Jieremaya 4:2 - BAYỊBURU Izii

² tẹme ọ -bụru l'ịi-nọduje egude ire-lanụ; waa ikpe, pfụru ọto; waa apfụbekoto ribua angụ sụ: ‘Eshinu Chipfu nọ ndzụ g'ọ nọ iya-a’ bẹ Chileke e-gude iswi ẹhu iya kebe ọhamoha l'ọma; tẹme ọhamoha ono egude iswi ẹhu iya riaha ùbvù.”

Jieremaya 4:2 ပူးပေါင်းရင်းမြစ်များ

Mbụlembu 22:18

tẹme ọ bụru eri ngu bẹ ee-shi kebe ọhamoha, nọkota lẹ mgboko-a l'ọma; noo kẹle ị ngabẹru mu nchị.”

1 Ndu eze 3:6

Sólomọnu sụ: “I goshiwaru l'i yeru nwozi ngu Dévidi, bụ nna mu obu shii; kẹle ọ bụ onye ire-lanụ; bya abụru onye pfụberekoto; bụkwarupho onye obu gụru ìphóró l'iphu ngu. Ọ bụru n-yemobu ono bẹ i yekpọeru iya phọ; k'ọphu ị nụru iya nwa, a-nọdu l'aba-eze iya ntanụ-a.

Ebvu-ọma 72:17

G'ẹpha iya nọdukwa jasụ l'ojejoje. G'ụ́dù iya jedzukwaru ẹkameka g'ẹnyanwu. Ọhamoha bẹ aa-gbẹ iya l'ẹka gọru ọnu-ọma nụ; tẹme ọha l'ophu ekua ya onye a gọru ẹhu-ụtso nụ.

Ebvu-ọma 99:4

Eze ọbu parụ ẹka. Iphe, adụje iya ree bụ ikpe, pfụru ọto. Eme iphe ẹnya-nhamụnha bẹ i meru dobe; ọ ngụru angụru. L'ẹhu ụnwu Jiékọpu bẹ i meru iphe, pfụru ọto; waa umere, pfụru nhamụnha.

Azáya 45:23

Mu gudewaa onwomu ria angụ. Mu gudewaa ọnu mu pfua opfu onye pfụberekoto. Ọphu mu abyadụ asụ g'ọ laa azụ. Mu pfuru sụ l'iphe, bụ ikpere ndiphe l'ophu e-mechaa rwuchaaru mu alị. Ọ bụru mbẹdua bẹ ndiphe l'ophu e-mechaa gude erije angụ.

Azáya 45:25

Obenu lẹ-a; iphe, bụkpoo oshilọkpa Ízurẹlu l'a-nọdu l'ẹka Chipfu bụru ndu pfụberekoto; bya egude Chipfu eku onwophẹ.”

Azáya 65:16

Onye agọkpo ọnu-ọma anụ nemadzụ l'alị ono l'e-gude Chileke ire-lanụ ono agọ iya. Onye erikwanụ nte l'alị ono egude Chileke ire-lanụ ono ria nte ọbu; kẹle iphe-ẹhuka, shi dụhawaa nụ bẹ aa-tụko zọhachaa woru iya domia gẹ mu ta ahụmajehe iya.

Jieremaya 10:10

Obenu lẹ Chipfu bụ iya bụ ọkpobe Chileke. Ọ bụ iya bụ Chileke, dzụ ndzụ. Tẹme ọ bụru iya bụ Eze, a-nọ jasụ l'ojejoje. Ẹhu -nọdu eghu iya eghu; eliphe l'ophu anmahụ pyaapyaapyaa; ọphu ndu ọhamoha adụdu ike ata nshi anata oke-ẹhu-eghu iya.

Jieremaya 12:15

Teke mu phefuchaẹru phẹ phọ; mu abya aphụaru phẹ obu-imemini; duphutachaa phẹ azụ nanụnanu g'ẹphe haa; g'ẹphe lwaphuta azụ l'okiphe phẹ ono;

Jieremaya 12:16

gude ẹpha mu riaha angụ sụ: ‘Eshinu Chipfu nọ ndzụ g'ọ nọ iya-a’; ẹgube ono, ẹphe shiwaa zia ndibe mu ẹphe shi egudeje agwa, bụ Balụ eri angụ ono; bẹ ẹphe a-ngụkwaru angụru l'echilabọ ndibe mu.

