Jieremaya 10:7 - BAYỊBURU Izii

⁷ ?Bụ onye bụ onye tege anọdudu atsụ ngu ebvu; gụbe eze ọhamoha? Ono bụkwa iphe, rwuberu ngu nụ. L'iphe, bụkpoo ndu mmamiphe, nọkota l'ọhamoha; mẹkpoo l'iphe, bụkpoo alị-eze phẹ l'ophu bẹ ọ tọ dụkwa onye dụ gẹ ngu.

Jieremaya 10:7 ပူးပေါင်းရင်းမြစ်များ

Ọphulenya 15:4

Nnajịuphu; ?bụkpoo onye bụ onye a-sụ lẹ ya taa tsụdu ngu ebvu; ọphu ya taa akwabẹdu ẹpha ngu ùbvù? Ọ kwa ngu kpụrumu bụ onye dụ nsọ. Ọhamoha a-bya abaarụ ngu ẹja. Noo kẹle onyemonye hụma-dzuwaru iphemiphe, iime, pfụru ọto.”

Ebvu-ọma 22:28

Kẹle iphe, bụkotakpoo alị-eze ndiphe l'ophu bụkota kẹ Chipfu; tẹme ọ bụru iya achịkota ọhamoha.

Jieremaya 10:6

Ọ tọ dụkwa onye dụ gẹ gụbe Chipfu. Ị parụ ẹka; tẹme ẹpha ngu bẹ ike dụ.

Jieremaya 5:22

Wakwa iphe, Chipfu epfu baa: ?Tọ gbadụru g'unu gege anọdu atsụ mu ebvu? ?Tọ gbadụru g'unu a-nọdu mu l'iphu phụa kpaakpaakpaa. Ọ kwa mbẹdua gude ẹja-evevee kpaa oke alị yẹe eze-ẹnyimu. Tẹme mu tụ-bua lẹ jasụ l'ojejoje bẹ ọ tọ byadu l'asọghata iya. Akpara-mini a-tụkpokwaa sọo gborogboro; ọle ọ tọo dakadụ iya. Ọo-tụkpoo wọowoowoo; ọle ọ tọo sọghatadu iya.

Ebvu-ọma 89:6

Kẹle-a; ?bụ onye nọ l'imigwe bụ onye aa-nọdu atụ eyeru Chipfu? ?Mbụ dẹnu onye imigwe ọphu aa-nọdu atụ eyeru Chipfu?

Luku 12:5

Gẹ mu kakwaru unu onye unu a-nọdu atsụje ebvu: onye unu a-tsụje ebvu bụkwa onye bụ: o -gbuchaa egbugbu; l'o nwekwarụpho ike, oo-gude nwuru onye ono chie l'ọku-alị-maa. Ee! Mu sụru unu-a; nokwa onye unu a-tsụje ebvu bụ ono.

Zekaraya 2:11

Ọha, dụ igwerigwe bẹ a-tụgbabekwa onwophẹ ẹphe lẹ Chipfu mẹ o -rwua mbọku ono; ẹphe abụru ndibe mu. Mu e-buru l'echilabọ unu; k'ọphu unu a-maru l'ọo Chipfu, bụ Ọkalibe-Kakọta-Ike bẹ ziru mu gẹ mu bya.

Azáya 2:4

Ọo ya e-doshi opfu, dụgbaaru ọha yẹe ọha ibe iya. L'ọ bya edoshiaru ikpoto nemadzụ opfu, dụru phẹ nụ. Ẹphe e-woru ogu-echi phẹ kpụkwaa l'ọ bụru ọgu; woru arwa phẹ kpụa l'ọ bụru nwa mma, e gude akọcha iphe. Ọ tọ dụedu ọha, a-patakwadu ogu-echi ejepfu ọhozo ọgu; ọphu ẹphe anwụedu alwụ ọgu ọzobaa.

Ebvu-ọma 86:9

Ọhamoha ono, i gude ẹka ngu mee ono l'e-mechaa byakọta bya abaarụ gụbe Nnajịuphu ẹja; bya etua ngu ẹpha.

Ebvu-ọma 76:7

Ọo ngu nwẹkinyi ngu bẹ ọ gbaru g'a tsụje ebvu. ?Bụ onye a-dụ ike pfụru pfụshia ike l'iphu ngu m'ẹhu wata ngu eghu eghu?

Ebvu-ọma 72:11

Ndu bụkotakpoo eze mgburugburu l'e-phozeru iya. Ọhamoha l'ophu e-jekọtaru iya ozi.

Ọphulenya 11:15

Tọbudu iya bụ; ojozi-imigwe k'ẹsaa bya egbua opu-ọgu nkiya. Ikeropfu swọshihu l'imigwe asụje: “Nta bẹ ike k'alị-eze ụnwu eliphe l'ophu bụakwa kẹ Chileke anyi yẹe kẹ Kéreshi iya ono, bụ eze, o woru mgboko ye l'ẹka ono. O je l'abụru eze jasụ lẹ tuutuutuu lẹ mịimiimii.”

