Jieremaya 2:16 - BAYỊBURU Izii

¹⁶ Ọzo bụ lẹ ndu mkpụkpu Mẹmufisu; yẹe ndu mkpụkpu Tahụpanahesu kpụwaru ngu ishi.

Jieremaya 2:16 ပူးပေါင်းရင်းမြစ်များ

Jieremaya 46:14

Raa iphe-a arara l'alị ndu Ijiputu! L'i chia ya lẹ mkpu lẹ mkpụkpu Mịgudolu! Chikwaa ya phọ lẹ mkpu lẹ mkpụkpu Nọfu; yẹle Tahụpanahesu: Onyenọnu pfụkwaru l'ẹka rwuberu iya nụ kwakọbe; kẹle ogu-echi byawaru egbushi ndu nọ-kube ngu nụ.

Jieremaya 44:1

Opfu-a rwuru Jieremaya nchị l'opfu ẹhu ndu Jiuda g'ẹphe ha, bụ ndu bu l'alị ndu Ijiputu, bụ iya bụ lẹ mkpụkpu Mịgudolu; yẹle mkpụkpu Tahụpanahesu; waa lẹ mkpụkpu Nọfu; yẹle alị ndu Paturọsu sụ:

Azáya 19:13

Ndu-ishi lẹ Zowanu bụkotawa ndu eswe. Ndu-ishi lẹ mkpụkpu Mẹmufisu bẹ e mewaru mkpurukpuru-ẹnya. Ndu ono, bụ mkpuma, gude ụlo l'ọkpa-ipfu phẹ ono bẹ duswewaru ndu Ijiputu ụzo.

Ditoronomi 33:20

Ọkpa-ipfu Gadu bẹ o pfuru nkiya; sụ: “G'ajaja bụru k'onye meru g'alị Gadu jaa àjàjà. Ipfu Gadu tọkpoepho nwẹhu zẹ; kụpyabe ishi g'oduma. Iphemiphe, ọ hụmaru bẹ oozijashịje ẹka; zijashịa ya ishi.

Ezekẹlu 30:16

Mu a-tụ ọku lẹ Ijiputu. Ndu mkpụkpu Sinu bẹ a-nọdu l'oke iphe-ẹhuka. Mkpụkpu Tebẹsu bẹ ee-chikpọshi. Mkpụkpu Mẹmufisu bẹ a-nọdu eje iphe-ẹhuka mkpụrumkpuru.

Ezekẹlu 30:13

“ ‘Wakwa iphe, Nnajịuphu, bụ Chipfu epfu baa: Mu e-mebyishikọta agwa; mee g'iphe, e dobegbaaru agwa agwagwa chịhu lẹ mkpụkpu Mẹmufisu. Ọphu ọ dụdu onye byaru abụbaaru ishi, lẹ Ijiputu. Mu e-me gẹ ntsụ-mebvu dzuru alị Ijiputu.

Jieremaya 46:19

Kwakọkwa iphemiphe, ii-gude laa alị ọzo; unubẹ ndu bu l'alị ndu Ijiputu! Noo kẹle mkpụkpu Nọfu bẹ e-mechakwaa bụru ochobu; l'eemebyishia ya; ọ tọ dụdu onye eburu iya eburu.

Azáya 8:8

sọru gborogboro sọba l'alị ndu Jiuda; awụ̀chaa ya awụ̀wù; bya awọchaaru iya l'ẹkpiri. Ǹkù iya, ọ tụsaru atụsa atụko uswekete alị ngu ono gbarwee; gụbe Ịmanelu!”

2 Ndu eze 23:33

Eze ndu Ijiputu bụ Neko tụ-chiru iya lẹ mkpọro lẹ mkpụkpu Ribula l'alị Hamatu; k'ọphu bụ l'ọ tọ nọhedu lẹ Jierúsalẹmu bụru eze. Ọ bya atụ-buaru ndu Jiuda g'ẹphe pfụa mkpọla-ọchaa, ẹrwa iya dụ ụkporo talẹntu ise; waa mkpọla-ododo, ẹrwa iya dụ talẹntu lanụ.

2 Ndu eze 18:21

Lenu nta-a; ọ kwa ndu Ijiputu bẹ ị dakoberu; mbụ Ijiputu ono, bụ mgbawa-ẹchara, abụjeru: onye dakoberu iya nụ; l'o yejashịa ya ẹka meka iya iphe onoya. Ọ kwa ẹgube ono bẹ Fero dụ; mbụ eze ndu Ijiputu. Ọ kwa nno bụ g'ọ dụru iphe, bụkpoo ndu dakoberu iya nụ.

Jieremaya 48:45

“Lẹ mgboru mkpụkpu Hẹshibonu bẹ ndu agba ọso ọgu pfụru nyẹgenyege. Noo kẹle ọku kpụfuru lẹ Hẹshibonu. Mbụ l'onwu phuruphuru ọku etsu l'ime mkpụkpu Sihọnu. Ọ bụerupho l'echi ishi bẹ otsu ndu Mówabu. Mbụ ọkpu-ishi ndu ono, shi anọduje aba hanyịhanyi ono.

Hosiya 9:6

Kẹle-a; ẹphe -jekpọnu g'ẹphe gbalarụ ọla-l'iswi; ndu Ijiputu e-rwukọele phẹ-a; ndu mkpụkpu Mẹmufisu elia phẹ. Ẹku mkpọla-ọchaa phẹ efuchia l'ẹswa. Ẹwu-óbvú agbaa ibe phẹ ophorokpo.

Azáya 59:13

Anyi mesweru Chipfu; tẹme anyi nọdu ejephe iya. Mbụ l'anyi woru azụ ghaaru Chileke anyi. Opfu, eshije anyi l'ọnu afụshi bụerupho eme ewere; yẹle agirigo; mẹkpoo adzụ ụka, bụ ọphu tụkoru anyi obu sweta.