Jieremaya 3:2 - BAYỊBURU Izii

² Palia ẹnya hụma nggeregede ẹka aagwajẹ iphe. ?O nwekpọoru ẹka ono g'ọ ha a nọada phaa ngu kutukutu? L'agụga gbororo bẹ ịinodujechaa ele ẹnya ọ̀nyà; mbụ nọduchaa g'ẹka ndu Arabu nọ l'echiẹgu. I merwuakwaru alị l'ụkpara ono, ịigba ono; yẹe ẹjo-iphe ono, iime ono.

Jieremaya 3:2 ပူးပေါင်းရင်းမြစ်များ

Mbụlembu 38:14

O kweẹpho doo yefụ uwe nwanyị, nọ l'ụlo-maa, o yeru; bya eworu gẹrebe gẹrebe ẹkwa phụa onwiya l'iphu g'a ta hụbe iya ama; bya eje anọdu l'ọnu-abata, e shi abahụ Enému, bụkwapho ụzo, e shi eje Timina. Kẹle ọ maru lẹ Shela vutawaru; obenu l'e te kuduru iya g'ọ bya g'ọ lụpyabe iya gẹ ya bụru nyee ya.

1 Ndu eze 11:3

Unyomu iya bẹ dụ ụnu ụnwanyi l'ụnwanyi ụkporo mgbo iri l'ise. Ẹphe tụkoru bụkotaru ada-eze ada-eze. Ọ bya enweru ụnwanyi, ndu ọphu abụ-zidu unyomu iya, dụ ụnwanyi ụkporo mgbo iri l'ise. Unyomu iya ono mee; obu iya lụfu l'ẹka Chipfu nọ.

2 Ndu eze 23:13

Eze tụrwukota ẹka aagwajẹ iphe, dụ l'ụzo ẹnyanwu-awawa Jierúsalẹmu; l'ẹkutara úbvú ẹjo-ememe; mbụ ẹka aagwajẹ iphe, Sólomọnu kpụru doberu Ashịtoretu, bụ ẹjo agwa ndu Sayịdonu; mẹ Kemọshi, bụ ẹjo agwa ndu Mówabu; mẹ Molẹku, bụ ẹjo agwa ndu Amọnu.

Ebvu-ọma 106:38

Ẹphe wata egbushi ụnwu phẹ, adụdu iphe, ẹphe meru; gude agwa ọbvu ndu Kénanu. Ẹphe gude mee ụnwu phẹ ono merwushia alị ono;

Ẹkwo Ẹtu 23:28

Ọ kwa gẹ ndu abalidebvu akwabẹjeru nemadzụ l'ẹgbudu-a bụ g'ọonoduje kwabẹ. Tẹme ọ nọdu emeje gẹ ndu e gudedu ire phẹ ẹka paa igwerigwe l'echilabọ ụnwu-eliphe.

Ẹkwo Ẹtu 7:11

Nwanyị ọbu bẹ anọduje atụ kwokwokwo; tẹme ọphu ọ dụdu onye ookweje g'ọnu iya rwu iya l'ẹhu; ọphu íkè etsupfuduru iya l'oshi.

Jieremaya 12:12

Ndu mgbupya zeru gbiigbiigbi bya asọpyabe nggeregede, nọgbaa l'echiẹgu. Ogu-echi Chipfu e-shi l'ishi alị-a ishi lanụ sụa nemadzụ pyaapyaa jasụ l'ishi iya ọphuu; ọphu ọ dụdu m'onye lanụ, ẹhu adụ guu.

Jieremaya 2:20

Ọ bụro teke dụhawaa ẹnya bẹ ị nyakafụru ishi iphe, shi segbabẹ mu lẹ ngu; mbụ l'ị nyakafụru ẹgbirigba, e shi gude tụgbabe mu lẹ ngu; bya epfua sụ l'i tii jeẹduru mu ozi! G'e lekeberu ẹnya epfu; ị wata azẹ-phe l'eli iphe, bụ úbvú, ha l'eli; mẹ l'iphe, bụkpoo mkpula eze-oshi, jaru àjàjà; gẹ nwanyị-ụkpara.

Jieremaya 2:23

?Dẹnu g'ii-shi sụ l'a ta tụrwukwaru ngu; ọphu ị gwọkwaru ọbvu ono, bụ Balụ? Lewarọ ẹnya l'ẹgube umere, i meru lẹ nsụda ono! Gbunaa igo l'ẹgube umere, i meru l'ẹka ono. Iphe, ị bụ bẹ bụkwa nyee ịnya-kamẹlu, ebu nggada karagidimu karagidimu. O -buru nggada ono shia ọwa-a; l'o buru iya shia ọphuu.

