Jieremaya 4:7 - BAYỊBURU Izii

⁷ Oduma shiakwa l'ẹpfukala iya wafụta. Ọla-iphe-l'iswi k'ọha l'ophu bẹ gbalihuakwaru nụ. O shiakwa l'ẹka ọ nọ tụgbua eje g'o mee alị unu ono g'ọ bụru ochobu. Mkpụkpu unu a-tụko bụchaaru ikpọzu; ọphu ọ dụdu onye bya l'ebubaru l'ime iya.

Jieremaya 4:7 ပူးပေါင်းရင်းမြစ်များ

2 Ndu eze 24:1

Ọ bụru teke ono, Jiehoyakimu bụ eze bẹ Nebukadineza, bụ iya bụ eze ndu Bábilọnu jeru ọgu l'alị ono. Jiehoyakimu nọdu iya l'ẹka apha ẹto. A nọnyaa; ọ ghachi kwefuahaaru iya ike.

2 Ndu eze 25:1

Tọbudu iya bụ; o be l'apha, kwe Zedekaya apha tete, ọ watarụ abụru eze; l'abalị k'iri l'ọnwa iri; eze ndu Bábilọnu, bụ Nebukadineza chịta ikpoto ndu ojọgu iya; ẹphe byatashịa Jierúsalẹmu. Ẹphe nọ-phee ya mgburugburu. Ẹphe kepheta mkpụkpu ono; bvuphee ya ose-ọgu mgburugburu.

Azáya 1:7

Alị unu bụwaa ochobu. Mkpụkpu unu bụru iphe, ọku tsufugbaaru. Opfu, unu kọru bẹ ndu ọhozo nọ l'iphu unu eripya. Ọ dabyiru karaphongu g'ẹka ndu ọhozo lwụru.

Azáya 5:9

Chipfu, bụ Ọkalibe-Kakọta-Ike pfuakwaru mu; mu nụma sụ: “Tororo opfu bụ l'ụlo, dụ igwerigwe e-mechakwaa dabyiru iphoro. Mbụ l'okoke ụlo ono, bụgbaa ẹguru ụlo ono e-mechakwaa bụru ụlo, e te budu ebubu.

Azáya 6:11

Mu bya ajịa sụ: “Jiko Chipfu; ?bụ teke ole bẹ ọo-duberu nno?” Ọ sụ: “Ọo-dụ nno jasụ mkpụkpu ono adabyiru bụru ochobu. Ọ tọ dụedu onye e-buru iya nụ; jasụ ụlo atụko bụru okorobo ụlo, adụdu onye bu iya nụ. Alị emebyishihu bụru mkpọkoro alị.

Jieremaya 2:15

Oduma, dụ igwerigwe sụakwaru ekiri; bya abawaru iya hanyịhanyi. Ẹphe tụkowaru iphe, dụ l'alị iya mebyishichaa. Mkpụkpu, dụgbaa ya nụ bẹ a tụakwaru ọku; ọku tsufukọta iya; ọphu ọ dụedu onye bu iya nụ.

Jieremaya 22:6

“Kẹle-a; wakwa iphe, Chipfu epfu l'opfu ẹhu ibe eze ndu Jiuda: A makwarụ-a l'ị dụ g'alị Giladu l'ẹhu mu; ọzoo g'eli úbvú úbvú Lébanọnu. Obenu l'ọ tọ dụdu iphe, e-me gẹ mu te eme ngu g'ị dụ g'echiẹgu; mbụ gẹ mkpụkpu, e te bujeduru ebubu.

Jieremaya 22:7

Mu dobewaru ndu mmebyi iche g'ẹphe bya emebyia ngu. G'ẹphe ha l'onye l'onye e-gudegbaa ngwọgu phẹ. Ẹphe abya egbutsushia ẹguru oshi sida ngu ono; bya achịru iya ye l'ọku.

Jieremaya 25:38

Ọo-parụ ọgba iya haa g'oduma; alị phẹ abụru ochobu. Ọ bụru iphe, a-kpa iya nụ bụ ogu-echi ndu emekpa phẹ ẹhu. Ọzo bụ iphe, a-kpa iya nụ bụ oke ẹhu-eghu Chipfu.

Jieremaya 25:9

bẹ mu a-chịkobe ndu isheli l'ipfu l'ipfu; yẹe onye-ozi mu, bụ Nebukadineza, bụ eze ndu Bábilọnu. Ọ kwa Chipfu epfu iya. Mu a-chịru phẹ bya g'ẹphe bụru ndu alị-a ọhogu; yẹe iphe, bụ ndu bu iya nụ; mẹ iphe, bụkpoo ọha, bupheru phẹ mgburugburu. Mu e-mebyishibẹbe phẹ rengurengu kpọ; mee phẹ; ẹphe abụru iphe, anyị ishi ẹdzu; bya abụru iphe e gude eme iphe ọchi; yẹle iphe, e gude ephu l'iphu; tẹme l'ọ bụru ochobu jasụ l'ojejoje.

