Jieremaya 3:3 - BAYỊBURU Izii

³ Nokwa g'o gude e sephu mini azụ g'o to dzeshi. Ọphu mini ishi-apha edzejeẹdu ililekpọo. Ọle iimelẹ-a umere nwanyị-ụkpara. Ọphu i kwedu haa g'iphere gude ngu.

Jieremaya 3:3 ပူးပေါင်းရင်းမြစ်များ

Mbụlembu 19:34

O -rwua lẹ nchitabọhu iya; onye k'ọgerenya sụ onye kẹ nwata: “L'ẹnyashi ụnyaphu bẹ mu lẹ nna mu kwawaru. G'anyi chebakwaa ya mẹe ọzo l'ẹnyashi-a; g'i je g'unu l'iya kwaa. Ọo ya bụ g'anyi eshi l'ẹhu nna anyi mee g'awa anyi phọdu.”

Nehemaya 9:17

Ẹphe jịkaru eme iphe, ị sụru g'ẹphe mee; zọhashicha iphe, dụ biribiri, i meshiru l'echilabọ phẹ. Ẹphe kwefuru ike gude ekwefu ike họta onye-ishi, e-duphu phẹ azụ lẹ Ijiputu, bụ ẹka ono, ẹphe shi bụru ohu ono. Obenu l'ị bụ Chileke, l'agụje nvụ; ị bụru onye emeje eze-iphe-ọma; mẹ onye obu-imemini; tẹme ị bụru onye ẹhu te eghujedu eghu ẹgwegwa; mbụ onye n-yemobu iya nyịberu anyịbe; ọ bụru iya meru g'o gude ọphu ị paduru phẹ haa.

Ẹkwo Ẹtu 21:29

Onye ẹjo-iphe bẹ agbanwụbeje iphu ẹhuka ẹhuka. Obenu l'onye obu iya gụru ìphóró l'emeje g'ụzo iya ngụru angụru.

Azáya 5:6

Mu e-me iya g'ọ bụru alị, a gbadoru agbado. A taa kọchabaedu iya akọcha; ọphu eegbubaẹdu iya ọgu. Ọo ya bụ g'olekarara; yẹe ọgara-mbo ezee l'ẹka ono. Mu akaru igwe g'o to dzebaẹkwa mini wụshiru iya.”

Jieremaya 14:1

Wakwa opfu, Chipfu pfuru Jieremaya k'anwụ-akpọbe ono:

Jieremaya 14:22

?O nweru nshi nshi ono, nọgbaa l'ọhamoha ono, adụdu iphe, ọ bụgbaa ono; ?o nweru ọphu adụje ike dzee mini? Mbụ-a ?bụkponu igwe alwajẹ g'ọ ka mma l'ọo yẹgeyege mini? Waawakwa. Ọo gụbedua; mbụ gụbe Chipfu, bụ Chileke anyi. Ọo ngu bụ ẹka ẹnya dụ anyi; kẹle ọo ngu emekọta iphemiphe ono.

Jieremaya 14:3

Ndu a maru ẹpha phẹ ziru ndu-ozi phẹ g'ẹphe je ekuta mini. Ẹphe je l'obvu-mini; ọphu ọ dụdu mini, dụ iya nụ. Ẹphe parụ ite phẹ l'ophorokpo lwa. Iphere dụ phẹ; tẹme meji tọfuwa phẹ. Ẹphe woru iphe kpuchia ishi l'ẹka iphere dụ phẹ.

Jieremaya 14:4

Alị gbaakwaru ọru; kẹle igwe te edzeduru mini wụshi iya. Iphere gude ndu akọ opfu. Ẹphe woru ẹka kpubegbaa l'iphu.

Jieremaya 36:2

“Wota ẹkwo, a phụru aphụphu dee iphe, bụkpoo iphemiphe ono, mu pfuru ngu lẹ k'ẹhu ndu Ízurẹlu; mẹ kẹ ndu Jiuda; mẹ k'ọhamoha ọzo; shikpọepho teke mu watarụ ngu iya epfuru lẹ teke Jiosáya shi bụru eze byasụ nta-a; deta iya.

Jieremaya 5:24

Ẹphe ta asụjedu onwophẹ: ‘G'anyi tsụeshikwa Chipfu, bụ Chileke anyi ebvu; onye edzeje mini ishi-apha yẹe mini udzumini l'orwuberu iya; bya abụru iya doberu teke emetajẹ iphe e meberu l'alị.’

Jieremaya 5:25

Ọo emeswe, unu emesweje bẹ meru g'ẹgube iphe ono ta adụ. Ọ bụru iphe-ẹji unu meru; ọphu iphe, dụ ree erwudu unu ẹka.

Jieremaya 5:3

Gụbe Chipfu; ?tọ bụdu iphe, bụ ire-lanụ bẹ ịinoduje ele ẹnya iya? I chiru phẹ iphe; ọphu o medụru phẹ ẹhuka. I bya egwee phẹ arakabya; ọphu ẹphe ekwekwaphọ emezita iphe, ẹphe mesweru. Ẹphe mechaa iphu phẹ; o shihugbaa dụngudungu gẹ mkpuma; bya ajịka l'izimanụ taa lwadụ phẹ azụ.

