Jieremaya 14:3 - BAYỊBURU Izii

³ Ndu a maru ẹpha phẹ ziru ndu-ozi phẹ g'ẹphe je ekuta mini. Ẹphe je l'obvu-mini; ọphu ọ dụdu mini, dụ iya nụ. Ẹphe parụ ite phẹ l'ophorokpo lwa. Iphere dụ phẹ; tẹme meji tọfuwa phẹ. Ẹphe woru iphe kpuchia ishi l'ẹka iphere dụ phẹ.

Jieremaya 14:3 ပူးပေါင်းရင်းမြစ်များ

2 Sámẹlu 15:30

Dévidi tụgbua kwasẹru ara ẹkwa enyikota eli úbvú olivu. O kpuchia iphe l'ishi gbaru ọkpa ọto eje. Ndu ẹphe l'iya swị g'ẹphe ha tụko kpuchishikọta iphe l'ishi awụ etso iya; bya ara ẹkwa g'ẹphe ejekpọepho ono.

2 Sámẹlu 19:4

Eze kpuchia onwiya iphe l'iphu chia mkpu ẹkwa sụ: “Gụbe nwa mu Abụsalomu! Oowa-e Abụsalomu nwa mu; nwa mu-ee!”

1 Ndu eze 17:7

A nọnyaa; nggele ono tahụ; kẹle igwe te edzeduru mini l'alị ono.

2 Ndu eze 18:31

Unu ta angakwaru Hezekáya nchị; kẹle eze ndu Asiriya sụkwaru g'unu wụfutakwa wụ-pfuta iya gẹ yẹle unu doshia. Ọo ya bụ g'onyemonye lẹ g'unu ha eria akpụru shi lẹ vayịnu iya; ria akpụru, shi l'oshi figu iya; bya angụa mini, dụ lẹ wẹlu iya;

Ẹsuta 6:12

E mechaa; Mọdekayi laphu azụ l'ọnu-ọguzo ibe eze. Obenu lẹ Hamanu nyịgobeerupho mekebe ẹgwegwa; gụru aphụ vuru ẹka l'ishi lashịa unuphu ibe iya.

Jiobu 6:20

Iphere gudewaru phẹ; kẹle ẹka ẹphe shi kpọru obu yeru bẹ ẹphe rwuru; ọphu ọ dụdu g'ẹphe rịru.

Ebvu-ọma 109:29

Ndu anọduje ebo mu ibo bẹ ee-ye iphere g'onye yeru uwe. L'a phụa phẹ iphere g'onye phụru ukpo.

Ebvu-ọma 40:14

G'iphe, bụ ndu achọ ụzo, ẹphe e-shi gbua mu bụkwaru ndu ee-meru iphere kpua; g'a tụkwa phẹ ẹberebete. Chiphunu ndu agbaru mu ẹjo egomunggo azụ. G'iphere ji phẹ iphu!

Jieremaya 14:4

Alị gbaakwaru ọru; kẹle igwe te edzeduru mini wụshi iya. Iphere gude ndu akọ opfu. Ẹphe woru ẹka kpubegbaa l'iphu.

Jieremaya 15:18

?Bụ gụnu meru g'o gude ọphu iphe-a, l'eme mu ẹhuka-a emebuhudu emebuhu. Tẹme onwo, aba mu nụ dụ ẹjo ẹji; tẹme ọphu ọokpohudu akpọhu. ?Iime g'ị bya adụru mu gẹ nggele, edeje nemadzụ edede; mbụ gẹ nggele, e jeru; ọphu mini adụdu iya.”

Jieremaya 2:13

Ndibe mu mewaru uzi iphe-ẹji labọ. Ẹphe gbadowaru mu; mbụ mụbe ọ̀gbà mini, doru rịsaa; asọ gborogboro; bya ebvuaru onwophẹ iduma-nnakọbe-mini; tẹme ọ bụru iduma-nnakọbe-mini, gbawashịhuru agbawashịhu; ọphu mini adọjeduru iya.”

Jieremaya 2:37

Ii-mechakwa shikwaphọ l'ẹka ono vuru ẹka l'ishi lwajẹ; kẹle mu tụkowaru ndu ono, ị kpọru obu yeru ono jịka; ọphu ẹphe e-yekwarụ ngu ẹka.”

Jieremaya 20:11

Obenu lẹ Chipfu nọ swiru mu eswiru g'onye eze-ojọgu swiru. Ọo ya bụ lẹ ndu ono, achị mu lẹ njọ ono bẹ ụpfu a-dụ. Ọ tọo kalẹduru phẹ; ọphu ooreduru phẹ g'ẹphe tụberu. Ọo-bụru phẹ iphe-iphere; ọphu a byadu azọha ẹnya-ọlwa phẹ azọha.

Jieremaya 3:3

Nokwa g'o gude e sephu mini azụ g'o to dzeshi. Ọphu mini ishi-apha edzejeẹdu ililekpọo. Ọle iimelẹ-a umere nwanyị-ụkpara. Ọphu i kwedu haa g'iphere gude ngu.

Ebvu Aphụ 4:4

Ire bẹ nyakụchawaru ụnwegirima, angụ ẹra l'akpo l'ẹka ẹgu ẹra agụ phẹ. Ụnwegirima nshịi nọdu arwọ arwọ nri; ọphu ọ dụdu onye anụje phẹ iya nụ.

Hosiya 2:3

Ọdumeka bẹ mu a-gbabẹkwa iya ọto; mee ya g'ọ dabyiru swanmangu g'ọ dụ g'eswe, a nwụru iya. Mbụ lẹ mu e-me iya g'ọ dụ g'echiẹgu; alị ọkponku, adụdu iphe, dụ iya nụ; gude ẹgu-mini phụa ya tẹrii.

Jiowẹlu 1:20

anụ-ẹgbudu nọdu atụchaa hẹehee agba achọ ngu. Nggele nggele bẹ mini tashịhuwaru. Tẹme ọku tsufuwaa ẹka iphe-edobe atajẹ nri, dụ l'echiẹgu.”

Émọsu 4:7

“Mu mekwarụpho g'igwe te edzehẹru unu mini teke ọ phọdukwaruro ọnwa ẹto tẹme l'eemeta iphe, emeberu l'alị. Ọ nọdu abụjeru mu -dzeeru mkpụkpu ọwa-a mini; mu ahaa ndu ọphuu. Igwe -dzee mini l'ẹgu ibiya ọwa; l'ọ haa ibiya ọphuu l'ọ kpọhu jegiri jegiri.

Émọsu 4:8

Ndu mkpụkpu labọ ọzoo ẹto nọdu anọduje awụ gbiigbiigbi eje lẹ mkpụkpu lanụ eje achọ mini-angụngu; ọphu ẹphe ahụmajedu mini, a-sụru phẹ angụngu; ọphu unu alwakwarụpho azụ lwapfuta mu.” Nokwa iphe, Chipfu eepfu.

Zekaraya 14:17

Ọ -dụru ndu bu lẹ mgboko-a, ejeduru Jierúsalẹmu je abarụ onye eze ono ẹja; mbụ Chipfu, bụ Ọkalibe-Kakọta-Ike; igwe tee dzedụru phẹ mini.