Jieremaya 16:19

Gụbe Chipfu, bụ ike mu; bya abụru onye mu gude ngụru angụru; bya abụru onye mu agbabajẹ l'ime je anọdu eze ndzụ mẹ mu -nọdu eje iphe-ẹhuka. Ndu abụdu ndu Jiuda l'a-byapfuta ngu; shikpọro l'ẹka igwe beru alị beru bya byasụ: “Tororo opfu bụ lẹ nna anyi phẹ bụ iphe, ẹphe shi kwẹe ẹka bụ iphe, abụdu iphe; mbụ iphe, bụ iphe-mmanụ; bya abụru iphe, urwu adụdu.

Jieremaya 3:17

Teke ono bẹ ee-ku Jierúsalẹmu “aba-eze Chipfu.” Ọ bụru lẹ Jierúsalẹmu bẹ ọhamoha e-dzukọje bya akwabẹ ẹpha Chipfu ùbvù. Ẹphe tee mebaẹdu iphe, shi phẹ l'ẹjo ọkpoma mgbashị phẹ ono.

Jieremaya 33:9

Ọo ya bụ ẹpha mkpụkpu-a emeahaa g'ẹhu tsọo ụtso. Ọhamoha, nọkota lẹ mgboko l'ophu, bụ ndu a-nụma iphemiphe, bụ iphe, dụ ree, mu a-nọdu emeru phẹ ajaahaa mu ajaja; kwabẹahaa mu úbvú. Ẹphe awata atsụ ebvu; wata anma pyaapyaapyaa; kẹle mu e-meru ndu mkpụkpu-a iphe, dụ ree; mee g'ẹhu dụ phẹ guu.”

Jieremaya 5:2

A makwarụ-a l'ẹphe egudeje ẹpha Chipfu ria angụ; ọle angụ ono, ẹphe eri ono bụkwa ụka bẹ ẹphe adzụ.”

Jieremaya 7:5

“Ọ -bụru l'unu gbanweru ụzo unu ọkpobe agbanwe; bya agbanwee umere unu; bya ekpeaharu nwibe unu ikpe, pfụru ọto;

Jieremaya 9:24

Ọchia l'onye achọ aba abaa; bụ iphe, oo-gude aba abaa bụ; lẹ mu doru iya ẹnya; tẹme ọ maru mu ree; mbụ maru lẹ mu bụ Chipfu; lẹ mu emeje iphe-ọma; bya ekpe ikpe, pfụru ọto; bya egoshi lẹ mu pfụberekoto. Ọ bụru l'eliphe bẹ mu emekọta iphe ono; kẹle ọ bụkota iphe, ememe iya adụje mu ree. Nokwa iphe, Chipfu eepfu.

Hosiya 2:19

“Mu a-lụru ngu jasụ l'ojejoje; mbụ mbẹdua l'onwomu. Mu a-lụru ngu l'ụzo apfụbekoto; yẹe k'ikpe, pfụru nhamụnha. Mu e-ye ngu obu; aphụjeru ngu obu-imemini.

Jiowẹlu 2:12

Wakwa iphe, Chipfu epfu baa: Ntaakpọnu; unu gudenụ ọkpoma unu g'ọ ha lwapfuta mu! Unu gude aswi ẹgu; mẹ ara ẹkwa; mẹ agụ aphụ gude lwa!

Zekaraya 8:8

Mu e-duphuta phẹ azụ g'ẹphe bya eburu lẹ Jierúsalẹmu. Ẹphe a-bụru ndibe mu; mu abụkwanuru phẹ onye ire-lanụ; pfụberu phẹ ẹka ọto; bụru Chileke phẹ.”