Jieremaya 26:9

?Dẹnu g'o gude i gude ẹpha Chipfu epfu l'ụlo-a e-mechaa dụ gẹ Shilo; tẹme lẹ mkpụkpu-a e-mechaa bụru ochobu, adụdu onye bu iya nụ?” Tọbudu iya bụ; ndu ono l'ophu bya azụpyabe Jieremaya l'ụlo Chipfu l'ẹka ono.

Jieremaya 27:8

“ ‘Teke ọ bụ l'o nweru ọhamoha; ọzoo alị-eze, jịkaru anọdu Nebukadineza l'ẹka; mbụ eze ndu Bábilọnu; ọzoo l'ẹphe jịkaru edobe olu g'ọ nyabẹ phẹ agadagba-njịgba iya; mu egude ogu-echi; yẹe ọkpa nri; yẹe ẹjo iphe-ememe nụa ndu ọbu aphụ. Mbụ mee ndu ono iphe gbiriri jasụ mu egude ẹka Nebukadineza mebyishibẹbe ndu ọbu. Nokwa iphe, Chipfu eepfu.

Jieremaya 33:10

Wakwa iphe, Chipfu epfu baa; “Alị ẹka-a, unu sụru l'ọ bụ ochobu, nemadzụ ebudu ebudu; ọphu anụ ebudu iya-a; mbụ ime mkpụkpu lẹ mkpụkpu Jiuda; yẹe gbororo, dabyigbaaru lẹ Jierúsalẹmu, bụ ẹka a gbadochawaru agbado; ọphu nemadzụ ebudu iya ebudu; ọphu anụ adụdu iya-a; bẹ ee-mechaa nụaha olu ọzobaa;

Jieremaya 34:22

Wakwa iphe, Chipfu epfu baa: Mu a-tụ ekemu l'onwomu; ọ bụru mu e-duphuta phẹ azụ lẹ mkpụkpu-a. Ẹphe e-tsoo ya ọgu; nata iya; woru ọku tụa ya l'ootsua tsufu. Mu emee gẹ mkpụkpu, nọgbaa l'alị ndu Jiuda bụru ochobu; ọ tọ dụedu onye ebu iya ebubu.’ ”

Jieremaya 4:29

Ndu mkpụkpu ono l'ophu -nụmaepho igiji ndu chị ịnya abya ọgu; yẹe ndu chị apfụ abya ọgu; ẹphe agbalaa je edomigbaa onwophẹ l'ẹgbudu; ndu awụba l'ọgba, dụ l'úbvú je edomishia onwophẹ. Ẹphe atụko mkpụkpu phẹ g'ọ ha gbadogbua gbalaa. Ọ tọ dụedu ọphu nemadzụ eburu.

Jieremaya 44:2

Wakwa iphe, Chipfu, bụ Ọkalibe-Kakọta-Ike eepfu baa; mbụ Chileke ndu Ízurẹlu: “Unu hụmanuru-a oke ọla-l'iswi, mu meru ndu Jierúsalẹmu; yẹle mkpụkpu ndu Jiuda l'ophu. Nta-a bẹ ẹphe bụwaa ochobu; ọphu ọ dụedu onye bu iya nụ;

Jieremaya 46:18

Wakwa iphe, Eze ono epfu baa; mbụ onye ẹpha iya bụ Chipfu, bụ Ọkalibe-Kakọta-Ike: Eshinu mu nọ ndzụ gẹ mu nọ iya-a bẹ o nweru onye a-bya nụ. Onye ono a-dụ g'úbvú Tabọ l'ẹka úbvú dọru. Mbụ l'ọo-dụ g'úbvú Kamẹlu, nọ l'agụga eze-ẹnyimu.

Jieremaya 49:19

“Lekwa-a! Ọ kwa g'oduma shi l'ọswa, nọ l'agụga ẹnyimu Jiọ́danu kwofuta; bya adapfu atụru, dọru l'ọdu atụru, nri dụ shii bụkwapho gẹ mu e-kwo gburumu je achịfu ndu Edọmu l'alị iya l'ọtulupfu. ?Bụ onye bẹ mu họtaru g'ọ bụru onye mu a-tụ ẹka g'o mee iphe ono? ?Bụ onye dụ gẹ mu dụ? ?Bụ onye sụru mu eku ikpe? ?Bụ onye bụ onye eche atụru, a-dụ ike pfụru gẹ mu l'iya mee?”

Jieremaya 5:6

Ọo ya bụ l'oduma e-shi l'ọswa bya afụaru phẹ. Mbụ l'ẹjo-nkụta-ọswa e-shi l'echiẹgu bya atapyashịa phẹ. Agụ e-domi l'ọma mkpụkpu phẹ kwabẹru phẹ; g'ọ lajashịa phẹ iphiriba iphiriba; mbụ mẹ ọ -dụkpooru onye ọphu jeru afụta; kẹle ekwefu-ike ọphu ẹphe kwefuru pawaru ẹka; tẹme alaphu azụ, ẹphe laphuru pawaa igwerigwe.

