Jieremaya 2:3 - BAYỊBURU Izii

³ Ndu Ízurẹlu shi dụru Chipfu nsọ. Ọ bụru phẹ bụ akpụru mbụ, mu vuru ụzo kpata l'iphe, mu kọru l'opfu mu. Iphe, bụkpoo ndu mekparu phẹ ẹhu bẹ ọ nmarụ ikpe. Tẹme ẹjo mmekpa-ẹhu dapfukwa phẹ phọ. Noo iphe, Chipfu epfu bụ ono.”

Jieremaya 2:3 ပူးပေါင်းရင်းမြစ်များ

Awụfu 22:29

“Unu ta ahakwa egweru mụbe Chipfu ngwẹja, shi l'akpụru iphe, unu kpatarụ l'opfu; waa ọphu shi lẹ mẹe, unu pyịtaru apyịta. “Unu kujeru ọkpara unu nwoke nụ mu.

Awụfu 23:16

“Unu gudeje mebyi-iphe-mbụ, iphe unu meberu l'alị mịtaru; gude bọo Ọbo Mebyi-iphe-mbụ. “Unu bọo Ọbo-M̀kpù l'ishi apha; mẹ unu metajẹepho iphe, unu meberu l'alị.

Azáya 41:11

Iphe, bụkpoo ndu aba hanyịhanyi ekpu ngu bẹ ọ tọ dụdu iphe, e-me g'e te meru iphe-iphere kpua phẹ. Ndu etso ngu opfu bẹ ee-me; ẹphe alaa l'iyi bụru mkpurupyata.

Azáya 47:6

Ndibe mu meru; ẹhu ghuahaa mu eghu. Mu tụrwua ndu ono, bụ okiphe mu onoya. Mu woru phẹ ye ngu l'ẹka; ọphu ị phụduru phẹ obu-imemini. I bochaa phẹ ivu-ẹrwa bochaa mẹ ndibe phẹ, kahụru akahụ.

Jieremaya 12:14

Wakwa iphe, Chipfu epfu baa: “Ọ -bụru kẹ ndu iwe ono, bụ obutobu mu ono g'ẹphe ha; mbụ ndu ono, denyiru ẹka l'okiphe, mu hẹru ndibe mu, bụ ndu Ízurẹlu g'ọ bụru okiphe phẹ ono; lekwa lẹ ndu ono bẹ mu e-phefu ephefu l'alị phẹ. Mu abyakwaphọ ephefu ndu Jiuda g'ẹphe ba nọhe l'echilabọ phẹ.

Jieremaya 2:4

Unu nụmakwa opfu Chipfu; unubẹ ọnu-ụlo Jiékọpu; unubẹ ipfu l'ipfu ọnu-ụlo Ízurẹlu!

Jieremaya 30:16

Obenu l'iphe, bụkpoo ndu eripya ngu bẹ ee-ripyakwa. Iphe, bụkpoo ndu ọhogu ngu bẹ aa-kpụ lẹ ndzụ. Ndu kwarụ iphe ngu l'ọkwata bẹ aa-kwakwaphọ ọkwata. Ndu keru iphe ngu l'ọgu bẹ ee-kekwaphọ iphe phẹ l'ọgu.

Jieremaya 50:7

Iphe, bụkpoo ndu hụmaru phẹ nụ vụru phẹ kpatakpata. Ndu ọhogu phẹ sụ: ‘Ikpe ta nmakwaru anyi; kẹle ẹphe mesweru Chipfu, bụ ọkpobe onye-nche phẹ; mbụ Chipfu, bụ onye nna phẹ oche kpọru obu yeru.’

Jiowẹlu 1:3

Unu pfukwaaru iya ụnwegirima unu! G'ụnwu unu pfukwaru iya phọ ụnwu nkephẹ. Ụnwu nkephẹ epfuaru iya ọgbo ọphu abya nụ.

Émọsu 6:1

Nshịo unubẹ ndu akpa ntụsaru-ẹhu l'úbvú Zayọnu; mẹkwapho unubẹ ndu nọ l'úbvú Samériya arị l'ọ tọ dụedu iphe, adụ ike eme unu; mbụ unubẹ ndu a maru amaru, shi l'ọha, bụ ishi ọha l'ophu, bụ ndu ono, ọnu-ụlo Ízurẹlu anọduje ejepfu.

Habakuku 1:11

Ẹphe ezia phaa g'ẹka phẹrephere ezi; ghata jeshia iphe, ẹphe eje; mbụ ndu ono, ikpe nmarụ ono, bụ iphe, bụ ike phẹ bụ agwa phẹ ono.

