Jieremaya 12:3 - BAYỊBURU Izii

³ Obenu lẹ mbẹdua bẹ gụbe Chipfu maru. Ịihumaje mu; tẹme ị nọdu enyochajẹ ọriri, mu arịru ngu enyocha. Kpụtanu phẹ kpụfu g'atụru, a kpụ eje egbugbu! Wonụru phẹ dobe iche kwabẹru mbọku, aa-phụ phẹ!

Jieremaya 12:3 ပူးပေါင်းရင်းမြစ်များ

2 Ndu eze 20:3

Gụbe Chipfu; nyatanụ gẹ mu bụ-be onye gude ire-lanụ; mẹ obu mu g'ọ ha tsoo ụzo nkengu; mẹ gẹ mu gude meberu iphe, dụ ree l'ẹnya ngu. Hezekáya raa ẹkwa kpọo pfụla pfụla.

1 Iphe, ndu eze meru 29:17

Chileke mu; mu maru l'ịidaleje obu; ọ bụru obu, gụru ìphóró adụje ngu ree. Ọ bụru obu, gụru ìphóró bẹ mu gude nụkota ngu iphe-a g'ọ ha ẹgube oovu mu evuvu. Nta-a bẹ mu hụmawaru ndibe mu, bụ ndu ọphu nọ l'ẹka-a g'o vu phẹ evuvu; ẹphe gude ẹhu-ụtso anụ ngu iphe.

Jiobu 23:10

Ọle mbẹdua ta adụkpodaa ụzo, mu shiru, ọ madụ. Ọ bụru iya bụ ọ -hụchaa mu ama; mu amaaha mma gẹ mkpọla-ododo.

Ebvu-ọma 11:5

Chipfu enyochajekwa ndu pfụberekoto; mẹ ndu ẹjo-iphe enyocha. Obenu lẹ ndu bụ iphe, adụje phẹ ree bụ eme ndu ọzo iphe kpanganga adụje iya ashị.

Ebvu-ọma 139:23

Vọchanaa ọkpoma mu jiko Chileke; maru iphe, dụ mu l'obu. Hụnaa mu ama maru g'ọriri mu gbaru.

Ebvu-ọma 17:3

I nyochawarụ ime obu mu; tẹme ị hụwa mu ama l'ẹnyashi; bya elerwewa mu ẹnya ọkpobe elerwe. Obenu l'ọ tọ dụdu iphe-ẹji, ị hụmaru mu l'ẹhu. Ọnu mu bẹ mu kwabẹru ẹnya g'ọ tọ dụ ẹjo opfu, e-shi iya nụ.

Ebvu-ọma 26:1

Haarụ mu enge gụbe Chipfu; kẹle ọ tọ dụdu ẹka ụta dụ lẹ ndzụ mu. Ọo ngu bẹ mu dakoberu Chipfu; ọphu ọ dụdu teke mu ngajẹru anganga.

Ebvu-ọma 7:9

Gụbe Chileke, bụ onye pfụberekoto; gụbe onye enyochajẹ ime obu waa egomunggo; jiko menaa g'ẹjo-ememe, ndu ẹjo-iphe anọduje eme bụru bugemu! Mee gẹ ndu pfụberekoto ngụru angụru!

Jieremaya 15:15

“Gụbe Chipfu; ọ kwa ngu bụ onye maru nụ. Nyatanụ mu! Letanụ mu ẹnya! Gbanaaru mu ọdzori l'ẹka ndu akpa mu ẹhu. G'ẹhu te eghujedu ngu eghu ẹgwegwa-a; be wofushinụ mu. Nyatanụ gẹ mu gude jebe iphe-iphere l'opfu ẹhu ngu.

Jieremaya 17:16

Mu ta agbakwarụ ọso sụ lẹ mu tee chehẹduru ngu atụru; ọphu ọ dụdu teke ẹjo mbọku gụjeru mu. Gụbedua maru l'iphe, shi mu l'ọnu fụta dabyiru ẹba l'iphu ngu.

Jieremaya 17:18

Kpunaa ndu akpa mu ẹhu iphu lẹ ntụ! Ọphu i kwekwa g'e kpua mbẹdua iphu lẹ ntụ! Menaa g'ẹphe bụru ndu ee-ye ebvu! Ọphu i kwekwa g'e yee mbẹdua ebvu! Mee g'iphe-ẹhuka dapfuta phẹ! Gude oke ọla-l'iswi laa phẹ l'iswi!

Jieremaya 20:12

Gụbe Chipfu, bụ Ọkalibe-Kakọta-Ike; gụbe onye ono ahụtaje ndu pfụberekoto ama; tẹme ị nọdu avọje obu yẹe ọriri; gẹ mu hụmanu ẹka iimelata phẹ; kẹle ọo ngu bẹ mu yeru ikpe nkemu l'ẹka.

Jieremaya 48:15

Ndu e-mebyishi Mówabu; yẹe mkpụkpu, nọgbaa ya nụ bẹ nọwaa anọno. Unwoke phẹ, kachaa agba mkparawa bẹ ee-gbukọta egbugbu. Nokwa iphe, oopfu; mbụ Eze ono, ẹpha iya bụ Chipfu; bya abụru Ọkalibe-Kakọta-Ike.

Jieremaya 50:27

Unu tụko oke-eswi iya gbushichaa! G'a chịkotaru phẹ je l'ẹka ee-gbushi phẹ! Nshịo phẹ; kẹle eswe nke phẹ rwuakwaru; mbụ eswe mbọku, aa-nụ phẹ aphụ.

Jieremaya 51:4

Aa-nọdu egbushi phẹ; ẹphe ada gbiigbii l'alị ndu Bábilọnu. Mbụ l'aa-nọdu emeka phẹ iphe ọkpobe emeka l'agụga gbororo.

Jiọnu 21:17

Ọ byakwa eku iya k'ugbo ẹto sụ iya: “Sayịmonu; nwa Jiọnu; ?I yeru mu obu?” Ẹhu rwụhuepho Pyịta arwụhu l'ọ jịru iya ya k'ugbo ẹto sụ iya: “?I yeru mu obu?” Ọ sụ iya: “Nnajịuphu; Ị tụkoru iphemiphe makọtaru; Ị maru lẹ mu yeru ngu obu.” Jizọsu sụ iya: “Nụjekwa atụru mu nri.”

Jiemusu 5:5

Unu buru lẹ mgboko; tụsaru ẹhu; eri gwọogwoo; eme ẹhu unu ẹhu unu. Unu tsụa onwunu ẹ̀bà g'anụ-ẹ̀bà kwabẹru mbọku egbugbu unu.

2 Pyịta 2:12

Obenu lẹ ndu ọwa-a; bụ iphe, edoduru phẹ ẹnya bẹ ẹphe anọduje epfubyishi. Ẹphe dụ g'anụ-ẹgbudu, enwedu egomunggo, bụ iphe, a nwụdoru phẹ bụ g'a nmatajẹ phẹ l'ọ́nyà gbua; ọ bụru g'e meru anụ-ẹgbudu bụ g'ee-me phẹ; ẹphe alaa l'iyi.