Jieremaya 2:6 - BAYỊBURU Izii

⁶ ọphu ẹphe ajịduru sụ: ‘?Bụ awe bẹ ọ nọ; mbụ Chipfu, bụ iya dufutaru anyi l'alị Ijiputu; bya edua anyi dughaa echiẹgu, adụdu iphe, dabyiru iya nụ; mbụ dughaa alị ono, bụ evevee dụ iya; yẹe iduma iduma; alị, dụ chakịri chakịri bya agbahụkota tsụkiribaa; alị, adụdu onye eshije iya eshishi; ọphu ọ dụdu onye bu iya ebubu?’

Jieremaya 2:6 ပူးပေါင်းရင်းမြစ်များ

2 Ndu eze 2:14

O woru uwe Elayịjia ono, dafụru nụ ono chia lẹ mini; sụ: “?Dẹnu Chipfu; mbụ Chileke kẹ Elayịjia?” O chiẹ ya phọ lẹ mini ono; o bukaha ẹbo; ọphuu wụru laa ibiya ọphuu; ọphuu wụru laa ibiya ọphuu. Elayịsha ghata.

Jiobu 3:5

G'ọchii yẹe tsụkiribaa tsụnyikwaa eswe ono ẹnya! G'urwukpu sọpyabekwa iya! G'eswe mbọku ono gbahụkotakwa tsụrikitiki!

Jiobu 35:10

Ọle ọ tọ dụdu onye asụje: ?Bụ awe bẹ Chileke, bụ onye meru mu nụ nọ; onye ewojeru ebvu-ọma nụ nemadzụ l'ẹnyashi;

Ebvu-ọma 23:4

Obetakpọo ọ bụru ụzo, dụ lẹ nsụda, gbahụru tsụkiribaa bẹ mu eshi ọ tọ dụdu ẹjo-iphe, mu atsụ ebvu iya; kẹle ị nọ swiru mu eswiru. Mgbọro mẹ oshi-mpalẹka ngu anọduje adụ mu obu.

Ebvu-ọma 77:5

Mu bya egude egomunggo bya elee ẹnya lẹ teke ndiche; mbụ apha, dụkpowaa ẹnya ẹnya.

Awụfu 20:2

“Ọo mbẹdua bụ Chipfu, bụ Chileke unu, bụ onye dufutaru unu l'alị Ijiputu; mbụ alị ẹka ono, unu shi bụru ohu ono.

Azáya 63:9

Ẹphe nọdu ejekpọ iphe-ẹhuka, ẹphe jeru g'ọ ha; ọ nọdu atsụe ya phọ l'ẹhu. Ọ bụru ojozi-imigwe, shi l'ẹka ọ nọ jeru je adzọo phẹ. Ọ bụru eye obu, o yeru phẹ; yẹle obu-imemini, ọophuru phẹ bẹ o gude gbata phẹ. Ọ palia phẹ ephekerephe; heru phẹ eheru teke ndiche ono l'ophu l'ophu.

Azáya 64:7

Ọ tọ dụedu onye eku ẹpha ngu. Ọphu ọ dụedu onye eme gẹ ya e-me wọru ngu ẹka; kẹle i woharu anyi iphu; bya eworu anyi wehaaru ẹjo-ememe, anyi eme.

Jieremaya 13:16

Unu kwabẹ Chipfu, bụ Chileke unu úbvú! Ọdumeka bẹ oo-mekwa g'ọchii gbaa. Tẹme ụpfu akpọ ngu l'ọkpa l'eli úbvú ono, agbakọta ọchii ono. Iphe, unu ele ẹnya iya bụ ìphóró; ọle oo-me iya l'ọoburu onyonyo ọnwu. Tẹme l'ọogbanwee ya; mee ya l'ọ gbahụ tsụkiribaa.

Jieremaya 2:2

“Je je araa ya arara gẹ ndu Jierúsalẹmu nụma-dzuru; sụ phẹ-a: “Mu nyatakwarụ g'o shi evubeje ngu evuvu eme iphe, dụ mu ree teke ị bụkwadu okorọbya. I shi yee mu obu gẹ nwanyị, a lụru k'ọ̀phúú. I shi etsojeru mu je aghakọta echiẹgu; mbụ je aghaa alị ono, adụdu iphe, aakọje iya ono.

