Jieremaya 5:3 - BAYỊBURU Izii

³ Gụbe Chipfu; ?tọ bụdu iphe, bụ ire-lanụ bẹ ịinoduje ele ẹnya iya? I chiru phẹ iphe; ọphu o medụru phẹ ẹhuka. I bya egwee phẹ arakabya; ọphu ẹphe ekwekwaphọ emezita iphe, ẹphe mesweru. Ẹphe mechaa iphu phẹ; o shihugbaa dụngudungu gẹ mkpuma; bya ajịka l'izimanụ taa lwadụ phẹ azụ.

Jieremaya 5:3 ပူးပေါင်းရင်းမြစ်များ

Mbụlembu 19:34

O -rwua lẹ nchitabọhu iya; onye k'ọgerenya sụ onye kẹ nwata: “L'ẹnyashi ụnyaphu bẹ mu lẹ nna mu kwawaru. G'anyi chebakwaa ya mẹe ọzo l'ẹnyashi-a; g'i je g'unu l'iya kwaa. Ọo ya bụ g'anyi eshi l'ẹhu nna anyi mee g'awa anyi phọdu.”

1 Ndu eze 13:33

Iphe ono mechakpọ; ọphu Jierobowamu ta aghaduru umere; haa eme ẹjo-iphe, oome. Iphe, o mechiaru bụ l'ọ gbẹ bya ahọtagbaa ndu a-nọdu egwe ẹja l'ẹka aagwajẹ iphe ono. Iphe, bụ onye ọ dụ g'ọ bụru uke gweje ngwẹja l'ẹka ono, aagwajẹ iphe ono bẹ ọonabataje; doo ya nsọ; mee ya onye egweje ngwẹja l'ẹka aagwajẹ iphe ono.

2 Ndu eze 1:13

Ọo ya bụ; eze byakwa ezia onye-ishi ndu ojọgu ụkporo labọ l'iri k'ẹto iya; bya eyeru iya ndu ojọgu ụkporo labọ l'iri ono. Ẹphe rwua; onye-ishi ndu ojọgu ụkporo labọ l'iri k'ẹto iya ono nyikota; bya ejepfu Elayịjia; je adaa gbushi ikpere l'iphu iya; rwọahaa ya; sụ: “Gụbe onye kẹ Chileke; jiko gụbenu ndzụ mu iphe; mẹ ndzụ ụmadzu ụkporo labọ l'iri-a, bụ ndu-ozi ngu-a. Gụbenu phẹ iphe l'ẹnya nkengu.

2 Iphe, ndu eze meru 16:9

Ẹnya Chipfu bẹ ejekwa warawara lẹ mgboko l'ophu; achọ ndu kpọru obu phẹ l'ophu yeru iya g'o mee g'ẹphe kaba eshihu ike. I mewaru umere onye-eswe; ọo ya bụ lẹ shita nta-a kwasẹru bẹ ọgu a-nọduepho etso ngu.”

2 Iphe, ndu eze meru 28:22

Teke ono, eze, bụ Éhazu eje iphe-ẹhuka ono bẹ ọ kabaa abụru onye Chipfu te egudedu ire iya ẹka.

Ebvu-ọma 51:6

Iphe, iile ẹnya iya lẹ ndzụ amadụ bụ ire-lanụ. Zinaa mu mmamiphe nkengu.

Ebvu-ọma 51:8

Mee g'ẹhu tsọo mu ụtso; gẹ mu tee ẹswa; k'ọphu ọkpu mu ono, ị nyajishiru ono a-gbakerehu.

Ebvu-ọma 55:20

Onye mu l'iya shi aswị ọswi tsoru ọ̀nyà iya ọgu; shi nno mebyia ọgbandzu, ẹphe l'iya gbaru.

Ẹkwo Ẹtu 21:29

Onye ẹjo-iphe bẹ agbanwụbeje iphu ẹhuka ẹhuka. Obenu l'onye obu iya gụru ìphóró l'emeje g'ụzo iya ngụru angụru.

Ẹkwo Ẹtu 22:12

Chipfu anọduje eleta ẹnya g'ọ tọ dụ iphe, e-me onye maru iphe. Obenu l'opfu onye eegudedu ire iya ẹka bẹ oomeje g'ọ tọ dụ iphe, ọo-bụ.

Ẹkwo Ẹtu 23:35

L'ị wata ara sụ: “Ẹphe etsugbua mu-o! Ọle e te mekakwaru mu iphe. Ẹphe etsukwa mu otsukputu; ọle o to rwudu mu l'ẹhu. ?Bụ teke ole bẹ mu a-gbalihukpọo? Mu -gbẹshi bẹ mu a-watakwa achọ mẹe ọzo.”

Ẹkwo Ẹtu 27:22

Ọ tọ dụkwa m'obeta ị tsụa onye-eswe l'ikwe; mbụ gude ọ́dzú gwee ya g'onye egwe ereshi; i tii mekwa g'ọ haa eme-eswe.