Zekaraya 1:15

Obenu lẹ ndu ẹhu eghushi mu eghu ike l'opfu ẹhu phẹ bụ ọha ono, bu tụsaru ẹhu ono. Mbụ l'ẹhu shi eghu mu eghu nwanshịi nwanshịi; ẹphe bya bya emee; ndibe mu kabaa eje iphe-ẹhuka.

Zekaraya 2:8

kẹle-a; wakwa iphe, oopfu baa; mbụ Chipfu, bụ Ọkalibe-Kakọta-Ike: Onye bụ onye denyiru unu ẹka bụkwa akpụru ẹnya mu bẹ ọorwu ẹka. Teke ọ kwabẹkpooru mu ùbvù bya ezia mu gẹ mu je etsoo ọha ono, kwarụ iphe unu l'ọkwata ono ọgu;

Ọ́gú 18:12

Iphe, ndu Ízurẹlu nụru Chipfu l'ọo iphe-mbụ, shi l'iphe, ẹphe metaru l'alị bẹ bụ ngu nwe iya; mbụ iphe, bụ manụ olivu, kakọta ree; mẹ iphe, bụ mẹe ọ̀phúú, kakọta ree; waa iphe, bụ ereshi, kakọta ree.

Romu 11:16

L'ọ -bụru lẹ mebyi-iphe-mbụ ono dụ nsọ; bẹ mkpukorophu iya dụkotanaa nsọ. Ọ -bụru l'ọgbarabvu-oshi dụ nsọ bẹ ẹkali iya l'ophu dụkotaakwapho nsọ.

Romu 16:5

Nokwaphọ g'unu e-keleru mu Chịochi ono, edzukọje l'ibe phẹ ono. Unu kelekwaru mu phọ Epenitọsu; ọkpobe ọ̀nyà mu, mu yeru obu. Ọo ya bụ onye vuchakpọo ụzo woru onwiya ye Kéreshi l'ẹka lẹ Eshiya.

Efesọsu 1:4

Chileke byaru eme mgboko; o vuru ụzo shi l'atụgba ono, anyi lẹ Kéreshi tụgbaru bụru nanụ ono; họtahawaro anyi g'anyi bụru ndibe iya; k'ọphu anyi a-dụru iya iche; bya abụru ndu adụdu ẹka ntụcha a-dụ l'ẹhu anyi l'iphu iya.

Ditoronomi 14:2

Noo kẹle unu bụ ọha, dụru Chipfu, bụ Chileke unu nsọ; tẹme lẹ Chipfu shiwaa l'echilabọ ọha, nọ l'eliphe mgburugburu họta unu dobe g'unu bụru ọha, bụ yẹbedua kpoloko nwe unu.

Ditoronomi 26:19

Ọzo bụ lẹ ya e-me g'unu ha shii; kakọta ọhamoha ọzo, ya meru ememe shii. Unu aka phẹ enweru ẹpha; ọha m'ọha ono aka unu etu ẹpha; ka unu akwabẹ ùbvù. Unu abụru ọha, dụru Chipfu, bụ Chileke unu nsọ, bụ iphe, o pfuhawaru.”

Ditoronomi 7:6

Noo kẹle unu bụ ọha, dụru Chipfu, bụ Chileke unu nsọ. Mbụ lẹ Chipfu, bụ Chileke unu họtawaru unu g'unu bụru ọha, o doberu iche g'ọ bụru nkiya. O doberu unu; unu nọ-ngoo iphe, bụ ndu nọkota l'eliphe l'ophu.

Jiemusu 1:18

Ọ tụru obu iya onyo gude ọkpobe-opfu ono nwụa anyi; g'anyi dụ g'akpụru iphe-mbụ l'iphemiphe, o meru ememe.

1 Pyịta 2:9

Obenu l'unubẹdua bụ ndu Chileke gude ẹka iya họta. Unu bụ ọgbo uke kẹ Chileke; bya abụru ọha dụ nsọ; bụru ndu Chileke nwe enwenwe; k'ọphu unu e-me g'ajajẹ iya ajaja; mbụ onye ono kufutaru unu l'ọchii kuru unu ye l'ìphóró iya, dụ biribiri ono.

Ọphulenya 14:4

Ndu ono bụ ndu te emerwụjeduru onwophẹ l'ẹhu ụnwanyi. Ndu doberu ẹka doo gẹ nwamgbọko, nwoke teke engeswee ọkpa. Ẹphe bụ ndu ono, bụepho Nwatụru ono bẹ ẹphe awụjeru etso eje ẹkameka, ooje ono. Ndu a gbatarụ l'ẹka ndiphe nọ; ẹphe bụru akpụru iphe-mbụ a nụru Chileke yẹe Nwatụru ono.