Jieremaya 2:2 - BAYỊBURU Izii

² “Je je araa ya arara gẹ ndu Jierúsalẹmu nụma-dzuru; sụ phẹ-a: “Mu nyatakwarụ g'o shi evubeje ngu evuvu eme iphe, dụ mu ree teke ị bụkwadu okorọbya. I shi yee mu obu gẹ nwanyị, a lụru k'ọ̀phúú. I shi etsojeru mu je aghakọta echiẹgu; mbụ je aghaa alị ono, adụdu iphe, aakọje iya ono.

Jieremaya 2:2 ပူးပေါင်းရင်းမြစ်များ

Ebvu-ọma 129:1

Ẹphe mewaru mu ewere megharụ mu iya ẹka e -shi teke mu bụ nwata … Ngwa; g'unubẹ ndu Ízurẹlu tụko pfua sụ:

Awụfu 14:31

Ndu Ízurẹlu hụma ike-ọkpu, Chipfu gude lwụ-kpee ndu Ijiputu; ẹphe tsụahaa Chipfu ebvu; bya ekweta nkiya; waa k'onye-ozi iya, bụ Mósisu.

Awụfu 16:8

Mósisu sụkwapho: “Unu a-maru l'ọ bụ Chipfu eviya. Ọo-nụ unu anụ, unu a-ta l'ụzenyashi-a; waa nri, a-sụru unu eriri l'ụtsu; noo kẹle ọ nụmawaru aphụ, unu gụru kpua ya. ?Bụ onye bẹ anyi bụ? Unu ta agụkwaru anyi aphụ; ọ kwa Chipfu bẹ unu agụru iya!”

Ẹkwo Ẹtu 1:20

Mmamiphe tsoru gbororo echi mkpu. Ọ nọ l'echi edupfu akpọ okwe.

Ebvu Sólomọnu 3:11

Unu wụfuta-o; unubẹ ụnwada Zayọnu; unu bya ahụma ẹka eze Sólomọnu kpu okpu-eze iya; mbụ okpu-eze ono, ne iya kpuberu iya mbọku ono, ọ lụru nwanyị ono; bụ mbọku, ẹhu tsọru iya ụtso ono!

Ebvu Sólomọnu 3:6

?Bụ onye shi l'echiẹgu eje abya phọ; dụ g'ẹka ẹnwuru-ọku akpụ tụutuutuu phọ? Mbụ onye a wụru mẹru mẹ isẹnsu, e gude iphe, eshi kwẹekweekwee, ndu agba nghọ, ere ire mee.

Azáya 58:1

“Chia ya lẹ mkpu g'a nụma! B'eselakwa olu azụ! Wolia olu chia mkpu, a-da g'ẹka eegbu opu! Karụ ndibe mu l'ẹphe kwefuru mu ike; l'ị karụ ọnu-ụlo Jiékọpu iphe-ẹji phẹ.

Jieremaya 11:6

Chipfu bya asụ mu: “Raa ya arara l'alị ndu Jiuda; yẹle ọma gbororo Jierúsalẹmu: Unu ngabẹ nchị l'opfu, dụ l'ọgbandzu-a tsoo ya g'ọ dụ.

Jieremaya 19:2

Je lẹ nsụda Hịnomu l'agụga ẹka eeshije abahụ Jierúsalẹmu, bụ Ọnu-abata Agbagba-mbeji. I -rwuẹpho ẹka ono l'ị raa iphe-a, mu ezi ngu-a arara;

Jieremaya 2:1

Mu byakwa anụma olu Chipfu, sụru mu:

Jieremaya 2:6

ọphu ẹphe ajịduru sụ: ‘?Bụ awe bẹ ọ nọ; mbụ Chipfu, bụ iya dufutaru anyi l'alị Ijiputu; bya edua anyi dughaa echiẹgu, adụdu iphe, dabyiru iya nụ; mbụ dughaa alị ono, bụ evevee dụ iya; yẹe iduma iduma; alị, dụ chakịri chakịri bya agbahụkota tsụkiribaa; alị, adụdu onye eshije iya eshishi; ọphu ọ dụdu onye bu iya ebubu?’