Azáya 26:11

Gụbe Chipfu; ị paliwaru ẹka ephekerephe; obenu l'ẹphe ta ahụmaduru iya. G'ẹphe hụmanu g'opfu-ẹhu ndibe ngu aphụ-beru ngu l'ẹhu; g'iphere adụ phẹ! G'ọku, dụru ndu ọhogu ngu tsupyashịkwaa phẹ!

Azáya 42:25

Ọ bụru iphe ono meru g'o gude ọ wụa phẹ oke ẹhu-eghu iya; mee g'ẹjo ọgu dapfuta phẹ. Ọgu ono gude ọku woru phẹ kee mbvu; ọphu iphe edoduru phẹ ẹnya. O kee phẹ phuruphuru g'ọku; ọphu o rwuduru phẹ l'ọkpoma.

Azáya 48:4

Kẹle mu mahawarụ g'ịidabe ike; mbụ l'akwara olu ngu bụ mgbọrígwè; tẹme atatiphu ngu bụru onyirubvu.

Azáya 9:13

Ọle ndu Ízurẹlu ta adakọbeduru lwapfuta onye ono, chiru phẹ iphe ono; mbụ l'ẹphe ta achọduru Chipfu ono, bụ Ọkalibe-Kakọta-Ike ono.

Jieremaya 15:7

Mu e-gude ajakpa phụchaa phẹ aphụcha l'ọnu-abata ọnu-abata mkpụkpu lẹ mkpụkpu ono. Mu abya egbua phẹ mgbu-ọnwu; mbụ l'e-me ndibe mu ẹphe abụru mkpurupyata; noo kẹle ẹphe ta agbanwedụru ụzo phẹ.

Jieremaya 17:23

Obenu l'ẹphe te eyeduru ọnu; ọphu ẹphe angaduru nchị. Ẹphe woru ishi ngakobe; jịka l'ẹphe taa ngadụ nchị; ọphu ẹphe eyedu ọnu lẹ mba, mu barụ phẹ.’

Jieremaya 19:15

“Wakwa iphe, Chipfu, bụ Ọkalibe-Kakọta-Ike eepfu; mbụ Chileke kẹ ndu Ízurẹlu: Unu lekpọdapho. Iphe, bụkpoo ẹjo-iphe ono g'ọ ha, bụ ọphu mu pfuwaru l'oo-me phẹ ono bẹ mu abyakwa emekọta mkpụkpu-a yẹe mkpụkpu, nọ-pheru iya mgburugburu. Ọ bụru iphe, kparụ iya nụ bụ l'ẹphe ngakoberu ishi jịka l'ẹphe taa angabẹdu mu nchị l'olu.”

Jieremaya 2:30

Iphe, mu chiru ndibe unu bụkwa iphe-mmanụ; g'ọ tọ bụdu l'ẹphe eye ọnu k'emezi iphe, ẹphe mesweru-a. Ogu-echi ngu sụwaru ndu mpfuchiru unu pyaapyaa g'oduma, alajashị iphe o guderu alajashị.

Jieremaya 3:3

Nokwa g'o gude e sephu mini azụ g'o to dzeshi. Ọphu mini ishi-apha edzejeẹdu ililekpọo. Ọle iimelẹ-a umere nwanyị-ụkpara. Ọphu i kwedu haa g'iphere gude ngu.

Jieremaya 32:19

iphe, ị chịru idzu ememe bẹ ha shii; tẹme iphe, iime ememe paa ẹka. Ị sarụ ẹnya hụmagbua iphemiphe, nemadzụ eme. Ị nọdu ebuje onyemonye nggo g'iphe, o meru gbaru; yẹe iphe, o metaru.

Jieremaya 35:13

Wakwa iphe, opfu; mbụ Chipfu, bụ Ọkalibe-Kakọta-Ike; mbụ Chileke kẹ ndu Ízurẹlu: “Je je akaru ndu Jiuda; yẹe ndu Jierúsalẹmu sụ phẹ-a: ?Unu tee gudedu ndu-a nwụta iphe wata eme iphe, mu sụru g'unu meje? Ọ kwa Chipfu epfu.

Jieremaya 44:10

Byasụkwa ntanụ-a bẹ ẹphe teke ewozekwa onwophẹ alị; ọphu ẹphe eke akwabẹkwa mu ùbvù; ọphu ẹphe eke ekwekpọdanu mee ekemu mu; yẹe iphe, mu tọru unu ọkpa iya; yẹe nna unu oche phẹ.

Jieremaya 7:26

Obenu l'ẹphe ta ngadụru mu nchị; ọphu ẹphe eyeduru mu ọnu. Ẹphe wolẹrua olu dobe gbọrojii; mee ẹjo-iphe, ka kẹ nna phẹ oche shii.

Jieremaya 7:28

Ọo ya bụ lẹ-a; waa iphe, ii-pfuru phẹ baa: Wakwa ọha, te emeduru iphe, Chipfu, bụ Chileke iya pfuru; ọphu ẹphe emezijedu iphe, ẹphe mesweru. Ire-lanụ laakwaru l'iswi; ọ gbawaru ọso gbafu; ọphu ọ nọhedu phẹ l'ogbogboromọnu.