Malakayi 1:11

Sụ-a; ọhamoha l'ophu; e -shikpọo l'ẹka ẹnyanwu awatajẹ jasụ l'ẹka ọoribaje; bẹ a-makọtakwaru l'ẹpha mu parụ ẹka; mbụ l'iphe, bụkpoo ẹkameka bẹ ee-mechakwaa kpọo ụ̀nwù-isẹnsu ọku nụ mu l'ụzo, dụ mu ree; tẹme ẹphe egudekwaphọ iphe, dụebe mu ree gude gweeru mu ngwẹja.” Noo iphe, Chipfu, bụ Ọkalibe-Kakọta-Ike eepfu.

1 Kọrentu 1:31

Ọo ya bụ g'ọo-bụru iphe, ẹkwo-opfu Chileke pfuru sụ: “Onye ọ dụ g'ọ baa abaa; g'onye ono nọdu Nnajịuphu l'ẹka ba iya.”

2 Kọrentu 10:17

Ọoepho “G'onye aba abaa bajẹkwa iya l'iphe, Nnajịuphu meru.”

Galeshiya 3:8

Ẹkwo-opfu Chileke pfuhawaru sụ lẹ Chileke e-me ndu abụdu ndu Jiu g'ẹphe bụru ndu pfụberekoto m'ẹphe -kweta kẹ Chileke. E vuhawaa ụzo zia Ébirihamu ozi-ọma ono sụ iya: “Ébirihamu; ọo l'ẹka ngu bẹ e-shi meeru ndiphe mgburugburu eze-iphe-ọma.”

Ditoronomi 10:20

Unu tsụje Chipfu, bụ Chileke unu ebvu; ọ bụru iya bẹ unu a-nọdu ejeru ozi kpoloko; bụru iya bẹ unu a-kụkuru; bụru ẹpha iya bẹ unu e-gudeje eri angụ.

Ditoronomi 4:30

Teke unu jeahaarụ iphe-ẹhuka ono; mbụ teke iphemiphe-a nwụkotaru kpua unu bẹ o -be l'ikpazụ iya bẹ unu a-dakọbe woru iphu ghaaru Chipfu, bụ Chileke unu; bya emeahaa opfu iya.

Ditoronomi 6:13

Unu tsụje Chipfu, bụ Chileke unu ebvu. Unu jejeru iya ozi. Unu egudeje ẹpha iya eri angụ.

Filipayi 3:3

Kẹle ọo anyịbedua buru ọkpobe úbvù; mbụ anyịbe ndu gude Unme-dụ-Nsọ abarụ Chileke ẹja; tẹme anyi nọdu anọduje l'ẹka Kéreshi Jizọsu ete ẹswa; ọphu ọ dụdu iphe, anyi gụberu iphe, eeme l'anụ-ẹhu.

Rutu 3:13

Nọdu l'ẹka-a l'ẹnyashi-a. Teke o beru l'ụtsu; ọ -bụru l'oo-meru ngu iphe, gbaru g'abụbu nemadzụ meeru iya bẹ ọ dụkwa ree g'o mee ya. Teke ọ bụ l'o to medụru ngu iphe, gbaru g'abụbu nemadzụ meeru iya bẹ eshinu Chipfu nọ ndzụ g'ọ nọ iya-a; bẹ mu e-meru ngu-a iphe, g'onye bụ abụbu nemadzụ emejeru iya. Zẹro l'ẹka jasụ gẹ nchi bọhu.”

1 Sámẹlu 20:3

Dévidi bya eria angụ sụ: “Nna ngu bẹ o doru ẹnya ree lẹ mu lẹ ngu dụ lẹ ree. O pfuwa iya hoohaa l'ime onwiya sụ: ‘Jionatanu ta abyadụ amaru iphe ya eme. Ọ -maru bẹ oo-ghu iya eghu.’ Ọle-a; eshinu Chipfu nọ ndzụ g'ọ nọ iya-a; gụbedua nọdu ndzụ g'ị nọ iya-a; bẹ bụkwapho g'ọ bụ ire-lanụ lẹ ndzụ mu tsọ-geewaru atsọ-geru.”