Jieremaya 3:4

“Ọ kwa l'ị watarụ mu eku oku sụ: ‘Nnana mu-e! Ọ kwa ngu bụ onye shi lẹ teke mu bụ nwata ehe mu!

Jieremaya 7:2

“Je apfụru l'ọnu-abata eze-ụlo Chipfu raa ozi-a arara l'ẹka ono: Unu nụmakwa opfu kẹ Chipfu; unubẹ ndu Jiuda l'ophu, bụ ndu eshije l'ọnu-abata-a eje abarụ Chipfu ẹja.

Ezekẹlu 16:22

Iphe, bụ ẹbyi ono, iimekọtakpoo ono; mẹ apharwụshi ono, ịipharwushi onwongu ono bẹ iimekọtakpoepho; ọphu ị tị nyatadụru teke i shi bụru nwata; mbụ teke ono, i shi gbaru ọto; dabyiẹrupho nno; arwaswi onwongu lẹ mee ngu ono.

Ezekẹlu 16:60

Ọle g'ọoduhabe bẹ mu a-nyataẹla ọgbandzu ono, mu lẹ ngu gbaru teke ị bụ nwata ono; mu e-me gẹ mu lẹ ngu gbaa ndzụ, a-nọ jeye l'ojejoje.

Ezekẹlu 16:8

“Mu ghatashịkwa ọzo bya elee ngu ẹnya hụma l'ị kajiwaru k'ala lẹ ji; ọo ya bụ; mu gude igburọnu ẹkwa mu phukpute ngu; mbụ gude iya gbochia ngu ọto, ị gba ono. Mu kwe ngu ukwe lẹ mu a-bụru nkengu; anyi lẹ ngu bya eworu ndzụ gbaa; ị bụru nkemu. Nokwa iphe, Nnajịuphu, bụ Chipfu epfu.

Ezekẹlu 23:19

Ọle ọ gbẹ kabaa eyeru ẹhu l'agba ụkpara ọbu; g'ọ nyatarụ g'o shi agba iya lẹ teke ọ bụ nwata nọdu lẹ Ijiputu.

Ezekẹlu 23:3

Ẹphe wata agba ụkpara lẹ Ijiputu; mbụ l'ẹphe shirọ teke ẹphe bụ nwata gbata ụkpara. Ọ bụru l'ẹka ono bẹ ẹphe nọ a nọdu anọduje apyịtoshi phẹ ẹra; mbụ l'ọo l'ẹka ono bẹ ẹphe anọduje l'arwaphe phẹ ẹka l'ehe ono, akwọkwadu bụruburu ono.

Ezekẹlu 23:8

Ọphu ọ hadụru agba ụkpara ono, o shi lẹ Ijiputu gbata ono. Ọ bụro teke ọ bụ nwata bẹ yẹle unwoke watarụ akwakwa. Ẹphe nọdu anọduje arwa iya ẹka l'ehe ono, akwọkwadu bụruburu ono; agbọshi iphe ekpu iya.

Hosiya 11:1

“Teke Ízurẹlu bụ nwata bẹ mu yeru iya obu shii. Ọ bụru l'alị Ijiputu bẹ mu jeru je ekua nwa mu nwoke ono.

Hosiya 2:15

Noo ẹka mu a-nụ-phu iya opfu-vayịnu iya azụ. Mu emee gẹ nsụda Akọru bụru ẹka obu a-dụ iya. Ọ bụru ẹka ono bẹ ọo-nọdu gụaru mu ebvu g'o shi agụjeru mu iya teke ọ bụ nwamgbọko; waa g'ọ gụru iya mbọku ono, o shi lẹ Ijiputu afụta onoya.

Hosiya 2:17

Noo kẹle mu e-me g'ẹpha Balụ te eshibahẹ phẹ l'ọnu fụta; ọphu ẹphe agụ-kubaẹdu ẹpha iya l'ẹnwa.

