Jieremaya 3:1 - BAYỊBURU Izii

¹ “Ọ -bụru lẹ nwoke chịfuru nyee ya; nwanyị ono -parụ iya haa je alụru nwoke ọzo; nwoke ono; ?ọo-chọkwarupho nwanyị ono eje tọo? Ono ?tọ bụdu atụrwu alị l'ophu l'ophu? Obenu lẹ gụbedua gbawaru ụkpara l'ẹka ndu dụ igwerigwe, unu l'ẹphe eshi ọ̀nyà. ?Ịi-dụ ike lwaphuta azụ lwapfuta mu tọo? Nokwa iphe, Chipfu eepfu bụ ono.”

Jieremaya 3:1 ပူးပေါင်းရင်းမြစ်များ

Ebvu-ọma 106:38

Ẹphe wata egbushi ụnwu phẹ, adụdu iphe, ẹphe meru; gude agwa ọbvu ndu Kénanu. Ẹphe gude mee ụnwu phẹ ono merwushia alị ono;

Azáya 24:5

Ọ kwa ndu nọ lẹ mgboko pharwụru mgboko; kẹle ẹphe jịkaru eme iphe, ekemu pfuru; bya agbanwee iphe, a sụru g'e meje; bya emebyia ọgbandzu ojejoje onoya.

Jieremaya 2:20

Ọ bụro teke dụhawaa ẹnya bẹ ị nyakafụru ishi iphe, shi segbabẹ mu lẹ ngu; mbụ l'ị nyakafụru ẹgbirigba, e shi gude tụgbabe mu lẹ ngu; bya epfua sụ l'i tii jeẹduru mu ozi! G'e lekeberu ẹnya epfu; ị wata azẹ-phe l'eli iphe, bụ úbvú, ha l'eli; mẹ l'iphe, bụkpoo mkpula eze-oshi, jaru àjàjà; gẹ nwanyị-ụkpara.

Jieremaya 2:23

?Dẹnu g'ii-shi sụ l'a ta tụrwukwaru ngu; ọphu ị gwọkwaru ọbvu ono, bụ Balụ? Lewarọ ẹnya l'ẹgube umere, i meru lẹ nsụda ono! Gbunaa igo l'ẹgube umere, i meru l'ẹka ono. Iphe, ị bụ bẹ bụkwa nyee ịnya-kamẹlu, ebu nggada karagidimu karagidimu. O -buru nggada ono shia ọwa-a; l'o buru iya shia ọphuu.

Jieremaya 2:7

Sụ-a; mu duru unu dubata l'alị emehu iphe, e meberu iya g'unu rije akpụru-iphe, amị iya nụ; yẹe ẹku, kụru iya nụ. Obenu l'unu bataru iya bya atụrwua alị mu; bya emee okiphe mu ono; ọ kpọo ìdzù.

Jieremaya 22:20

“Jekwa l'úbvú úbvú Lébanọnu je echia mkpu! Gẹ ndu alị Beshanu nụmakwa olu ngu! Jekwa anọdu l'eli úbvú úbvú Abarimu chia mkpu; kẹle ndu gụ l'ẹphe tụgbaru bụru nanụ bẹ e gbushichaakwaru g'ẹphe ha.

Jieremaya 3:22

“Unu lwadụpho; unubẹ ndu ono, ekweẹdu kẹ Chileke ono! Mu e-me g'unu ta abụheru ndu laphuru azụ.” “Ao; anyi abyapfuta ngu-a; kẹle ọo ngu bụ Chipfu bya abụru Chileke anyi.

Jieremaya 3:9

Ọ bụru l'ọo l'ụrwuali, Ízurẹlu shi arwụ ta adụdu iphe, Jiuda gụberu iya meru g'o gude o merwushia alị; mbụ yẹle iphe, e meru lẹ mkpuma; yẹe ọphu e meru l'oshi nọdu eri ogori.

Jieremaya 31:22

?Ịi-ghaphekpọ ẹgube ono jasụ teke ole; gụbe nwada ono, eegudedu ire iya ẹka ono? Chipfu mewaru iphe ọ̀phúú lẹ mgboko-a; mbụ lẹ nwanyị a-wata eleta nwoke ẹnya.”

Jieremaya 4:1

Wakwa iphe, Chipfu epfu baa: “Ọ -bụru l'ịi-lwa; gụbe Ízurẹlu; g'ị lwapfutanụ mu! Ọ -bụru l'ịi-tso agwa ono, bụ mu ẹbyi ono ọgu gẹ mu ta ahụmajehe iya; ọphu ị kpa-phuhuẹduru akpaphuhu;

Jieremaya 4:14

Gụbe Jierúsalẹmu; sashịnaa ẹjo-ememe, nọ ngu l'obu hụma l'aa-dzọta ngu! ?Bụ jasụ teke ole bẹ ịi-ha g'ẹjo ọriri kwaa ngu l'obu?

