Jieremaya 5:9 - BAYỊBURU Izii

⁹ ?Bụ ẹphe -mechaa nno; mu ahaa phẹ gẹ mu ta nụ phẹ aphụ iya tọo? ?Bụ ọha, dụ ẹgube ono bẹ mu ta agwatadu ụgwo iphe, ẹphe eme? Nokwa olu Chipfu.

Jieremaya 5:9 ပူးပေါင်းရင်းမြစ်များ

Ẹkwo Ẹtu 6:29

Nokwa g'onye yẹe nyee nwibe iya akwa dụ bụ ono. Onye denyiru nyee nwibe iya ẹka bẹ a taa hakwa kẹ mmanụ!

Azáya 1:24

Noo g'o gude Nnajịuphu; mbụ Chipfu, bụ Ọkalibe-Kakọta-Ike; mbụ Ọkalibe kẹ Ízurẹlu pfua sụ: “Ịhee; gẹ mu bya emee ndu mu l'ẹphe dụ l'ụkukanyi iphe; gude dụa onwomu obu. Gẹ mu bya egude ndu ọhogu mu gwata ụgwo iphe l'onwomu.

Azáya 57:6

Ọ bụru nshi ono, nọ l'echilabọ mkpuma, akwọ tẹretere, nọ lẹ nsụda bụ okiphe unu. Ọo ya bẹ ọ bụ. Mbụ l'ọo ya bụ iphe, unu ketarụ. Ee! G'ọ bụ iya bẹ unu agbaru mẹe gude agwa; bya egude iphe, unu metaru l'ẹgu unu gude agwa iya. ?Bụ unu -nọdu eme iphemiphe ono; unu asụ gẹ mu palia pazeta tọo?

Jieremaya 23:2

Ọo ya bụ lẹ-a; wakwa iphe, Chipfu epfu; mbụ Chileke ndu Ízurẹlu; iphe, oopfu anụ ndu nche atụru, eche ndibe iya: “Eshinu unu chịkashiru atụru mu achịkashi; mbụ chị-phua ya achị-phu; ọphu unu eletadu iya ẹnya; bẹ mu e-letakwanụ unu ẹjo eleta; chia unu iphe ẹjo-ememe ono, unu meru ono.” Nokwa iphe, Chipfu eepfu bụ ono.

Jieremaya 32:31

“E -shi mbọku, e doberu mkpụkpu ono jasụ nta-a bẹ mkpụkpu-a shiẹpho kpatsuta mu iwe; yẹe oke ẹhu-eghu k'ọphu bụ lẹ mu e-wofu iya l'atatiphu mu.

Jieremaya 44:22

Chipfu bẹ ẹjo-iphe, unu emegbabẹ atsụakwa l'ẹhu; mẹkpoo ahụma ahụma ono, unu megbabẹru ono. Ọ bụru iphe ono meru g'o gude alị unu bụru ochobu; bya abụru ikpọzu; bụru iphe, e gude ephu l'iphu; k'ọphu bụ l'ọ tọ dụdu onye bu iya ebubu; ọ dụ g'ọ dụ ntanụ-a.

Jieremaya 5:10

Unu je atụko ụpho opfu-vayịnu iya ono phọkashichaa; ọle ọ tọ bụkwa kẹ g'unu mebyishibẹbekota iya g'ọ ha. Unu kwashịchaa ya ẹkali; kẹle ndu-a ta adụedu ọphu bụ kẹ Chipfu.

Jieremaya 5:29

“Wakwa iphe, Chipfu epfu baa: ?Tọ gbadụru kẹ gẹ mu nụa phẹ aphụ iphe-a, ẹphe eme-a tọo? ?Tọ gbadụru gẹ mu melata ẹgube ọha, dụ ẹgube ọwa-a iphe, ẹphe eme mu tọo?

Jieremaya 6:11

Obenu lẹ mbẹdua bẹ oke-ẹhu eghu, Chipfu eme g'ọ tụkoshi phẹ jiru mu obu; k'ọphu bụ lẹ mu taa dụdu ike atagbu iya lẹ nshi. “Woru iya kpua ụnwegirima, nọ l'ọma gbororo! Kpukwaa ya phọ ụnwokorobya, kụru l'ẹka lanụ. Nwoke yẹe nyee ya bẹ ọo-tụkocha nmata; mbụ ẹphenebo; mẹchakpoo ndu bụ ọgerenya; mbụ ndu akahụ tutsuwaru.

Jieremaya 6:6

Wakwa iphe, Chipfu, bụ Ọkalibe-Kakọta-Ike eepfu baa: “Unu gbutsushia oshi gude je akpọo ọkpo-kuu kpọ-phee Jierúsalẹmu mgburugburu! Mkpụkpu-a bẹ e chifutajẹkwa iphe; kẹle iphe, jiru iya nụ bụ eme nemadzụ ewere.

