Jieremaya 5:7 - BAYỊBURU Izii

⁷ “?Dẹnu g'o gude mu je l'agụru unu nvụ? Ụnwu unu gbadoakwaru mu; bya egude agwa, abụdu Chileke riahaa angụ. Ọle ọ kwa mbẹdua emekọtaru phẹ iphe, bụ mkpa phẹ g'ọ ha. Ẹphe nọdu erikwaphọ ogori bya awụ gbiigbiigbi eje l'ụlo ụnwanyi-ụkpara.

Jieremaya 5:7 ပူးပေါင်းရင်းမြစ်များ

2 Iphe, ndu eze meru 13:9

Ọle-a; ?tọ bụnaa unu bẹ chịshiru ndu-uke kẹ Chipfu-a; mbụ oshilọkpa Erọnu ono; mẹ ndu Lívayi; mbụ gude ẹka unu dobe ndu egweru unu ngwẹja ẹgube ono, ndu ọhozo emeje ono? Iphe, bụ onye gude oke-eswi; yẹle ebili ẹsaa bya gẹ ya swaa onwiya ẹja bẹ abụjewaru nụ onye egweru agwa ono, adụdu iphe, ọ bụ ngwẹja.

Jiobu 31:12

Ono bụkwa ọku, etsujewarọ tsurwua alị-maa. Ọ bụru iya gege ekegbushi iphe, mu gege akpata l'ẹgu.

Ebvu-ọma 50:18

Ị -hụma onye-oshi; l'i je eshita iya ọ̀nyà; tẹme unu lẹ ndu eri ogori nọdu aswị ọswi.

Jieremaya 12:16

gude ẹpha mu riaha angụ sụ: ‘Eshinu Chipfu nọ ndzụ g'ọ nọ iya-a’; ẹgube ono, ẹphe shiwaa zia ndibe mu ẹphe shi egudeje agwa, bụ Balụ eri angụ ono; bẹ ẹphe a-ngụkwaru angụru l'echilabọ ndibe mu.

Jieremaya 13:27

Mu hụmaru ogori, iiri; yẹe mịimiimii, ịinoduje ara agba ala l'eme ẹjo-ememe; mbụ ụkpara ono, ịigba; ọphu iphere adụdu ngu ono! Mu hụmakotaakwaru ahụma ahụma, ịinoduje eme l'eli úbvú; mẹ ọphu ịinoduje eme l'ẹgu. Nshịo gụbe Jierúsalẹmu! ?Bụ jasụ teke ole bẹ ịi-dụ-beru inyinyi?”

Jieremaya 16:11

Noo teke ịi-sụ phẹ lẹ Chipfu sụkwaru-a: Iphe, kparụ iya nụ bụ lẹ nna unu phẹ gbadoru mu. Ẹphe gbadoru mu je agwaahaa agwa ọzo; je ejeahaaru phẹ ozi; bya awata phẹ abarụ ẹja. Ẹphe gbado mbẹdua; ọphu ẹphe emeẹdu ekemu, mu tụru phẹ.

Jieremaya 16:20

Nemadzụ; ?oo-gude ẹka iya metaru onwiya chi l'ẹbe abụ l'iphe ọbu bụ chi?

Jieremaya 2:11

Mbụ-a; ?Ọ dụru ọha, gbajẹru agwa phẹ inwe; l'ẹbe abụ l'iphe ọbu, ẹphe agwa ọbu bụ Chi? Obenu lẹ ndibe mu gbanweru mụbe onye dụ akpabiri je anata iphe, adụdu urwu, ọ barụ.

Jieremaya 2:31

Unubẹ ọgbo nta; unu lenaa ẹnya ree l'opfu Chipfu, sụru: ?Mu bụjeru ndu Ízurẹlu echiẹgu; tọo alị, gbahụru tsụkiribaa? ?Dẹnu g'o gude ndibe mu nọdu epfuje sụ: ‘Anyi nwekwarụ onwanyi aghaphe g'ọ dụ anyi. Ọphu anyi abyapfutabaẹdu ngu ọzo?’

Jieremaya 23:10

Alị ẹka-a l'ophu bụ iphe, jiru iya nụ bụ ndu eri ogori. Ọ bụru ọnu, a tụru meru g'o gude alị ẹka-a nọdu l'aphụ. Ẹka anụ akpajẹ nri l'echiẹgu kpọhu jegiri jegiri. Ndu mpfuchiru nọdu eme ẹjo-iphe; tẹme ẹphe nọdu eme ike phẹ g'ọ gbadụru.