Ebvu Aphụ 1:2

Ẹnyashi ophu bẹ ọorakotaje ẹkwa akpọ pfụla pfụla. Ẹnya-mini, shi iya l'ẹnya sọshihu tsoru iya asha. Ndu yẹe ya dụkota lẹ ree ta adụdu mẹ onye ọphu abyajẹ bya adụa ya obu. Iphe, bụ ndu yẹe ya eshi ọ̀nyà bẹ dewaru iya ye. Ẹphe byawa abụkotaru ndu ọhogu iya.

Ezekẹlu 16:26

I woru onwongu nụ ndu Ijiputu ẹphe pharwụshia; mbụ ndu obutobu ngu ono, ẹgu nwanyị anọduje enwu phuruphuru l'ẹhu g'ọku ono. Eme-ẹji ngu ọbu kaẹ ngu phọ anwunwe anwunwe l'ẹhu; i shi nno akpatsu mu ẹhu-eghu.

Ezekẹlu 16:30

“Wakwa iphe, Nnajịuphu, bụ Chipfu epfu baa: ‘Obu ngu dahụakwaru adzụlakpa; ọ kwa iya kparụ iphe, iimegbabẹ ẹgube umere ọwa-a; mbụ emeẹpho gẹ nwanyị-ụkpara, enweẹdu iphere!

Ezekẹlu 16:35

“ ‘Ọo ya bụ; gụbe nwanyị-ụkpara; nụma iphe, Chipfu epfu!

Ezekẹlu 33:11

Sụ phẹ; wakwa iphe, Nnajịuphu, bụ Chipfu epfu baa: ‘Ọo gẹ mu nọ ndzụ gẹ mu nọ iya-a bụ g'ọ bụ ire-lanụ l'anwụhu onye ẹjo-iphe ta atsọjedu mu ụtso; ọ chia g'onye ẹjo-iphe haa ẹjo ụzo iya; bya adzụru ndzụ. Unu ghaa umere! Unu ghaa umere; haa ẹjo ụzo unu g'ọ ha! Oowaa! ?Bụ gụnu meru iphe, unu a-nwụshihu; unubẹ ndu Ízurẹlu?’

Hosiya 1:2

Teke Chipfu watarụ egude Hosiya pfua opfu bẹ ọ sụru iya-a: “Tụgbua je alụta nwanyị, agba ụkpara; l'ị nwụshia ụnwu, a gbatarụ l'ụkpara; kẹle ndu alị-a agbanụkawaa ụkpara; mbụ l'ẹphe lụfuwaru l'ẹka mụbe Chipfu.”

Hosiya 2:2

“Baarụ ne ngu mba; baarụ iya mba; kẹle ọ tọ bụedu nyee mu; ọphu mu abụhedu ji iya. G'ọ haa umere nwanyị, agba ụkpara; l'o wofu ghẹlegheleghele ono, dụ iya l'ọkpoma ono!

Mayịka 2:10

Unu gbalihu tụgbua lụfu; kẹle ẹka-a ta abụdu ọkpoku unu; kẹle e merwuwaru iya emerwụ. E mebyishiwaru iya; k'ọphu e tee mekwatabaẹdu iya.

Zekaraya 1:3

Ọo ya bụ lẹ-a; karụ ndu-a sụ phẹ-a: Wakwa iphe, oopfu baa; mbụ Chipfu, bụ Ọkalibe-Kakọta-Ike: Unu lwaphuta azụ lwapfuta mu; k'ọphu mu a-lwaphuta azụ lwapfuta unu. Nokwa iphe, Chipfu, bụ Ọkalibe-Kakọta-Ike eepfu.

Matiyu 5:31

“E dekwaruphọ sụ g'onye achịfu nyee ya vujeadaru ụzo dee ẹkwo-achịfu-nwanyị nụ iya lẹ ya taa lụhedu; tẹme l'ọo-chịfuwa iya rọ.

Ditoronomi 22:21

ọo ya bụ; g'ẹphe kpụfutakwa nwamgbọko ono l'ọnu ẹswulo l'ibe nna iya; unwoke mkpụkpu iya atụa ya mkpuma; woru iya tugbua; kẹle o meru ẹjo ememe l'alị Ízurẹlu. O shi nọdu l'ibe nna iya agba ụkpara. Ọ kwa ẹgube ono bẹ unu e-shije wofu ẹjo-iphe l'echilabọ unu.

Ikpe 19:2

Ọle nwamgbọko ono watarụ agba ụkpara; bya alụfu lashịa ibe nna iya lẹ Bẹtulehemu, nọ l'alị Jiuda. Ọ nọchaepho ọnwa ẹno l'ibe nna iya ono;