Jieremaya 8:5

?Dẹnukwanu g'o gude ndu-a nọdu alaẹpho azụ azụ? Mbụ-a; ?dẹnu g'o gude ndu Jierúsalẹmu nọdu alaẹpho azụ azụ? Ọ bụru ẹregede bẹ ẹphe jeru je agbakụa ẹka; jịka l'ẹphe taa lwadụ.

Ezekẹlu 2:4

Ẹphe bụ ndu ẹjo ọkpoma; bya abụru ndu ta anụdu anụnu mẹ ililekpọo. Mu ezi ngu gẹ i jepfu phẹ je asụ phẹ: ‘Wakwa iphe, Nnajịuphu, bụ Chipfu epfu baa.’

Ezekẹlu 24:13

Iphe, bụ inyi ono, dụ ngu l'ẹhu ono bẹ bụ ụrwuali. Eshi ọphu mu mekọtaru gẹ mu e-me hufu ngu inyi ono; ọphu o kwedu gẹ mu hufu ngu iya; bẹ a ta abyadụ ehufubaa ngu iya jasụ teke mu e-gude oke ẹhu-eghu mu mee ngu g'ọ dụ mu.

Danẹlu 9:13

Ọ bụepho g'e deru iya l'ẹkwo ekemu Mósisu bụepho g'eze iphe-ẹhuka ono dapfutakọtaru anyi; ọphu anyi ahadụru iphe-ẹji anyi ngabẹ nchị l'iphe, bụ ire-lanụ nkengu; shi nno chọkwanaa Chipfu, bụ Chileke anyi g'o meeru anyi eze-iphe-ọma.

Ndu Uke 26:23

“Teke mu mechakpọoru unu iphemiphe ono; ọphu unu agbanwekwarụpho; unu nọdu emekwaphọ iphe, mu sụru g'unu te emejeshi

Émọsu 4:10

“Mu bya emee g'ẹjo iphe-ememe wata unu ememe ẹgube ono, mu meru; o mee ndu Ijiputu ono. Mu gude ogu-echi gbushia ụnwokorobya unu; bya erwuta ịnya unu kpụa ya lẹ ndzụ. Mu bya atsụ-jia imi unu atsụ-ji l'ishishi iphe, shigbaa l'ẹka ndu ojọgu unu dọgbaaru; ọphu unu alwakwarụpho azụ lwapfuta mu.” Nokwa iphe, Chipfu eepfu.

Émọsu 4:11

“Mu harụ mkpụkpu unu mebyishia ẹgube ono, mu mebyishiru Sọdomu waa Gọmóra ono. Mbụ l'unu dụepho gẹ nkụ-ọku, a lọfutaru l'ẹka ọku eke iya; ọphu unu alwakwarụpho azụ lwapfuta mu.” Nokwa iphe, Chipfu eepfu.

Émọsu 4:6

“Gẹ mu harụ unu; ọnu nri chihu unu l'iphe, bụkpoo mkpụkpu unu l'ẹhu l'ẹhu; bya emee; ọphu ọ dụdu mkpụkpu unu ọphu nri dụ; ọphu unu alwakwarụpho azụ lwapfuta mu.” Nokwa iphe, Chipfu eepfu.

Émọsu 4:8

Ndu mkpụkpu labọ ọzoo ẹto nọdu anọduje awụ gbiigbiigbi eje lẹ mkpụkpu lanụ eje achọ mini-angụngu; ọphu ẹphe ahụmajedu mini, a-sụru phẹ angụngu; ọphu unu alwakwarụpho azụ lwapfuta mu.” Nokwa iphe, Chipfu eepfu.

Émọsu 4:9

“Mu gudewaa nchacha-manụ yẹe atsụ-evu gude dapfu unu. Mu gude iya mee gẹ mgbabu unu yẹe opfu-vayịnu unu dabyiru iphoro. Igube bya atapyashịa oshi olivu unu; yẹe oshi figu unu; ọphu unu alwakwarụpho azụ lwapfuta mu.” Nokwa iphe, Chipfu eepfu.

Zefanaya 3:7

Mu pfuru nụ mkpụkpu ono sụ iya: ‘Tororo, mu egbuẹru iya phọ unu bụ l'unu aa-nọdukwa atsụ mu ebvu; kweje l'unu mesweru mu.’ Ọ bụ l'unu meru iya ẹgube ono mẹ mu tege emebyishikwa ẹka unu bu; ọphu mu tege anụ-beẹduru unu aphụ gẹ mu tụberu. Obenu l'ọoguele phẹ-a anọdu eme mkparwụ mkparwụ l'iphemiphe, ẹphe eme.

Romu 2:2

Ọle ọphu anyi makaharụ bụ l'ikpe Chileke pfụru-ọto l'ẹhu ndu eme ẹgube iphe ono.

Hiburu 12:9

Ọobujeru; nna anyi l'eliphe-a -nọdu echi anyi iphe; anyi eyelẹru phẹ-a nsọ. ?Bụchia Nna anyi ọphu nọ l'imigwe bẹ anyi ta akabadaa eworu onwanyi nụ g'anyi eshi ẹgube ono nweru ndzụ.