Jieremaya 6:2 - BAYỊBURU Izii

² Mu e-mebyishikwa nwada Zayọnu, bụ onye ono, ama ntụmatu ono bya adụchaa nwa tekuteku ono.

Jieremaya 6:2 ပူးပေါင်းရင်းမြစ်များ

Jieremaya 4:31

Mu nụmakwaru olu-ẹkwa onye dụ gẹ nwanyị, ime eme; mbụ l'ude, ọotsu dụ gẹ k'onye ime-ọduu l'eme. Olu ono bụkwa kẹ Nwada Zayọnu, l'eme g'oome tụa unme; machịru ẹka iya epfu sụ: “Oowaa! Ike abvụakwaa mu. Ndzụ mu bẹ e woakwaru nụ ndu mgbugbụmadzu.”

Azáya 1:8

E woru ada Zayọnu ono tọgbo okorobo gẹ nwa m̀kpù, a tụru dobe l'opfu-vayịnu; gẹ nwụlo-ẹgu, a kpụru l'ẹgu akpụru-eli; gẹ mkpụkpu, ndu ọhogu iya nọ-pheru mgburugburu.

Ebvu Aphụ 2:13

?Bụ gụnu bẹ mu e-pfuru ngu? ?Bụ gụnu bẹ mu a-tụru ngu yeru gụbe nwada, yẹe nwoke teke akwaswee ono, bụ Jierúsalẹmu? ?Bụ gụnu bẹ mu a-sụ l'ị dụ g'ọo ya; k'ọphu mu a-dụ ngu obu? Ọ́nyá, tụkoru ngu ẹhu bẹ aba kẹ yoyoyo g'eze-ẹnyimu; ?Bụ onye bẹ e-me g'i wekọrohu?

Ebvu Aphụ 2:1

Lenu gẹ Nnajịuphu gude urwukpu, shi l'ẹhu-eghu iya sọ-kpute nwada Zayọnu. Ọdu-biribiri ndu Ízurẹlu ono, e shiwaa wolia o jerwuwa l'imigwe ono bẹ ọ kwadawarụ l'alị. Mbọku ono, ẹhu eghu iya eghu ono bẹ ọ tọ nyatadụru ẹka ọotu-kobeje ọkpa ono.

Ditoronomi 28:56

Nwanyị, kachakpọo enweru obu-imemini; bya abụru onye iphe kachaa erwu l'ẹhu l'echilabọ unu; mbụ onye anọduje arwọ alị gẹ ya zọbe ọkpa lẹ g'o nweberu obu-imemini; yẹe g'iphe erwube iya l'ẹhu; bẹ imemini ji iya, o yeru obu; mẹ nwa iya nwoke yẹe kẹ nwanyị ta adụkwa.

Ebvu Aphụ 4:5

Ndu ono, shi anọduje eri gwọogwoo ono; bẹ dakachaawaru l'etsuzọ. Ndu ono, e gude nkụushi hefuta ono bẹ azẹjewaa l'ikpọzu.