Jieremaya 3:4 - BAYỊBURU Izii

⁴ “Ọ kwa l'ị watarụ mu eku oku sụ: ‘Nnana mu-e! Ọ kwa ngu bụ onye shi lẹ teke mu bụ nwata ehe mu!

Jieremaya 3:4 ပူးပေါင်းရင်းမြစ်များ

Ebvu-ọma 119:9

?Dẹnukpoo gẹ nwokorọbya e-me dobe ụzo iya g'ọ dụebe ree? G'oo-me iya bụ g'o meje iphe, e deru l'opfu ngu.

Ebvu-ọma 48:14

Noo kẹle Chileke-a a-bụru Chileke anyi jasụ lẹ tuutuutuu lẹ mịimiimii. Ọ bụru iya a-nọdu edu anyi jasụ g'anyi a-nọ-beru.

Ebvu-ọma 71:17

Gụbe Chileke; i shiwaa teke mu bụ nwata zita mu iphe! Iphe, dụ biribiri, iimeje bẹ mu shiẹpho teke ono tụta ọnu iya jasụ nta-a.

Ebvu-ọma 71:5

Kẹle ọo ngu bụ onye mu ele ẹnya iya; gụbe Nnajịuphu, bụ Chileke. Tẹme ọ bụru ngu bẹ mu dakoberu e -shi teke mu bụ nwata.

Ẹkwo Ẹtu 1:4

G'e gude iya mee gẹ ndu enwedu egomunggo kwa ẹnya; mekwaphọ g'okorọbya maru iphe; makwarụpho eye ọnu l'opfu.

Ẹkwo Ẹtu 2:17

Onye lụfutaru l'ibe ji iya, kụru iya lẹ nwamgbọko; bya aghaaru ọgbandzu, ẹphe gbaru l'iphu Chileke okotazụ;

Jieremaya 2:2

“Je je araa ya arara gẹ ndu Jierúsalẹmu nụma-dzuru; sụ phẹ-a: “Mu nyatakwarụ g'o shi evubeje ngu evuvu eme iphe, dụ mu ree teke ị bụkwadu okorọbya. I shi yee mu obu gẹ nwanyị, a lụru k'ọ̀phúú. I shi etsojeru mu je aghakọta echiẹgu; mbụ je aghaa alị ono, adụdu iphe, aakọje iya ono.

Jieremaya 2:27

tụkoru sụ ntẹkpe, a pyịru lẹ mkpụrukpu oshi l'ọ kwa iya bụ nna phẹ. Bya asụ iphe, a pyịru lẹ mkpuma l'ọ kwa iya bụ ne, nwụru phẹ nụ. Nta-a bẹ ẹphe ghawarụ mu azụ; ẹphe ta aghaduru mu iphu. Ọle ọobujekwanuru; ẹphe -daba l'iphe-ẹhuka; ẹphe asụkwa-a gẹ mu bya adzọo phẹ!

Jieremaya 3:19

Mụbe Chipfu l'onwomu sụ: “Lenu lẹ mu gege egudekpọepho ẹhu-ụtso emekpọe ngu phọ gẹ nwa; woru ẹguru alị, dụ ree nụ ngu; mbụ ẹka kachaa ree l'okiphe, ndu ọha l'ophu enweje enwenwe. Mu shi dobesụ l'ii-ku mu nna; ọphu ịi-hadụ mu etsotso.

Jieremaya 31:22

?Ịi-ghaphekpọ ẹgube ono jasụ teke ole; gụbe nwada ono, eegudedu ire iya ẹka ono? Chipfu mewaru iphe ọ̀phúú lẹ mgboko-a; mbụ lẹ nwanyị a-wata eleta nwoke ẹnya.”

Jieremaya 31:9

Ẹphe a-nọdu ara ẹkwa abya. Mbụ l'ẹphe a-nọdu arwọ mu arwọrwo; mu edu phẹ alwa. Mu e-du phẹ dughaa nggele nggele; dua phẹ shia ụzo, dụ baswaa k'ọphu ụpfu ata akpọdu phẹ l'ọkpa. Ọ bụru iphe, kparụ iya nụ bụ lẹ mu bụ nna Ízurẹlu; tẹme Ifuremu bụru ọkpara mu.

Hosiya 2:15

Noo ẹka mu a-nụ-phu iya opfu-vayịnu iya azụ. Mu emee gẹ nsụda Akọru bụru ẹka obu a-dụ iya. Ọ bụru ẹka ono bẹ ọo-nọdu gụaru mu ebvu g'o shi agụjeru mu iya teke ọ bụ nwamgbọko; waa g'ọ gụru iya mbọku ono, o shi lẹ Ijiputu afụta onoya.

Malakayi 1:6

“Sụ-a; nwa akwabẹjekwa nna iya ùbvù; nwozi nọdu akwabẹje nnajịuphu iya ùbvù. Ọ -bụru lẹ mu bụ nna unu; ?unu akwabẹje mu-a ùbvù, rwuberu mu nụ? Teke mu bụ nnajịuphu unu; ?unu atsụ mu-a ebvu, rwuberu mu nụ?” Noo iphe, Chipfu, bụ Ọkalibe-Kakọta-Ike eepfu. Ọ sụkwapho-a: “Ọ kwa unubẹ ndu bụ uke akpọ mụbe Chipfu ẹbo l'afụ. “Obenu l'unu a-jịkwaro sụ: ‘?Dẹnu g'anyi gude akpọ ngu ẹbo l'afụ?’

Malakayi 2:14

Ịi-jịkwaro sụ: ‘?Ishi iya-e?’ Ishi iya bụ lẹ Chipfu hụmawaru iphe, i meru nwanyị ono, ị lụru l'okorọbya ono. Ị nọ l'iphu iya; unu l'iya gbaa ndzụ; ọle ị tịi meẹduru iya iphe, i kweru ukwe l'ịi-nọdu emeru iya. Ọle ọ kwa iya bụ onye ẹbo ngu; mbụ nyee ngu, unu l'iya gbaru ndzụ l'iphu Chipfu.