Jieremaya 10:9 - BAYỊBURU Izii

⁹ Ọo mkpọla-ọchaa, e tsuru ọngu bẹ e jeru eshi lẹ mkpụkpu Tashishi wota bya; yẹe mkpọla-ododo, e jeru ewota lẹ mkpụkpu Ufazu, bụcha iphe, ndu eme ọna; yẹe ndu akpụzu kpụru. Nshi ono bẹ a chịtaru uwe, dụ urwukpu-urwukpu; yẹe ọphu dụ uswe-uswe woru yee. Iphe ono bụkotaru iphe, ndu maru eme ọna meru dobe.

Jieremaya 10:9 ပူးပေါင်းရင်းမြစ်များ

1 Ndu eze 10:22

Eze nwegbaarụ ụgbo-mini, e gude agbaru iya nghọ. Ụgbo-mini ono bẹ ẹphe l'ụgbo-mini kẹ Hiramu atụkoje swịru. Ọ bụru ugbo lanụ l'ime apha ẹto bẹ ụgbo-mini ono alwajẹ; vulata mkpọla-ododo; mẹ mkpọla-ọchaa; mẹ eze-enyi; mẹ adaka; mẹ enwe.

2 Iphe, ndu eze meru 9:21

Eze nwegbaarụ ụgbo-mini, e gude agbaru iya nghọ. Ụgbo-mini ono bẹ ẹphe lẹ ndu-ozi Hiramu atụkoje swịru. Ọ bụru ugbo lanụ l'ime apha ẹto bẹ ụgbo-mini ono alwajẹ; vulata mkpọla-ododo; mẹ mkpọla-ọchaa; mẹ eze-enyi; mẹ adaka; mẹ enwe.

Ebvu-ọma 115:4

Obenu l'agwa phẹ bụ mkpọla-ododo yẹe mkpọla-ọchaa; bụ iphe, nemadzụ gude ẹka mee.

Ebvu-ọma 72:10

Ndu eze ndu Tashishi mẹ ndu bukube eze-ẹnyimu anọdu atụ akịriko anụ iya. Ndu eze ndu Sheba yẹe kẹ ndu Seba a-nọdukwapho egudeje iphe-ọma abya ibe iya.

Azáya 23:6

Unubẹ ndu bukube eze-ẹnyimu; unu daghakwaa eze-ẹnyimu la l'azụ iya kẹ Tashishi! Unu rakwaa ẹkwa rashịa ya ike!

Azáya 40:19

L'a -bya l'iphe, a kpụru akpụkpu; ono bụ onye eme ọna kpụru iya. Ọ bụru onye-ụ́zú mkpọla-ododo wụru iya mkpọla-ododo; bya emetaru iya ẹgbirigba mkpọla-ọchaa.

Ezekẹlu 27:12

“ ‘Ndu Tashishi shi bụru ndu azụje ngu aswa; kẹle i nweru ẹku, parụ ẹka l'ụdu iya l'ụdu iya. Ẹphe shi egudeje mkpọla-ọchaa; mẹ iphe-ígwè; mẹ ogbongu; mẹ mkpuma ọta-njele; bya azụ-nweta ngu ọphu i nweru.

Ezekẹlu 27:7

Ẹkwa-ọchaa, a kparụ ọ dụ ẹguru, shi lẹ Ijiputu bẹ e kweru l'imeli ụgbo-mini ono; bụ iya bụ iphe, emeje iya g'ọ gba ọso; bya abụru iya bẹ eegudeje ahụbe iya ama. Iphe, e gude kwekọta l'ugbo-mini ono gẹ mini ta abahụjeshi iya bẹ bụ ẹkwa, dụ urwukpu-urwukpu; mẹ ẹkwa, dụ uswe-uswe, shi l'agụga ẹnyimu mkpụkpu Elisha.

Danẹlu 10:5

Mu jeshia apali ẹnya; nwoke lanụ pfụwaru mu l'iphu. O yee uwe ọchaa. Ọ bụru akpọ, e gude mkpọla-ododo, kakọta ree mee bẹ o gude tụ-buta uwe iya l'upfu.

Hosiya 8:6

Ọo lẹ Ízurẹlu bẹ o shi; mbụ nweswi ọbu, bụ iphe, ndu eme ọna meru. Ọ tọ bụdu Chileke. Ọ bụ iphe, aa-kụkposhi iphiriba-iphiriba; mbụ nweswi ndu Samériya ono.

Jiona 1:3

Obenu lẹ Jiona gbalihuru gbalaa; ọ bụru iya eje mkpụkpu Tashishi. Ọ bya ejerwua mkpụkpu Jiọpa; bya ahụma ụgbo-mini, akwakọbe eje ọnu-ẹnyimu mkpụkpu ono, bụ Tashishi. Ọ bya eje apfụa ụgwo bahụ l'ụgbo ono. A kpọru ụgbo ono; ọ bụru phẹ eje Tashishi; ọ bụru ẹka ọogbalaru Chipfu.

Habakuku 2:19

Nshịo onye asụje nkụ g'ọ nọdukwa ndzụ; ọzoo onye asụje mkpuma, enwedu ndzụ g'ọ gbẹshi agbẹshi. Iphe ono; ?ọo-dụ ike kpọ-ziaru nemadzụ ụzo? Iphe ono bụkwa iphe, a wụru mkpọla-ododo yẹe k'ọchaa; ọphu ọotudu unme.