Jieremaya 4:8 - BAYỊBURU Izii

⁸ Ọo ya bụ lẹ-a; unu yee uwe-aphụ; raa ẹkwa; chia mkpu-ẹkwa; kẹle o-re-phuruphuru, bụ ẹhu-eghu Chipfu teke alaphukwa azụ l'ẹhu anyi.

Jieremaya 4:8 ပူးပေါင်းရင်းမြစ်များ

Ebvu-ọma 78:49

Ọ tụko oke ẹhu-eghu iya g'ọ ha vuru byabẹ phẹ l'ishi. Ọ chịta ụnwu-ojozi-imigwe ye g'ẹphe je emeghe nkephẹ.

Azáya 10:4

Ọ tọ dụkwa iphe, aphọdu nụ; gbahaa g'ẹphe kpụa unu lẹ ndzụ; lọo unu wuruwuru l'alị; ọzoo ẹphe egbua unu egbugbu. Ọle iphemiphe ono mechaarụ; ẹhu nọdu eghulẹ-a Chileke eghu. Ọ paliẹle-a ẹka g'ọ paliru iya.

Azáya 13:6

Unu kwaa idemini ẹkwa; kẹle eswe Chipfu dụwaa ntse! Mbọku ono a-bụru eswe ala iphe l'iswi. Ọ bụru l'ẹka onye oo-shi bụ Ọkalibe-kangokọtaru-nụ.

Azáya 22:12

Tọbudu iya bụ; o be mbọku ono; Nnajịuphu; mbụ Chipfu, bụ Ọkalibe-Kakọta-Ike bya ekua unu sụ g'unu bya araa ẹkwa gụa aphụ; g'unu kpụshia ishi; chịta uwe-aphụ yee.

Azáya 32:11

G'ẹhu nmakwaa unu anmanma; unubẹ ụnwanyi, nọ tụsaru ẹhu! G'ẹhu tekwaa unu kparịkpari; unubẹ ụnwada ono, arị l'ọ tọ dụdu iphe, abya unu ememe ono! Unu tọfukwa ẹkwa unu; chịta uwe-aphụ gbaphua onwunu l'upfu!

Azáya 5:25

Noo g'o gude ẹhu nọdu eghushi Chipfu eghu ike l'iphe, ndibe iya meru iya. O wolia ẹka chia phẹ gbaa; chikata phẹ tụa. Eli úbvú nọdu anma jiijiijii. Odzu phẹ dakaa pọopoo l'ọma gbororo. Ọ dụchakpoo nno; ẹhu nọdu eghulẹ iya-a eghu g'ooghu iya; ọ paliẹle-a ẹka g'ọ paliru iya.

Azáya 9:12

Ndu Arámu shiakwa l'ụzo ẹnyanwu-awawa. Ndu Filisitayinu shi l'ụzo ẹnyanwu-arịba saa ọnu gabala bya eworu ndu Ízurẹlu lwụa. Ọle iphemiphe ono mechaarụ; ẹhu nọdu eghuẹle-a Chileke eghu. Ọ paliẹle-a ẹka g'ọ paliru iya.

Azáya 9:17

Ọo ya bụ lẹ ndu bụ okorọbya l'alị ono te emedu g'ẹhu tsọo Nnajịuphu ụtso. Ndu enwedu nna yẹe ụnwanyi, ji phẹ nwụhuru bẹ ọ tọo phụduru obu-imemini. Noo kẹle onyemonye te emedu ele Chileke; tẹme onyemonye bụwaru onye ẹjo-iphe; bya egudewaa ọnu epfu mkpọkoro opfu. Ọle iphemiphe ono mechaarụ; ẹhu nọdu eghuẹle-a Chileke eghu. Ọ paliẹle-a ẹka g'ọ paliru iya.

Azáya 9:21

Mbụ lẹ ndu Manásẹ a-taahaa anụ ndu Ifuremu. Ndu Ifuremu ata kẹ ndu Manásẹ. Ẹphe atụko gha iphu tsoahaa ndu Jiuda ọgu. Ọle iphemiphe ono mechaarụ; ẹhu nọdu eghuẹle-a Chileke eghu. Ọ paliẹle-a ẹka g'ọ paliru iya.

Jieremaya 25:34

Unubẹ ndu eche atụru; unu raa ẹkwa chia mkpu! Unu rwaphua onwunu l'urwuku; unubẹ ndu-ishi ikpoto atụru! Noo kẹle teke ee-gbushi unu rwuakwaru. Unu a-da iko tụkposhihu g'ite-ụrwa, dụ ree.