Hosiya 2:7

Ọo-nọdu achị ndu yẹe ya eshi; obenu l'o too gudedu phẹ. L'ọ chọo phẹ; ọ tọo hụmadu phẹ. Noo teke ọo-sụ gẹ ya byakwa alaphu azụ l'ibe akahụ ji iya; kẹle teke ono shikwa ka iya ree eme lẹ nta-a.

Hosiya 8:1

Yekwa opu l'ọnu; kẹle udele bekwaru l'eli ụlo Chipfu; ọ bụru iphe, kparụ iya nụ bụ lẹ ndu Ízurẹlu mebyiwarụ ọgbandzu mu l'ẹphe; bya ekwefu ike l'ẹphe tee medu ekemu mu.

Hosiya 9:10

“Teke mu chọtaru ndu Ízurẹlu bẹ ọ dụkwa g'onye hụmaru akpụru vayịnu l'echiẹgu. Mbụ lẹ teke mu hụmaru nna unu oche phẹ bẹ ọ dụkwa g'onye hụmaru akpụru mbụ, vuru ụzo chaa l'oshi figu iya. Obenu l'ẹphe byaru ejerwua Balụ-Peyọ; ẹphe je eworu onwophẹ gwọ-phua lẹ nshi ono, bụ iphe, iphere iya dụ. Ẹphe bya abụru iphe-mmanụ ẹgube iphe ono, ẹphe yeru obu ono bụ.

Jiona 1:2

“Tụgbua jeshia eze mkpụkpu ono, bụ mkpụkpu Ninive je epfuru opfu nụ ndu bu iya nụ; kẹle ẹjo-ememe, ẹphe eme rwuwaru ẹka mu nọ.”

Matiyu 11:15

Onye nweru ẹnu-nchị, l'anụ iphe; nụmakwa iya.

Luku 12:13

Onye lanụ l'ikpoto ndu ono sụ iya: “O-zì-iphe-e! Rwọnaa nwune mu g'o kwe gẹ mu l'iya kee iphe, shi lẹ nna anyi.”

Ditoronomi 2:7

“Chipfu, bụ Chileke unu kebekwaru unu l'ọma l'iphe, bụ ozi, unu gude ẹka unu jee. Ọ bụru yẹbedua letakọtaru unu ẹnya l'ije, unu jekọtaru l'echiẹgu-a, parụ ẹka apa-a. L'ime ụkporo apha labọ-a bẹ Chipfu, bụ Chileke nọ-kubekọtakwaru unu; ọphu ọ dụdu iphe, ụko iya dụjeru unu mẹ nanụ.

Ditoronomi 33:3

Sụ-a; ndiphe bẹ o yeru obu; mbụ l'iphe, bụ ndu dụ nsọ nọkota iya l'ẹka. Ẹphe nọdu adajẹ kpurumu lẹ mgboru ọkpa iya; phozeta baarụ iya ẹja. Ọ bụru iphe, o pfuru bẹ ẹphe emeje.

Ditoronomi 8:2

Unu nyatakwa gẹ Chipfu, bụ Chileke unu gude dua unu ụkporo apha labọ l'echiẹgu; gude nno gọ-zeta unu; hụkwaapho unu ama; gẹ ya maru iphe, dụ unu l'obu; mbụ gẹ ya maru; ?mẹ unu e-meje-a ekemu iya; tọo unu te emedu?

Jiemusu 4:4

Unubẹ ụnwanyi mẹ unwoke, eri ogori ono; ?unu ta amadụ l'onye yẹe iphe-ụtso, dụ lẹ mgboko-a eshi ọ̀nyà bụwaa onye ọhogu Chileke? Ọo ya bụ l'ọ tọ dụdu m'obeta ọ bụru onye dụ ịdagha hatarụ g'ẹphe lẹ ndiphe shiru ọ̀nyà; onye ono emekwa onwiya onye ọhogu Chileke.

Ọphulenya 2:4

ọle-a; o nweẹrupho ọru, mu hụmaru ngu l'ẹhu. Ọ tọ bụedu g'i shi yee mu obu bụ g'i yeru mu iya nta-a.