Jieremaya 2:7

Sụ-a; mu duru unu dubata l'alị emehu iphe, e meberu iya g'unu rije akpụru-iphe, amị iya nụ; yẹe ẹku, kụru iya nụ. Obenu l'unu bataru iya bya atụrwua alị mu; bya emee okiphe mu ono; ọ kpọo ìdzù.

Jieremaya 3:1

“Ọ -bụru lẹ nwoke chịfuru nyee ya; nwanyị ono -parụ iya haa je alụru nwoke ọzo; nwoke ono; ?ọo-chọkwarupho nwanyị ono eje tọo? Ono ?tọ bụdu atụrwu alị l'ophu l'ophu? Obenu lẹ gụbedua gbawaru ụkpara l'ẹka ndu dụ igwerigwe, unu l'ẹphe eshi ọ̀nyà. ?Ịi-dụ ike lwaphuta azụ lwapfuta mu tọo? Nokwa iphe, Chipfu eepfu bụ ono.”

Jieremaya 3:13

Ọo ẹpho g'i kweta l'ikpe nmarụ ngu. L'i kwefuru Chipfu, bụ Chileke ngu ike; bya eworu eme iphe-ọma ngu je atụkaaru agwa ndu ọhozo nanụnanu l'iphe, bụkpoo mkpula oshi, jaru àjàjà; ọphu iimejeẹdu iphe, mu sụru g'i meje. Nokwa olu Chipfu.

Jieremaya 3:21

A nụmaru olu, ada lẹ nggeregede ẹka aagwajẹ iphe. Ọ bụru ẹkwa, ẹphe ara; tẹme ẹphe nọdu arwọ arwọrwo; mbụ ụnwu Ízurẹlu; kẹle ẹphe shiswewaru ụzo phẹ bya azọhawa Chipfu, bụ Chileke phẹ.

Jieremaya 3:9

Ọ bụru l'ọo l'ụrwuali, Ízurẹlu shi arwụ ta adụdu iphe, Jiuda gụberu iya meru g'o gude o merwushia alị; mbụ yẹle iphe, e meru lẹ mkpuma; yẹe ọphu e meru l'oshi nọdu eri ogori.

Jieremaya 7:29

Kpụshia ẹgbushi ngu woru je etuphakpọepho etupha. L'i jekpọoro lẹ nggeregede ẹka aagwajẹ iphe je anọdu gụa aphụ; kẹle Chipfu jịkakwaru ọgbo ono, ọ tụ-koshiru oke-ẹhu-eghu iya ono; mbụ l'ọ gwọbewaru phẹ agwọbe ophu.”

Ezekẹlu 16:16

Uwe ngu ono bẹ ị harụ hata gude mema ẹka i doberu agwajẹ iphe emema; ọ bụru ẹka ono bẹ ịinoduje agba ụkpara ọbu. Ẹgube iphe ono ta agbadụru g'o mee ememe ophu; mbụ l'ọ tọ gbadụru g'ọ dụ nno.

Ezekẹlu 20:28

Teke mu dubaru phẹ l'alị ono, mu riburu phẹ angụ iya lẹ mu a-nụ phẹ ono bẹ ẹphe byaru ahụma iphe, bụkpoo úbvú úbvú, hagbaa l'eli; mẹkpoo oshi, ẹkwo dụ kẹ gayii; ẹphe gweahaa ngwẹja l'ẹka ono; gude iya kpatsu mu ẹhu-eghu. Ọ bụkwarupho l'ẹka ono bẹ ẹphe gwerụ ngwẹja ụ̀nwù-isẹnsu, eshi kwẹekweekwee; mẹ ngwẹja-mẹe.

Hosiya 2:5

Ne phẹ gbaru ụkpara; k'ọphu bụ lẹ g'o gude tsụta ime phẹ bẹ iphere iya dụ. Mbụ l'o pfuru sụ lẹ ya a-gbatsoru ndu ẹphe l'iya eshi ọ̀nyà; ndu bụ phẹ anụ iya nri; anụ iya mini, ya angụ; anụ iya ẹji-atụru; anụ iya ẹkwa-ọchaa; anụ iya manụ-anyịyi; yẹe iphe, aangụ angụngu.

Luku 16:23

Ọ nọdu l'ọku-alị-maa ẹka ọ nọ lẹ mkpamẹhu; palia ẹnya; hụma Ébirihamu ụzenya-ụzenya bya ahụma Lazarọsu l'ẹka ọ nọ-kube iya.

Ditoronomi 12:2

Unu tụkokpoo ẹka ọhamoha ono agwajẹ agwagwa mebyishicha; mbụ ọha ono, unu eje enworu alị phẹ ono. Unu mebyishicha agwa, ẹphe agwajẹ l'eli úbvú, ha shii; mẹ l'eli úbvú, ha nwanshịi; mẹ lẹ mkpula oshi, jaru àjàjà.