Jieremaya 2:5 - BAYỊBURU Izii

⁵ Wakwa iphe, Chipfu epfu baa: “?Bụ gụnu bẹ ndiche unu phẹ sụkporu lẹ mu mejeru phẹ, meru g'o gude ẹphe haa mu jemihu? Ẹphe je awata etso ntẹkpe, adụdu urwu, ọ barụ phẹ shi nno bụru ndu adụdu iphe, ẹphe barụ urwu iya l'onwophẹ;

Jieremaya 2:5 ပူးပေါင်းရင်းမြစ်များ

2 Ndu eze 17:15

Ẹphe jịkaru eme iphe, ọ tọru ọkpa iya; mẹ ọgbandzu ono, yẹle nna phẹ gbaru ono; ẹphe kwefuru ike l'iphe, ọ nmarụ phẹ ọkwa iya. Ẹphe tsoru abapheru agwa, adụdu iphe, ọ yị ẹja; ẹphebedua l'onwophẹ bya abụfuaru ndu ta adụedu iphe, ẹphe yị. Ẹphe tsoru ẹka ndu ọha ono, bupheru phẹ mgburugburu, bụ iya bụ ndu ono, Chipfu sụru g'ẹphe te emekwa gẹ ndu ono eme ono.

Ebvu-ọma 115:8

Ndu agwọ phẹ nụ; mẹkpoo ndu dakoberu phẹ nụ a-dụ g'agwa ono dụ.

Azáya 29:13

Sụ-a; wakwa iphe, Nnajịuphu epfu baa: “Ndu-a bụepho epfupfu bẹ ẹphe epfujeru mu l'ẹphe nọ mu ntse. Ọ bụru eli ọnu bẹ ẹphe gude akwabẹ mu ùbvù. Obenu l'obu phẹ nọgbaa mu ụzenya. Ebvu, ẹphe atsụ mu bụ iphe, ẹphe gude eme iya bụ ekemu, nemadzụ tụru.

Azáya 44:9

Iphe, bụkpoo ndu eme kẹ ntẹkpe g'ẹphe ha ta adụkwa iphe, ẹphe bụ. Tẹme iphe ono, ẹphe sụru l'ọ bụ phẹ ọkpobe iphe ono bụru iphe, adụdu iphe, ọ bụ. Ndu agbaru phẹ ọdzori bụkwa ìshì bẹ ẹphe atsụ. Ọphu ẹphe amadụ iphe; k'ọphu iphere a-dụ phẹ.

Azáya 46:12

“Unu ngabẹru mu nchị; unubẹ ndu ono, ọkpoma kpọru gbengu ono! Mbụ unubẹ ndu ono, apfụbekoto kwata dụ ẹnya ono.

Jieremaya 10:8

Ẹphe bụkota ndu enwedu egomunggo bya abụru ndu eswe. Iphe, ezi phẹ iphe bụ ntẹkpe, a pyịru l'oshi, adụdu urwu, ọ barụ.

Jieremaya 12:2

Ọo ngu dzarụ phẹ; ẹphe gbaa ọgbarabvu; bya evua mịahaa amịmi. Ẹphe akpụjeru ngu l'ọnu tekenteke. Obenu l'o to rwujedu phẹ l'obu.

Jieremaya 14:22

?O nweru nshi nshi ono, nọgbaa l'ọhamoha ono, adụdu iphe, ọ bụgbaa ono; ?o nweru ọphu adụje ike dzee mini? Mbụ-a ?bụkponu igwe alwajẹ g'ọ ka mma l'ọo yẹgeyege mini? Waawakwa. Ọo gụbedua; mbụ gụbe Chipfu, bụ Chileke anyi. Ọo ngu bụ ẹka ẹnya dụ anyi; kẹle ọo ngu emekọta iphemiphe ono.

Jieremaya 2:31

Unubẹ ọgbo nta; unu lenaa ẹnya ree l'opfu Chipfu, sụru: ?Mu bụjeru ndu Ízurẹlu echiẹgu; tọo alị, gbahụru tsụkiribaa? ?Dẹnu g'o gude ndibe mu nọdu epfuje sụ: ‘Anyi nwekwarụ onwanyi aghaphe g'ọ dụ anyi. Ọphu anyi abyapfutabaẹdu ngu ọzo?’