Jieremaya 3:19

Mụbe Chipfu l'onwomu sụ: “Lenu lẹ mu gege egudekpọepho ẹhu-ụtso emekpọe ngu phọ gẹ nwa; woru ẹguru alị, dụ ree nụ ngu; mbụ ẹka kachaa ree l'okiphe, ndu ọha l'ophu enweje enwenwe. Mu shi dobesụ l'ii-ku mu nna; ọphu ịi-hadụ mu etsotso.

Jieremaya 3:8

Mu bya ederu ẹkwo achịfu nụ onye ono, e gudedu ire iya ẹka ono, bụ Ízurẹlu chịfu iya; opfu l'o rinụkaru ogori. Mu byakwarọ ahụma lẹ nwune iya nwanyị, e gudedu ire iya ẹka kwaphọ, bụ Jiuda bẹ ndzụ agụduru. Yẹbedua tụgbukwapho lụfu je eriahaa ogori.

Jieremaya 7:9

?Unu a-nọdu ezi iphuru; egbu ọchi; eri ogori; eri angụ ẹregede; akpọru Balụ ụ̀nwù-isẹnsu ọku; agba etso agwa l'agwa, unu amadụ;

Jieremaya 9:1

Ọ dụ g'a sụ l'ishi mu bụ nggele, mini shi asọshihu. Ẹnya mu bụru ẹka ẹnya-mini futaru! Mu gege anọduepho ara ẹkwa eswe l'ẹnyashi k'egbushi, eegbushi ndibe anyi.

Jieremaya 9:2

Ọ dụ g'a sụ lẹ mu nweru ẹka ndu ije akwajẹ l'echiẹgu; mẹ mu ahaẹpho ndibe anyi; mbụ tụgbukpoepho lụfuru phẹ; kẹle ẹphe erikọta ogori g'ẹphe ha; ndu kụru l'ẹka ono bụkota ndu egudedu ire phẹ ẹka.

Ebvu Aphụ 3:42

Anyi meswewaru; bya ekwefu ike; ọphu ị tị gụeduru anyi nvụ.

Ezekẹlu 22:11

Ọo l'ime ngu bẹ nwoke waa nyee nwoke ibe iya emeje ẹbyi. Onye ọphu egude ẹgu ẹjo-iphe agụ iya nụ pharwụshia nwune nyee nwa iya; onye ọphu abụru nwune iya kẹ nwanyị; mbụ nwa, nna iya nwụru gẹdegede bẹ oomerwushije.

Hosiya 11:8

“Sụ-a; gụbe Ifuremu; ?dẹnukpoo gẹ mu e-shi haa ngu? Gụbe Ízurẹlu; ?dẹnukpoo gẹ mu e-shi woru ngu ye ndu ọzo l'ẹka? ?Dẹnu gẹ mu e-shi mee ngu gẹ mu meru ndu mkpụkpu Adama? ?Dẹnu gẹ mu e-shi mee ngu gẹ mu meru ndu mkpụkpu Zebowimu? Egomunggo lwaakwaru mu azụ. Ọoguakwa mu agụshi mu ike g'a sụ lẹ mu phụru ngu obu-imemini.

Hosiya 13:6

Teke mu nụru phẹ nri bẹ ẹpho jiru phẹ. Teke ono, ẹpho jiru phẹ ono; ẹphe kuahaa onwophẹ woru mu zọhaa.

Hosiya 4:2

Iphe, dụ iya nụ bụepho mburọnu; yẹe adzụ ụka; waa egburu ọchi; waa iphuru; wafụa eri ogori. Mbụ l'ẹphe tụkokpooru iphe, a sụru g'e be mejeshi emekọta. E -gude l'e gburu ọchi l'eegbukwasẹ iya ọzo.

Hosiya 7:4

G'ẹphe hakọta erikọta ogori. Oonwu phẹ phuruphuru l'ẹhu g'ọku-epfu, a phunwuru ọ nọdu enwu phoophoophoo; ọphu onye gheberu iya bụredi enwezidu iya ọku enwezi e -shi teke ọ watarụ àphà ụtu buredi ono jasụ l'o kòghee.

Ndu Uke 20:10

“Ọ -bụru lẹ nwoke jepfuru nyee nwoke ibe iya; ẹphe shi nno ria ogori; g'e gbukwaa nwoke ọbu yẹe nwanyị ọbu egbugbu.

Émọsu 8:14

Ndu ono, gude ẹbyi kẹ Samériya ria angụ ono; mbụ ndu ono, asụje: ‘Eshinu agwa ndibe gụbe Danu nọ ndzụ g'ọ nọ iya-a’; ọzokwanu: ‘Eshinu agwa ndu Biye-Sheba nọ ndzụ g'ọ nọ iya-a’; ndu ono a-dakọta; ọphu ẹphe abyadụ agbẹshibaa agbẹshi.”

