Jieremaya 42:3 - BAYỊBURU Izii

³ Pfuru nụ Chipfu, bụ Chileke ngu g'ọ karụ anyi ụzo, anyi e-shi; yẹe iphe anyi e-me.”

Jieremaya 42:3 ပူးပေါင်းရင်းမြစ်များ

1 Ndu eze 8:36

shikwa l'imigwe nụma iya; gụaru ndu-ozi ngu ono, bụ ndu Ízurẹlu nvụ l'iphe-ẹji ono. L'i zia phẹ ụzo, pfụru ọto, ẹphe a-nọdu etso. L'i mee gẹ mini dzee l'alị ono, ị nụru ndibe ngu g'ọ bụru okiphe phẹ ono.

Ẹzura 8:21

Tọbudu iya bụ; mu bya araa ya arara sụ g'a swịa ẹgu l'ẹka ono; mbụ l'ẹnyimu Ahava ono. K'ọphu anyi e-shi nno wozeta onwanyi alị l'atatiphu Chileke anyi; rwọo ya g'o duru anyi l'ụnwegirima anyi; mẹ ivu anyi shia ụzo ọphu ka ree.

Ebvu-ọma 27:11

Zia mu ụzo ngu; jiko Chipfu! Dunaa mu shia ụzo, pfụru nhamụnha m'ọbvu ndu akpa mu ẹhu.

Ebvu-ọma 86:11

Jiko Chipfu; zinaa mu ụzo ngu; k'ọphu mu a-nọdu etso ụzo ire-lanụ ngu ono. Menaa g'ọriri mu ta agbashị mu ụzo ọtu l'ẹka ị nọ; k'ọphu mu a-nọdu atsụ ẹpha ngu ebvu.

Ẹkwo Ẹtu 3:6

Ị -nọdu emekpọo iphemiphe, iimekpọo ememe; nyatajẹ Chipfu; kẹle ọo ya e-me g'ụzo ngu pfụru ọto.

Azáya 2:3

Ikpoto nemadzụ a-bya bya asụ: “Unu bya g'anyi je l'eli úbvú kẹ Chipfu! Unu g'anyi je l'ụlo Chileke kẹ Jiékọpu! Ọo ya e-zi anyi ụzo iya; k'ọphu anyi a-wata etso ụzo, ọ tọru.” Noo kẹle ekemu e-shi l'úbvú Zayọnu fụta; mbụ l'opfu Chipfu e-shi lẹ mkpụkpu Jierúsalẹmu bya.

Jieremaya 6:16

Wakwa iphe, Chipfu epfu baa: Unu pfụkpodarupho lẹ mgbakata-ụzo lee ẹnya! Unu jịeshikwa ajị ụzo, shi l'ichee! Unu jịa ajị ẹka ụzo, dụ ree dụ! Unu awata eshi ụzo ono! Noo teke meji a-nmapfuru unu. “Obenu l'ẹphe sụleru-a l'ẹphe te eshidu iya.

Mayịka 4:2

Ikpoto ọha a-bya bya asụ: “Unu bya g'anyi je l'eli úbvú kẹ Chipfu! Unu g'anyi je l'ụlo kẹ Chileke kẹ Jiékọpu. Ọo ya e-zi anyi ụzo iya; k'ọphu anyi a-wata etso ụzo, ọ tọru.” Noo kẹle ekemu e-shi l'úbvú Zayọnu fụta; mbụ l'opfu Chipfu e-shi lẹ mkpụkpu Jierúsalẹmu.

Ditoronomi 5:26

Noo kẹle ọ tọ dụdu nemadzụ mmanụ nụmajewaru ẹka Chileke, dzụ ndzụ; gbẹ l'ọku epfu opfu; g'anyi nụmaru iya-a; mechaa dzụru ndzụ-a.’

Ditoronomi 5:29

Ọme l'ọo kẹ g'obu phẹ dụwaro g'ọ dụ-a je asụru; mbụ g'ẹphe tsụje mu ebvu; dobe iphemiphe, mu tụru l'ekemu; mẹ iphe adụkwaru phẹ lẹ ree; yẹe ụnwu phẹ jasụ l'ojejoje!