Jieremaya 9:8

Ire phẹ bụ apfụ, egbu egbugbu. Ẹphe anọduje epfu opfu l'ẹregede. Onyemonye nọdu egudeje ire mecha-mecha epfu eyeru nwibe iya; o bekwanụ l'o gude obu iya agbaru iya ọ́nyà.

Jieremaya 9:9

?Mu ta ahụ̀shi phẹ ahụ̀hù iphe ono, ẹphe eme ono tọo? ?Mu te emelatashị phẹ iphe, ẹphe meru mu; mbụ ndu alị-a tọo?” Nokwa iphe, Chipfu eepfu bụ ono.

Ebvu Aphụ 3:42

Anyi meswewaru; bya ekwefu ike; ọphu ị tị gụeduru anyi nvụ.

Ebvu Aphụ 4:22

Gụbe nwada Zayọnu; aphụ, anụ ngu k'ẹjo-iphe ono, i meru ono bẹ bvụakwaru nụ. Ọ tọo haẹdu ngu g'ị bụwaruro onye a kpụru lẹ ndzụ. Ọle ọo-nụkwanu ngu aphụ ẹjo-iphe, i meru gụbe nwada Edọmu. Iphe-ẹji ngu ono, bẹ ọo-tụ jalaa.

Ezekẹlu 7:9

Mu ta abyadụ ele unu ẹnya kẹ phụaru unu obu-imemini. Mbụ lẹ mu ta abyadụ edobe unu ndzụ; mu pfụfutaje unu ụgwo iphe, unu eme; waa kẹ ẹbyi ono, eeme l'echilabọ unu ono. Noo teke unu a-maru l'ọo mbẹdua, bụ Chipfu bẹ echi unu iphe ono.

Hosiya 2:13

Iphe, bụkpoo ujiku olemole ono, ọ kpọru Balụ ụ̀nwù-isẹnsu ọku ono bẹ mu a-hụ̀kota iya ahụ̀hù iya. Mbụ o gude iphe-nchị; waa iphe ọzo, eegudeje mee omemma kwaa onwiya akwa je etsoru ndu ẹphe l'iya eshi ọ̀nyà; bya azọhaa mu.” Nokwa iphe, Chipfu eepfu.

Hosiya 8:13

Ẹphe -gwaa iphe, e gude bya mu anụnu; ẹphe eworu anụ iya taa l'onwophẹ; obenu lẹ Chipfu bẹ iphe, ẹphe eme adụdu ree. Nta-a bẹ ọo-nyata ẹjo-iphe, ẹphe eme; hụ̀a phẹ ahụ̀hù k'iphe-ẹji phẹ. Mbụ l'ẹphe e-mechaa laphu azụ l'alị ndu Ijiputu.

Ndu Uke 18:25

Umere phẹ ono woru alị ẹka ono merwushia; mu nụa ndu ẹka ono aphụ; alị ono gbọshia ndu bu iya nụ g'onye gbọru ẹgbo.

Ndu Uke 26:25

Mu a-ha g'ọgu dapfu unu; gude iya gwata unu ụgwo ọgbandzu ono, unu mebyiru ono. Unu -dzukọbeepho l'ọma mkpụkpu unu; mu emee g'ẹjo iphe-ememe dapfu unu; shi nno woru unu yee ndu ọhogu unu l'ẹka.

Nahumu 1:2

Chipfu ekokwa okophoo. Mbụ lẹ Chipfu emelatajẹkwa iphe, e meru iya. Sụ-a; Chipfu emelatajẹkwa iphe, e meru iya; tẹme ẹhu nọdu eghushije iya eghu ike. Chipfu emelatajẹkwa ndu achị iya lẹ njọ iphe, ẹphe meru; tẹme ọ nọdu ewojeru oke ẹhu-eghu iya tụ-koshi ndu ọhogu iya.

Ditoronomi 32:35

Ọ kwa mbẹdua nwe emelata. Ọo mbẹdua a-pfụ phẹ ụgwo phẹ. O -beẹpho teke ono bẹ ọkpa e-chifu phẹ. Mbụ lẹ mbọku, ẹphe a-bụru mkpurupyata nọakwa ntse. Ọla-l'iswi gudeakwa ọso achị phẹ kpabẹ kpabẹ.”

Ditoronomi 32:43

Unu tee ẹswa; unubẹ ọhamoha! G'unu lẹ ndibe Chileke tee ẹswa! Noo kẹle ọo-gwata ụgwo ishi ọchi ụnwu iya. Ndu ọhogu iya bẹ oo-melata ụgwo iphe, ẹphe eme iya. L'ọ pfụa ụgwo iphe-ẹji, ndu nkiya meru l'alị iya.