Jieremaya 6:15

?Bụ iphere ahụma, ẹphe meshiru dụ phẹ tọo? Waawakwa. Iphere ta adụkpodaa phẹ ililekpọo! Ẹphe ta makpọdanu g'aasọje ẹnya. Noo g'o gude ẹphe je l'etsoru ndu daru iko daa. Ẹphe e-rwu alị teke mu a-wata phẹ ahụ̀ ahụ̀hù. Nokwa iphe, Chipfu eepfu.”

Jieremaya 8:12

?Bụ iphere ahụma ahụma, ẹphe meshiru dụ phẹ tọo? Waawakwa. Iphere ta adụkpodaa phẹ ililekpọo. Ẹphe ta makpọdanu g'aasọje ẹnya. Noo g'o gude ẹphe je l'etsoru ndu daru iko daa. Mbụ l'ẹphe e-rwu alị teke mu a-wata phẹ echi iphe. Nokwa iphe, Chipfu eepfu.

Jieremaya 9:12

?Dẹnu onye bụ nwoke, maru iphe kẹ g'iphe-a doo ya ẹnya? ?Bụ onye bẹ Chipfu ziru iphe k'ọphu bụ l'ọo-dụ ike kọo ya g'o doo ẹnya? ?Bụ gụnu meru g'o gude e mebyishia alị-a woru iya tọgbo ophorokpo g'echiẹgu, a ta adụdu onye aghajẹ iya aghagha?

Ezekẹlu 3:7

Obenu lẹ ndu Ízurẹlu bẹ ta abyadụ angabẹru ngu nchị; noo kẹle o too hedu phẹ ihee angabẹru mu nchị. Ọnu-ụlo Ízurẹlu l'ophu bẹ kpọ-chiru ọkpoma bụru ekwegekwe.

Ndu Uke 26:19

Mu e-me g'unu kubuhu onwunu; mbụ mee akpaminigwe, unu vu l'ishi g'ọ dụ gbọrojii gẹ mkpụrukpu-ígwè; bya emee alị, unu zọberu ọkpa g'ọ ha ngerengere g'onyirubvu.

Émọsu 4:7

“Mu mekwarụpho g'igwe te edzehẹru unu mini teke ọ phọdukwaruro ọnwa ẹto tẹme l'eemeta iphe, emeberu l'alị. Ọ nọdu abụjeru mu -dzeeru mkpụkpu ọwa-a mini; mu ahaa ndu ọphuu. Igwe -dzee mini l'ẹgu ibiya ọwa; l'ọ haa ibiya ọphuu l'ọ kpọhu jegiri jegiri.

Émọsu 4:8

Ndu mkpụkpu labọ ọzoo ẹto nọdu anọduje awụ gbiigbiigbi eje lẹ mkpụkpu lanụ eje achọ mini-angụngu; ọphu ẹphe ahụmajedu mini, a-sụru phẹ angụngu; ọphu unu alwakwarụpho azụ lwapfuta mu.” Nokwa iphe, Chipfu eepfu.

Zefanaya 2:1

Unu dzukọbe! Unu dzukọbe; unubẹ ọha ono, enwedu iphere ono;

Zefanaya 3:5

Chipfu, bụ onye pfụberekoto nọkwanu l'echilabọ phẹ. Ọphu ọ dụdu iphe, apfụduru-ọto, oomeje. Mbọku-mbọku bẹ oomeje g'a maru lẹ ya ekpeje ikpe, pfụru ọto; ọphu ọ dụdu mbọku, nwụtaru anwụta, o too mejedu iya; ọphu iphere adụjekwapho ndu apfụbeduru ẹka ọto.

Hagayi 1:11

Noo ya; mu kua okpomọku oku; ọ bya l'ẹgu bya ekpoahaa l'eli úbvú úbvú; bya abaa l'ereshi; mẹkpoo lẹ vayịnu; mẹkpoo oshi olivu; mẹkpoo iphe, bụkpoo iphe, eemetajẹkpoo l'alị; kpoahaa nemadzụ; mẹkpoo iphe-edobe; mẹkpoo l'akanya, unu gude ẹka unu see.”

Ditoronomi 28:23

Akpaminigwe-a, unu vu l'ishi-a a-bụru onyirubvu; alị, unu zọberu ọkpa abụru mgbọro-ígwè.

Hiburu 12:25

Ọo ya bụ g'unu kwabẹ ẹnya g'unu ta jịka angabẹru onye ono, epfu opfu onoya nchị. L'eshinu ndiche anyi phẹ anahụduru ikpe Chileke; opfu l'ẹphe te eyeduru ọnu l'iphe ono, a lọru phẹ ẹka lẹ nchị lẹ mgboko-a bẹ anyịbedua taa nahụkwa mẹ ọ -bụru l'anyi jịkaru onye ono, nọ l'imigwe alọ anyi ẹka lẹ nchị onoya.