Jieremaya 30:24

ọphu ẹhu eghubuhukwa Chipfu eghu gbiriri jasụ l'o meẹbekota iphe, dụ iya l'ọkpoma k'ememe. Mbọku abya-a l'ụzo iphu teke iphe-a l'e-dokọta unu ẹnya ree.

Jieremaya 48:20

Ndu Mówabu bẹ e meakwaru iphe-iphere kpua; kẹle ẹphe dakashịhuwaru. Unu rwua erwubvu; chishia mkpu ike! Raa ya arara lẹ nggele Anọnu lẹ Mówabu bẹ e mebyishiwaru!

Jieremaya 6:26

“Unubẹ ndibe mu; unu yee uwe-aphụ; gwọo onwunu lẹ ntụ! Unu raa ẹkwa; ẹjo-ẹkwa, dụ gẹ k'onye nwa iya lanụ nwụhuru; kẹle ọ kwa: a -bya l'amarụ; ọla-l'iswi ono abya afụaru anyi.

Ebvu Aphụ 1:12

?Tọ dụdu iphe, ọ bụ l'ẹnya unubẹ ndu aghata aghata? Unu chịkakpodapho ẹnya achịka; maru ?o nweru iphe-ẹhuka, dụjeru g'ọphu mu eje-a? Mbụ iphe-ẹhuka-a, e meru g'ọ dapfuta mu-a. Ọ bụru Chipfu bẹ meru g'iphe-ẹhuka ọbu dapfuta mu; mbụ lẹ mbọku ono oke ẹhu-eghu iya enwu phuruphuru ono.

Ezekẹlu 21:12

Nwa ndiphe; raa ẹkwa; chia mkpu; kẹle ogu-echi ono bụkwa ndibe mu bẹ ọocho abya. Ọo ndu-ishi lẹ Ízurẹlu bẹ ọocho abya ọbu. E nwutaakwaru ndu-ishi lẹ Ízurẹlu; waa ndibe mu tụa l'iphu ogu-echi. Gberu ẹka ye l'olu.

Ezekẹlu 30:2

“Nwa ndiphe; pfuaru phẹ iphe a-nwụru phẹ nụ. Sụ phẹ: ‘Wakwa iphe, Nnajịuphu, bụ Chipfu epfu baa: Chia mkpu sụ: “ ‘Nshịo mbọku ono!

Jiowẹlu 1:13

Unu yekwaa uwe-aphụ wata agụ aphụ; unubẹ ndu bụ uke! Unu watakwa echi mkpu; unubẹ ndu ono, anọduje eje ozi l'ọru-ngwẹja ono! Unubẹ ndu ono, nọ l'iphu Chileke mu eje ozi ono; unu byakwa eyee uwe-aphụ nọkota ẹnyashi l'ophu; kẹle ngwẹja-nri yẹe ngwẹja-mẹe bẹ e buchiwaru l'ụlo Chileke unu.

Émọsu 8:10

Ọbo-iphe, unu abọje bẹ mu a-gbanwe g'unu wata atụ ụzu-ẹkwa. Mu agbanwee ebvu ono, unu agụje ono g'ọ bụru erwubvu. Mu e-me unu g'unu hakọta unu anmakọtaru uwe-aphụ; kpụshikota ishi anwụhu. Mu emee mbọku ono g'ọ dụ unu g'onye agụ aphụ nwa nwoke lanụ, ọ nwụtaru kpoloko, nwụhuru nụ. Eswe mbọku ono -bya abvụ bẹ ọo-tsọkotaepho ilu ilu.”

Mayịka 1:16

Unu kpụshia ishi; ghebe ishi ọnu; nọdu l'aphụ ụnwegirima ono, dụ unu l'obu ono! Unu mee ishi g'ọ chaa unu swarịswari gẹ k'udele; kẹle ee-mechaa naa phẹ unu kpụa phẹ lẹ ndzụ.

Ọ́gú 25:4

Chipfu bya asụ Mósisu: “Chịtakota ndu-ishi ndu Ízurẹlu l'ophu megbushia l'atatiphu mu; gbaa phẹ l'anwụ; k'ọphu mu e-wofu ẹhu-eghu mu, ata pfụpfupfu l'ẹhu ndu Ízurẹlu.”