Zefanaya 1:5

waa ndu ono, ejeje anọdu l'ọma mkpotsu ụlo abarụ ẹnyanwu ẹja; yẹe kpokpode; waa ọnwa; waa ndu ono, abajẹru mu ẹja ndu ọphu egudeje ẹpha Chipfu eri angụ tẹme ẹphe egudekwaphọ ẹpha Molẹku eri angụ;

Malakayi 3:5

Mbụ lẹ Chipfu, bụ Ọkalibe-Kakọta-Ike sụkwaru-a: “Mu akpịritaakwaru unu ntse abya ekpe ikpe. Mu e-mekwa ẹgwegwa bya atụa ndu-a jala; mbụ ndu agwọ nshi; mẹ ndu eri ogori; mẹ ndu akpapyabẹje iphe, ẹphe meru gụa ẹnwa; mẹ ndu abụjeru: e -jechaaru phẹ ozi; ẹphe apfụ-pete ndu jeru phẹ ozi ụgwo; mẹ ndu bụ ụnwanyi, ji phẹ anọedu yẹle ụnwu-ogbee, enwedu nna; bẹ ẹphe anọduje emekpa ẹhu; mẹ ndu ekpeje ndu byaru abyabya ikpe, apfụduru-ọto; yẹle iphe, bụ ndu ta atsụdu mu ebvu ililekpọo.”

1 Kọrentu 6:9

?Unu ta amadụ lẹ ndu apfụbeduru-ẹka-ọto bẹ ụzo adụduru l'ẹka Chileke bụ eze? Unu te ekwekwa g'e duru unu ghaa ụzo. Ndu ụrwuali; mẹ ndu agwọ nshi; mẹ ndu eri ogori; mẹ onye nwoke arajẹ nwoke ibe iya;

1 Kọrentu 8:4

A bya lẹ k'eri iphe, a gwarụ iphe mu sụ; iphe, anyi makpọadaru bụ l'ọ tọ dụdu iphe, bụ iphe, aagwa agwagwa mẹ ilile dụru iphe, ọ bụ; mbụ l'ọ bụkota okorophoo iphe. Anyi makwaruphọ l'ọ tọ dụedu Chileke ọzo, dụ nụ gbahaa Chileke lanụ ono kpoloko.

Galeshiya 4:8

Lẹ mbụ teke unu eshidu maru Chileke bẹ unu shi bụgbaaru ohu iphe, abụdu Chileke.

Ditoronomi 32:15

Ọle Jieshurunu datachaẹrupho okporokpo; o kwefu ike. Ọ daru okporokpo; bya adụwa bọgili-bọgili. Ọ tsụwaru onwiya ẹba; tẹme ọ gbẹ teke ono bya ajịka Chileke, meru iya nụ. Ọ bụru oke mkpuma ono, dzọtaru iya nụ ono bẹ o gude weaha gbẹgele-gbẹgele.

Ditoronomi 32:21

Ẹphe gude iphe, abụdu Chileke eme gẹ mu wata eko okophoo; gude ụnwu agwa, bụchaa iphe-mmanụ akpatsu mu ẹhu-eghu. Mu e-gudekwanụ ọha, abụdu ọkpobe ọha meru okophoo ye phẹ l'ẹhu; gude ọha, eme eswe kpatsu phẹ ẹhu-eghu;

Hiburu 13:4

G'alụlu bụkwaru iphe, akwabẹ ùbvù; g'iphe, bụ ndu alụ alụlu te emerwụshijekwa iphe-azẹe phẹ; kẹle nwoke eme kẹ nwanyị; ọzo nwanyị, eme kẹ nwoke; mẹ ndu eri ogori bẹ Chileke a-nmakwa ikpe.

Jiemusu 4:4

Unubẹ ụnwanyi mẹ unwoke, eri ogori ono; ?unu ta amadụ l'onye yẹe iphe-ụtso, dụ lẹ mgboko-a eshi ọ̀nyà bụwaa onye ọhogu Chileke? Ọo ya bụ l'ọ tọ dụdu m'obeta ọ bụru onye dụ ịdagha hatarụ g'ẹphe lẹ ndiphe shiru ọ̀nyà; onye ono emekwa onwiya onye ọhogu Chileke.

Jioshuwa 23:7

G'ọ tọ dụkwa iphe, unu l'ọha, ghuduru nụ, bukube unu e-megbajẹ mẹ ililekpọo. Unu te epfujekwa mabẹeru agwa phẹ; ophu unu egudejekwa phẹ ria angụ. Unu te ephozejekwaru agwa phẹ ono; ọphu unu abajẹkwaru phẹ ẹja.