Jieremaya 2:4

Unu nụmakwa opfu Chipfu; unubẹ ọnu-ụlo Jiékọpu; unubẹ ipfu l'ipfu ọnu-ụlo Ízurẹlu!

Jieremaya 8:19

Ngabẹkpodapho nchị nụma mkpu, ndibe mu echi; mkpu, ẹphe gbẹ l'alị, dụ ẹnya ẹnya echi sụ: “?Ọ dụ gẹ Chipfu ta anọedu lẹ Zayọnu tọo? ?Onye Eze phẹ ono ta anọedu iya tọo?” “?Bụ gụnu meru g'o gude ẹphe gude ntẹkpe phẹ kpatsu mu iwe; mbụ nshi ono, ẹphe gwọtaru l'ọhozo ono, adụdu iphe, ọ bụ ono?”

Ezekẹlu 11:15

“Nwa ndiphe; ndu bu lẹ Jierúsalẹmu l'epfukwa opfu ẹhu ndu Ízurẹlu; mbụ unwune ngu ono a kpụru unu l'ẹphe lẹ ndzụ ono asụje: ‘Ndu ono, a kpụru lẹ ndzụ ono bẹ nọnukaakwaru Chipfu ụzenya. Alị-a l'ophu bụwaru nke anyi.’

Ezekẹlu 14:5

Noo gẹ mu e-me iya bụ ono; shi nno lọ-phuta ọkpoma ndu Ízurẹlu azụ; mbụ ndu ono, gudewaa agwọ ọbvu lụfu mu l'ẹhu ono.’

Jiona 2:8

“Ndu bụ mkpọkoro ntẹkpe bẹ ẹphe tụru swịswia bẹ o too rwuẹdu ẹka; mbụ eze-iphe-ọma ono, e gege meru phẹ ono.

Matiyu 15:8

“Ndu-a bụ l'ogbogboromọnu bẹ ẹphe gude akpịritaru mu ntse. Ọ bụru ire bẹ ẹphe gude aja mu ajaja; obu phẹ nọdugbaa mu ụzenya.

Ndu-ishi-ozi 14:15

“Ndu mu; ?bụ gụnu bẹ unu eme nno? ?Unu ta amadụ l'anyi bụa nemadzụ g'unu bụ? Iphe, anyi byaru bụ g'anyi zia unu ozi-ọma; g'anyi mee unu g'unu tụko agwa ono, adụdu iphe, ẹphe bụ ono ghaaru azụ; lwapfuta Chileke, dzụ ndzụ; mbụ Chileke, bụ iya meru igwe mee alị bya emee eze-ẹnyimu waa iphemiphe, bu phẹ l'ime.

Romu 1:21

Lẹ nemadzụ machachaarụ lẹ Chileke dụ; ọphu ẹphe akwabẹjedu iya ùbvù l'ọ bụ Chileke; ọphu ẹphe ekelejedu iya ekele. Ọ chia iphe, meru nụ bụ l'egomunggo sweshihụwaru phẹ; k'ọphu ọriri phẹ bụwaa iphe-mmanụ; ọ bụwaru eme eswe jiru phẹ obu; k'ọphu obu phẹ gbahụwaru tsụkiribaa.

Ditoronomi 32:21

Ẹphe gude iphe, abụdu Chileke eme gẹ mu wata eko okophoo; gude ụnwu agwa, bụchaa iphe-mmanụ akpatsu mu ẹhu-eghu. Mu e-gudekwanụ ọha, abụdu ọkpobe ọha meru okophoo ye phẹ l'ẹhu; gude ọha, eme eswe kpatsu phẹ ẹhu-eghu;

1 Sámẹlu 12:21

Unu ta adakọbekwa tsoahaa agwa, bụ iphe-mmanụ; iphe, taa badu urwu; ọphu ọ nafụtadu unu; noo kẹle ẹphe bụkota iphe-mmanụ.