Jieremaya 48:2 - BAYỊBURU Izii

² A taa jaẹdu ndu Mówabu ajaja. Ọ bụru lẹ mkpụkpu Hẹshibonu bẹ a chịru phẹ ẹjo idzu sụ: ‘Unu bya g'anyi mee g'ọha ono chịhu!’ Unubẹdua kwaphọ; unubẹ ndu mkpụkpu Madumenu bẹ ee-mechakwaa laa l'iswi. Ogu-echi e-mechakwaa chịa unu ẹjo ọso.

Jieremaya 48:2 ပူးပေါင်းရင်းမြစ်များ

Azáya 15:1

Ọwaa bụ ozi, Chileke ziru zidoru ndu Mówabu. Mkpụkpu Aru, nọ l'alị ndu Mówabu bụakwaa mkpurupyata. Ọ bụru ẹnyashi bẹ e gude mebyishia ya. Mkpụkpu Kiru, nọkwapho l'alị ndu Mówabu bụru mkpurupyata. Ọ bụru ẹnyashi bẹ e gude mebyishia ya.

Azáya 15:5

Ụzu ẹkwa atụ mu l'obu l'iswi ẹhu Mówabu; kẹle ụnwu iya, eje phururugbada agba ọso agbarwuchaa mkpụkpu Zowa; ndu agbarwua mkpụkpu Ẹgulatu-Shelishiya. O nwechaaru ndu ọphu jerwuchaaru mkpụkpu Luhiti. Ẹphe -nọdu eje; ẹphe akwa ntụmatu. Teke ẹphe tsoru ụzo ala mkpụkpu Horonayimu bẹ ẹphe nọ l'ụzo raa ẹkwa ọla-l'iswi phẹ ono.

Azáya 16:14

Obenu lẹ nta-a bẹ Chipfu ono sụru: “L'ọ kwa apha ẹto bẹ ọ phọduru; mbụ l'aagụakwaru alị ndu Mówabu apha g'onye-ozi, e ziru ozi, ọo-nọdu eje. Apha ẹto bẹ ọ phọduru úbvú ono, alị ndu Mówabu dụ ono; mẹkpoo ikpoto igwe ọha ono, bu iya nụ ono abụkotaru ndu a gụbeduru iphe. Nwa ndu a-phọdu nụ aha nwanshịi shii; tẹme ọphu ike adụdu phẹ.”

Azáya 25:10

Kẹle ẹka Chipfu a-dụkwa l'eli úbvú-a. Mbụ lẹ ndu Mówabu bẹ aa-zọ tọlitoli l'ibe phẹ ẹgube ono, aazọje ẹswa ekperema pyakapyaka l'ikpọzu ono.

Jieremaya 25:15

Wakwa iphe, Chipfu, bụ Chileke ndu Ízurẹlu pfuru mu baa: “Okoro-a, bụ iphe, jiru iya nụ bụ mẹe k'oke-ẹhu-eghu mu-a; nafụnu mu iya l'ẹka. Jenụ emee g'iphe, bụ ọha, mu e-zi g'i je alị phẹ ngụkota iya!

Jieremaya 25:17

Tọbudu iya bụ; mu bya anata Chipfu okoro ono; bya ejee ọhamoha, bụ ẹka o ziru mu je emee; ẹphe ngụkota iya;

Jieremaya 31:36

“Ọo ẹpho m'ọ bụ l'a -nọnyaru; iphe-a, mu tuburu k'ememe-a phuhu k'ọphu mu hụma-buhuru iya; ọ bụru iya bụ l'oshilọkpa Ízurẹlu achịhu; ẹphe taa bụedu ọha ẹka phẹ l'iphu mu jasụru asụru.” Nokwa iphe, Chipfu eepfu bụ ono.

Jieremaya 33:24

“?Tii ledu iphe, ndu-a anọduje epfu sụ: ‘Ipfu labọ-a, Chipfu họtaru-a bẹ ọ paakwaru gwọbe?’ Ẹphe shi ẹgube ono kpọo ndibe mu ẹbo l'afụ; k'ọphu bụ l'ẹphe ta abụedu ọha ẹka phẹ l'iphu phẹ.

Jieremaya 46:28

Ta tsụkwa ebvu; gụbe Jiékọpu, bụ onye-ozi mu; kẹle mu nọkwa swiru ngu. Ọ kwa Chipfu epfu iya. Kẹle mu e-mebyishicha ọhamoha ono, mu chịru unu tụkaa l'echilabọ phẹ ono. Ọphu mu emebyishidu unubẹdua. Ọo ahụ̀hù bẹ mu a-hụ̀ unu hụ̀ta iya unu l'ahụma. Ọphu mu ahakwanụ unu phuruphuru gẹ mu te echi unu ẹchachi.”

Jieremaya 48:17

Unu jekwa akpọru phẹ iphu; unubẹ ndu unu l'ẹphe bukubegbaa! Mbụ unubẹ ndu maru ẹpha phẹ. Unu sụ phẹ-a: ‘?Dẹnu g'ọ nwụru a gbajiru mgbọro-eze, shihuru ike; tẹme ọ bụru mgbọro, ama ntụmatu-a?’

Jieremaya 48:42

Ndu Mówabu l'ophu bẹ ee-mebyishi kẹle ẹphe koru Chipfu ọkpa l'ishi.

Jieremaya 48:45

“Lẹ mgboru mkpụkpu Hẹshibonu bẹ ndu agba ọso ọgu pfụru nyẹgenyege. Noo kẹle ọku kpụfuru lẹ Hẹshibonu. Mbụ l'onwu phuruphuru ọku etsu l'ime mkpụkpu Sihọnu. Ọ bụerupho l'echi ishi bẹ otsu ndu Mówabu. Mbụ ọkpu-ishi ndu ono, shi anọduje aba hanyịhanyi ono.

Jieremaya 49:3

Unu tụa ụzu-ẹkwa; unubẹ ndu Hẹshibonu; kẹle mkpụkpu Eyayi bẹ e mebyishiakwaru! Unu chishikwaa mkpu ike; unubẹ ndu bu lẹ Raba! Unu yekwaa uwe-aphụ wata ara ẹkwa. Unu ekwoo gburugburu shia ọwa-a yẹe ọphuu l'ime npherenphere igbulọ mkpụkpu unu ono; kẹle Molẹku bẹ aa-kpụkwa lẹ ndzụ lashịa alị ọzo; yẹle ndu-uke, agwajẹ iya nụ; mẹ ndu-ishi iya.

Jieremaya 49:37

Mu a-tụkashi ndu Elamu nanụnanu l'iphu ndu ọhogu phẹ; mbụ l'iphu ndu achọ ndzụ phẹ. Mu e-me g'ẹjo-iphe dapfu phẹ; mbụ lẹ mu a-tụ-koshi phẹ oke ẹhu-eghu mu. Ọ kwa Chipfu epfu iya. Mu e-me g'e gude ogu-echi achị phẹ jasụ teke mu e-me g'ẹphe ta adụhe.

Ọ́gú 32:37

Ụnwu kẹ Rúbẹnu kpụa mkpụkpu Hẹshibonu; mẹ Eleyale; mẹ Kiriyatayimu;