Jieremaya 2:8

Ọphu ndu-uke mu ajịduru sụ: ‘?Bụ awe bẹ ọ nọ; mbụ Chipfu?’ Ndu eme k'ekemu ta amadụ onye mu bụ; ndu-ishi kwefuru mu ike; ndu mpfuchiru bụru Balụ bẹ ẹphe epfuje iphe, o pfuru; bụru iphe, ẹphe etso bụ ntẹkpe, adụdu urwu, ọ barụ.”

Jieremaya 5:12

Ẹphe dzụwaru ụka kpua Chipfu; kẹle ẹphe sụru: “Ọ tọ dụkwa iphe, oo-me! Ọphu ọ dụkwa iphe, byaru eme anyi. Ọgu taa dapfukwa anyi; ọphu ọkpa-nri abyapfutakwa anyi.

Jieremaya 5:2

A makwarụ-a l'ẹphe egudeje ẹpha Chipfu ria angụ; ọle angụ ono, ẹphe eri ono bụkwa ụka bẹ ẹphe adzụ.”

Jieremaya 51:43

Mkpụkpu lẹ mkpụkpu, nọ iya nụ bụkotaru ochobu; kpọhu nkụ; bụru alị evevee; alị ẹka adụdu onye bu iya nụ; ọphu ọ dụdu onye eshi iya eshishi.

Hosiya 12:13

Chipfu bụkwa onye mpfuchiru bẹ o gude dufuta ndu Ízurẹlu l'alị Ijiputu. Ọ bụru onye mpfuchiru bẹ o gude leta iya ẹnya.

Hosiya 13:4

“Obenu l'ọ kwa mbẹdua bụ Chipfu bya abụru Chileke unu. Ọo mu bụ onye dufutaru unu l'alị Ijiputu. Unu ta adụkwa iphe ọzo, unu e-je amaru gbahaa mbẹdua. Ọphu ọ dụkwa onye ndzọta ọzo, dụ nụ; gbahaa mbẹdua.

Émọsu 2:10

Mu shi l'alị ndu Ijiputu dua unu dufuta. Mu bya edua unu ụkporo apha labọ l'echiẹgu je emee g'unu lwụta alị ndu Amọru nworu.

Matiyu 4:16

Ndu ono, nọ l'ime ọchii hụmaakwaru ìphóró, parụ ẹka. Ndu k'ono, bu l'alị ono, gbakọtaru tsụkiribaa ono bẹ ìphóró nwuakwarụ kẹ phorokotokongu.”

Ditoronomi 1:19

“Noo ya; gẹ Chipfu, bụ Chileke anyi sụru g'anyi wụfu l'úbvú Horẹbu; bẹ anyi wụfuru kwasẹru ụzo, e shi eje alị úbvú úbvú ndu Amọru; jekọta ije l'echiẹgu ono, parụ ẹka bya adụ ebvu ono, unu hụmakotaru ono; jasụ anyi rwua Kadẹshi-Baneya.

Ditoronomi 32:10

Ọo l'echiẹgu bẹ ọ chọru phẹ chọta; mbụ l'ọo l'alị, dabyiru mgbegere ẹka aanụgbaa njọ ọ́rà; bẹ ọ nọ-pheru phẹ mgburugburu; eleta phẹ ẹnya. Ọ nwụberu phẹ ẹnya g'aanwụbejeru akpụru ẹnya ojii-a.

Ditoronomi 8:2

Unu nyatakwa gẹ Chipfu, bụ Chileke unu gude dua unu ụkporo apha labọ l'echiẹgu; gude nno gọ-zeta unu; hụkwaapho unu ama; gẹ ya maru iphe, dụ unu l'obu; mbụ gẹ ya maru; ?mẹ unu e-meje-a ekemu iya; tọo unu te emedu?

Ikpe 6:13

Gidiyọnu sụ iya: “Oowaa; nnajịuphu mu; ọ -bụru lẹ Chipfu nọ swiru anyi; ?bụ gụnu meru g'o gude iphe-a nọdu anwụkotaru anyi? ?Dẹnuhunu iphe-ọhumalenya iya ono, nna anyi phẹ kọru anyi ono; mbụ l'ẹphe sụru: ‘L'ọo Chipfu dufutaru anyi l'alị Ijiputu.’ Ọle nta-a bẹ Chipfu ọbu gbẹ gwọbewaa anyi; woru anyi ye l'ẹka ndu Midiyanu.”