto -dakwaa iko mẹ ọ -daru ugbo ẹsaa; ọ gbalihujekwaphọ. Obenu l'onye ẹjo-iphe bụ ọla-l'iswi akwatsuje iya.

Azáya 44:22

Mu rwufuwaru emeswe, i mesweru mu. Ọ gbakahụwa g'ẹka igwe rwuchaaru erwurwu; gbakaa ya. Mu bya agbaka iphe-ẹji, i meru mu; ọ tahụ g'iji, kwarụ l'ụtsu atahụje-a. Lwapfutanụ mu; kẹle mu gbafụtawaru ngu.”

Azáya 55:7

G'onye ẹjo-iphe haa ụzo ono, ootso ono; onye ọkpoma mgbashị ahaa ẹjo ọriri iya. G'onye ono lwapfuta Chipfu hụma l'ọo-phụru iya obu-imemini. Mbụ-a; g'onye ọbu lwapfuta Chileke anyi; kẹle ọo-gụru iya nvụ kẹ mmanụ.

Jieremaya 23:14

Tẹmanukwapho; l'echilabọ ndu mpfuchiru kẹ Jierúsalẹmu bẹ mu hụmakwarupho iphe, anyị ishi ẹdzu. Ẹphe anọduje eri ogori; tẹme ndzụ phẹ bụru adzụ ụka. Ndu eme ẹjo-ememe bẹ ẹphe anọduje eme g'ẹka ka phẹ eshihu ike l'iphe, ẹphe eme; k'ọphu bụ l'ọ tọ dụdu onye ọphu aghajẹru ẹjo-iphe, oome azụ. L'ẹhu nkemu bẹ ẹphe dụkotaepho gẹ ndu Sọdomu; ndu Jierúsalẹmu dụkotae mu phọ gẹ ndu Gọmóra.”

Jieremaya 3:1

“Ọ -bụru lẹ nwoke chịfuru nyee ya; nwanyị ono -parụ iya haa je alụru nwoke ọzo; nwoke ono; ?ọo-chọkwarupho nwanyị ono eje tọo? Ono ?tọ bụdu atụrwu alị l'ophu l'ophu? Obenu lẹ gụbedua gbawaru ụkpara l'ẹka ndu dụ igwerigwe, unu l'ẹphe eshi ọ̀nyà. ?Ịi-dụ ike lwaphuta azụ lwapfuta mu tọo? Nokwa iphe, Chipfu eepfu bụ ono.”

Jieremaya 3:22

“Unu lwadụpho; unubẹ ndu ono, ekweẹdu kẹ Chileke ono! Mu e-me g'unu ta abụheru ndu laphuru azụ.” “Ao; anyi abyapfuta ngu-a; kẹle ọo ngu bụ Chipfu bya abụru Chileke anyi.

Jieremaya 36:3

?A maru; ?ndu ọnu-ụlo Jiuda -nụma iya; mbụ nụma iphe, bụkpoo ẹjo iphe-ẹhuka ono g'ọ ha, mu doberu lẹ mu e-me phẹ ono; g'ẹphe ha l'onye l'onye ahaa eme ẹjo-iphe, ẹphe eme; mu agụaru phẹ nvụ l'iphe, bụkpoo iphe-ẹji, ẹphe eme.”

Jieremaya 4:1

Wakwa iphe, Chipfu epfu baa: “Ọ -bụru l'ịi-lwa; gụbe Ízurẹlu; g'ị lwapfutanụ mu! Ọ -bụru l'ịi-tso agwa ono, bụ mu ẹbyi ono ọgu gẹ mu ta ahụmajehe iya; ọphu ị kpa-phuhuẹduru akpaphuhu;

Ezekẹlu 18:23

?Unu dobesu l'anwụhu onye ẹjo-iphe atsọje mu ụtso? Ẹhu akajẹ mu atsọ ụtso mẹ onye ono haa ẹjo-iphe iya ono bya anọdu-chia ndzụ? Nokwa iphe, Nnajịuphu, bụ Chipfu epfu.

Hosiya 14:1

“Unubẹ ndu Ízurẹlu; unu lwapfuta Chipfu, bụ Chileke unu! Ọ kwa iphe-ẹji, unu eme meru g'o gude unu daa!

Hosiya 6:1

“Unu bya g'anyi laphuta azụ lapfu Chipfu; kẹle ọ kwa iya lakashịru anyi iphiriba iphiriba; ọ bụru iya e-me g'anyi wekọrohu. O mekawarụ anyi iphe; ọle oo-gude-a iphe kechia ọ́nyá, o chibashiru anyi.

Hosiya 7:10

Eku-onwonye Ízurẹlu anọduje agba ama g'ọ gbaru. Ọ -mechakpọo g'oomehabẹ; ọ tọo lwaphutadu azụ alwapfuta Chipfu, bụ Chileke iya; ọphu ọ chọkpodaa ya nụ achọcho ophu.

Émọsu 5:2

“Ndu Ízurẹlu, bụ nwamgbọko ono yẹe nwoke teke akwaswee ono daakwaru darwua alị; ọphu ọ gbẹshibaekwa ọzo. A parụ iya haa l'alị l'ẹka ọ dabyiru; ọphu ọ dụdu onye palia ya.”

Mayịka 7:8

Unubẹ ndu ọhogu mu; unu te etekwa ẹswa kpua mu! A makwarụ-a lẹ mu daru iko; ọle mu a-gbalihukwaa ọzo. A makwarụ-a lẹ mu nọ l'ọchii; obenu l'ọo Chipfu a-bụru ìphóró, dụru mu nụ.