1 Kọrentu 8:6

obekwanu l'iphe, anyịbedua makaharụ bụ lẹ Chileke dụ nanụ kpoloko kpẹekpu, bụ iya bụ Nna, onye iphemiphe shi l'ẹka; tẹme ọ bụru iya bụ onye anyi nọ-doru ndzụ. Ọ bụkwarupho Nnajịuphu lanụ kpoloko dụ, bụ iya bụ Jizọsu Kéreshi; onye bụ iya bẹ Chileke gbẹ l'ẹka iya mee iphemiphe; tẹme ọ bụkwaru iya phọ bẹ anyi shi l'ẹka iya nọdu ọkpobe ndzụ.

Awụfu 8:10

Fero sụ: “Ọo echele.” Mósisu sụ: “G'ọ dụ g'i pfuru; ọo ya bụ; g'i shi nno maru l'ọ tọ dụdu onye dụ gẹ Chipfu, bụ Chileke anyi.

Awụfu 9:14

Ọdumeka bẹ ọgiya bẹ mu e-me g'ẹjo iphe-ẹhuka, l'a-lọ ngu ẹka lẹ meji byapfuta ngu; gụ lẹ ndu-ozi ngu; yẹe ndu alị ngu. Ọo ya bụ g'ị maru l'ọ tọ dụdu onye dụ gẹ mbẹdua lẹ mgboko l'ophu.

Jioshuwa 4:24

Iphe, kparụ iphe, o meru iya bụ g'ụnwu-eliphe amaru lẹ Chipfu nweru ọkpehu; ọo ya bụ g'unu atsụje Chipfu, bụ Chileke unu ebvu.”

Ẹsuta 1:13

Eshinu ọ bụ omelalị g'eze kpatajẹeda ndu maru k'ekemu-alị; waa k'ikpe, pfụru ọto ishi; tẹme l'o mee iphe, ọobya ememe; bẹ eze chị-koshiru phẹ idzu; mbụ ndu mmamiphe, bụ ndu maru iphe, gbaru l'ememe;

Danẹlu 2:27

Danẹlu yeeru eze ọnu sụ iya: “Ọ tọ dụkwa onye maru iphe; ọzoo onye emeje ọmamanshi; ọzoo onye jibya; ọzoo onye karụ akaka, adụ ike egoshi eze iphe ono, e domiru edomi ono, eze sụru g'e goshi iya ono.

Danẹlu 2:28

Obenu l'o nweru Chileke, bu l'igwe; onye egoshije nemadzụ iphe, e domiru edomi. Ọo onye ono wotaru iphe, e-mechaa mee nụ l'iphu woru kpuhaa goshi gụbe eze, bụ Nebukadineza. Nrwọ, ị rwọru; yẹe ọphulenya, ị phụru l'egomunggo teke ono, ị zẹ l'iphe-azẹe ngu ono baa:

Habakuku 3:2

Gụbe Chipfu; mu nụmawaru ụ́dù ngu; mbụ l'iphe, i meru eye mu ebvu. Gụbe Chipfu; meshinaa iphe ono nta-a, anyi nọ ndzụ-a! Mbụ-a; menaa g'a maru iya nta-a, anyi nọ ndzụ-a! Ẹhu -ghuahaa ngu oke eghu; nyatanụ obu-imemini.

Malakayi 1:11

Sụ-a; ọhamoha l'ophu; e -shikpọo l'ẹka ẹnyanwu awatajẹ jasụ l'ẹka ọoribaje; bẹ a-makọtakwaru l'ẹpha mu parụ ẹka; mbụ l'iphe, bụkpoo ẹkameka bẹ ee-mechakwaa kpọo ụ̀nwù-isẹnsu ọku nụ mu l'ụzo, dụ mu ree; tẹme ẹphe egudekwaphọ iphe, dụebe mu ree gude gweeru mu ngwẹja.” Noo iphe, Chipfu, bụ Ọkalibe-Kakọta-Ike eepfu.

2 Ndu eze 17:39

Ọo Chipfu, bụ Chileke unu bẹ unu a-bajẹchiaru ẹja. Ọo ya bụ onye a-nafụta unu l'ẹka ndu ọhogu unu l'ophu.”

1 Iphe, ndu eze meru 16:25

Noo kẹle Chipfu parụ ẹka; bya abụru onye gbaru g'a jajẹ iya ajaja. G'a tsụjekwa iya phọ ebvu l'ọ kakọta iphe, bụ agwa ndu mgboko l'ophu shii.

Ebvu-ọma 47:3

Oomeje g'anyi kapyabẹ ndiphe; bya emee gẹ ndu ọhozo nọdu anyi lẹ mkpula.

Ebvu-ọma 86:8

Agwa, nọkota nụ ta adụdu ọphu atụru gụbe Nnajịuphu; ọphu ọ dụdu iphe, ẹphe eme, dụru ọphu aatụ eyeru ọphu gụbedua eme.

Ebvu-ọma 147:5

Chipfu k'anyi parụ ẹka; tẹme ike iya bụru ike, nyịberu anyịbe. Nkwamẹnya nkiya ta adụdu onye sụru atụ ọnu g'ọ habe shii.