Jieremaya 50:17

“Ízurẹlu bụakwaa atụru, a chịkashiru achịkashi. Ọ bụru oduma chịkashiru iya. Kẹ mbụ, vụru iya kpatakpata bụ eze ndu Asiriya. Onye ikpazụ, tapyashịru ọkpu iya bụru Nebukadineza, bụ eze ndu Bábilọnu.”

Jieremaya 50:44

Lekwa-a! Ọ kwa g'oduma shi l'ọswa, nọ l'agụga ẹnyimu Jiọ́danu kwofuta; bya adapfu atụru, dọru l'ọdu atụru, nri dụ shii bụkwapho gẹ mu e-kwo gburumu je achịfu ndu Bábilọnu l'alị iya l'ọtulupfu. ?Bụ onye bẹ mu họtaru g'ọ bụru onye mu a-tụ ẹka g'o mee iphe ono? ?Bụ onye dụ gẹ mu dụ? ?Bụ onye sụru mu eku ikpe? ?Bụ onye bụ onye eche atụru, a-dụ ike pfụru gẹ mu l'iya mee?

Jieremaya 8:16

Unme, ịnya ndu ọhogu anyi, nọ lẹ mkpụkpu Danu ezi bẹ a -gbẹ l'ẹka-a anụ. Teke oke-ịnya phẹ raaharu mịimiimii; ndu alị-a l'ophu awata anma pyaapyaapyaa; kẹle ẹphe byaru g'ẹphe lwekọta alị-a l'ophu; yẹe iphemiphe, nọ iya nụ; mebyia mkpụkpu lẹ mkpụkpu; yẹe ndu bu iya nụ.”

Jieremaya 9:11

Wakwa iphe, Chipfu epfu baa: “Jierúsalẹmu bẹ mu e-me g'ọ bụru ikpọzu; ẹka nkụta-ọswa e-buru. Mu jekwa e-mekwaphọ gẹ mkpụkpu lẹ mkpụkpu, nọgbaa l'alị ndu Jiuda bụru ochobu; k'ọphu bụ l'ọ tọ dụdu onye ebu iya ebubu.”

Ezekẹlu 12:20

Mkpụkpu, e bu ebubu l'alị ono a-bụkotaru ẹka dabyiru iphoro; mbụ l'alị ono bẹ a-bụkotaru ochobu. Ọo ya bụ g'unu amakwanụru l'ọo mbẹdua bụ Chipfu.’ ”

Ezekẹlu 21:31

Mu a-tukoshi unu oke ẹhu-eghu mu; mbụ lẹ mu e-kpukposhi unu oke ẹhu-eghu mu, ata-pfụpfupfu. Mu e-nwuru unu nụ ndu emeje nemadzụ l'iwe; mbụ ndu bụ iphe, eemebyi emebyi bụ iphe, doru phẹ ẹnya.

Ezekẹlu 32:2

“Nwa ndiphe; kụaru Fero, bụ eze ndu Ijiputu ọshi; sụ iya: Ịirije l'ị bụ oduma l'echilabọ ọhamoha; obenu l'ị dụ g'ẹjo-oke-agiyi bu l'eze-ẹnyimu. I shi lẹ nggele ngu pafụta onwongu; gude ọkpa akpako mini; bya aswọngashia ya aswọngashi.

Danẹlu 5:19

Eshinu ọ nụru iya ọkwa, ha shii ẹgube ono; bẹ ọ nụru iya ọha l'ophu; mẹ ndu alị, nọnu; tẹme ndu opfu-alị phẹ dụgbaa iche iche shi anọduje anma pyaapyaapyaa l'iphu iya; atsụ iya ebvu. Onye ọ dụ iya g'o gbua l'o gbua; onye ọ dụ iya g'o dobe ndzụ; l'o dobe iya ndzụ. Onye ọ dụ iya g'ọ palia ọkwa iya l'ọ palia ya; onye ọ dụ iya g'o mee g'ọ bụru onye ẹnya lwarụ; l'o mee ya.

Danẹlu 7:4

“Kẹ mbụ dụ g'oduma; ole o nwegbaarụ ǹkù, dụgbaa gẹ k'ugo. Mu nọdu elekpọe ya phọ ẹnya. A bya akwashịa ya ǹkù ono. A bya apalia ya l'alị pfụbe apfụbe. O gude ọkpa labọ pfụru gẹ nemadzụ. A bya eworu obu nemadzụ ye iya l'ime.

Ndu Uke 26:31

Mu emee mkpụkpu lẹ mkpụkpu unu g'ọ bụru iphe, dabyigbaaru iphoro. Mu emee ụlo unu, dụ nsọ g'ọ bụru okorobo ụlo. Teke ono bẹ mkpọ ngwẹja, unu gwerụ ta abyaẹdu adụ mu ree.

Ndu Uke 26:33

Ọzo bụ lẹ mu a-tụka unu nanụnanu l'alị ndu ọhozo. Ọ bụru ogu-echi bẹ mu a-mịta gude tsoru unu. Alị unu adabyiru iphoro. Mkpụkpu lẹ mkpụkpu unu abụkotaru ochobu.